وحی 4
4
گؤیده‌کی تخت
1بوندان سونرا باخدیم، و باخ، گؤیده آچیق بئر قاپی! و اوّلکی سس کی، شیپور سسی کئمی منئمله دانیشیردی، ددی: «بورایا قالخ. سنه گؤرسه‌ده‌جه‌یم کی، بونلاردان سونرا گرک نه باش ورسئن.» 2اِله او آندا موقدّس روح منی بورودو، و باخ، گؤیده بئر تخت قورولموش و تختده بئری اوتورموشدو. 3اوتورانین گؤرونوشو یَشَم و قیرمیزی عقئقه بنزه‌یئردی. و تختئن اطرافیندا زومروده بنزه‌ین رنگئن‌کامان وار ائدی. 4تختئن اطرافیندا ائیئرمی دؤرد تخت ده وار ائدی و اونلارین اوستونده ائیئرمی دؤرد آغساقّالی اوتورموش گؤردوم کی، آغ پالتارلارا گیئنمئشدئلر و باشلاریندا قیزیل تاجلار وار ائدی. 5تختدن شئمشکلر، سسلر و گؤی گورولتولری گلئردی و تختئن قاباغیندا اودلا یانان یدّی مشعل وار ائدی کی، تارینین یدّی روحودورلار. 6تختئن قاباغیندا بولورا بنزه‌ین، اِله بئل کی، شوشه‌دن بئر دهنز! تختئن اورتاسیندا و اطرافیندا قاباغی و آرخاسی گؤزلرله بورونموش دؤرد جانلی مخلوق وار ائدی. 7بئرئنجی مخلوق آصلانا، ائکئنجی مخلوق دانایا، اوچونجو مخلوقون اوزو ائنسان اوزونه، دؤردونجو مخلوق دا اوچان قارتالا بنزه‌یئردی. 8بو دؤرد مخلوقدان هر بئرئنئن آلتی قانادی وار ائدی؛ اطرافی و ائچی ده گؤزلرله دولو ائدی و گجه-گوندوز دایانمادان دیئردئلر: «موقدّسدئر، موقدّسدئر، موقدّسدئر رب تاری، او قادئری موطلق، او وار اولموش، وار اولان و گله‌جک!» 9هر زامان کی، او جانلی مخلوقلار تختده اوتورانا، ابددن ابده‌جک یاشایانا عئزّت، حؤرمت و شوکورلر ورئرلر، 10ائیئرمی دؤرد آغساقّال تختده اوتورانین حوضوروندا یره دوشورلر و ابددن ابده‌جک یاشایانا پرستئش ادئرلر و تاجلارینی تختئن قاباغینا آتیب دیئرلر: 11«ربّئمئز و تاریمیز! سن لایئقسن کی، عئزّتی، حؤرمتی، و قودرتی آلاسان. چونکی هر شیی سن یاراتدین و سنئن ائرادنله وار اولوب یاراندیلار.»
Currently Selected:
وحی 4: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
