سایلار 21
21
اَراد پادشاهی یوخ ادئلئر
1نِگِبده یاشایان کَنَعانلی اَراد پادشاهی اشئتدی کی، ائسرایئل اؤولادلاری اَتارئم یولوندان گلئرلر. او، ائسرایئل اؤولادلاری ائله ووروشوب بئر نچه نفری اسئر توتدو. 2ائسرایئل اؤولادلاری ربّه نذر ادئب ددئلر: «اگر، حقئقتن، بو خالقی اَلئمئزه تسلئم اده‌سن، او زامان اونلارین شهرلرئنی کامئل یوخ اده‌رئک.» 3رب ائسرایئللی‌لرئن سَسئنی اشئتدی و کَنَعانلی‌لاری اونلارا تسلئم اتدی. ائسرایئللی‌لر ده اونلاری و شهرلرئنی کامئل یوخ اتدئلر و بله‌جه او یرئن آدی خورما #21:3 «خورما» - عئبرانی دئلئنده یعنی «کامئل یوخ اتمک» قویولدو.
بورونج ائلان
4خالق حور داغینی ترک ادئب، اِدوم تورپاغینین اطرافیندان کچمک اوچون قیرمیزی دهنز یولوندان کچدئلر. یول سفری اونلاری صبئرسئز اتدی. 5خالق تاری و موسانین ضئدّئنه دیئندئلر: «نه اوچون سئز بئزی مئصئردن چیخارتدینیز؟ صحرادا اؤلمک اوچون؟ چونکی بورادا نه چؤرک، نه ده سو وار. بو دادسیز یمکدن ده ائیره‌نئرئک.»
6او زامان رب خالقین آراسینا زَهَرلی ائلانلار گؤندَ‌ردی. ائلانلار خالقی سانجدیلار و ائسرایئل اؤولادلاریندان چوخ آدام اؤلدو. 7خالق گلئب موسایا ددی: «بئز گوناه اتدئک، چونکی رب و سنئن ضئدّئنه دیئندئک. ربّه یالوار کی، ائلانلاری بئزدن اوزاقلاشدیرسین.» موسا خالق اوچون ربّه یالواردی. 8رب موسایا ددی: «اؤزونه بئر ائلان دوزَلت و اونو دَیَنه‌یئن اوستونه قوی. ائلانین سانجدیغی آدام اونا باخدیقدا دئری قالاجاق.» 9موسا بورونجدن بئر ائلان دوزَلتدی و دَیَنه‌یئن اوستونه قویدو. ائلانین سانجدیغی هر آدام، بورونج ائلانا باخدیقدا دئری قالدی.
موآب سفری
10ائسرایئل اؤولادلاری یولا دوشوب اوبوتدا دوشَرگه سالدیلار. 11اوبوتدان کؤچوب، عئی-عبارئمده کی، موآبین شرقئنده‌کی صحرادادیر، دوشَرگه سالدیلار. 12اورادان دا یولا دوشدولر و زِرِد دره‌سئنده دوشَرگه سالدیلار. 13اورادان دا یولا دوشوب اَرنون دره‌سئنئن اوتاییندا کی، اِمورلولارین سرحدئندن چیخان صحرادادیر، دایاندیلار، چونکی اَرنون موآبلا اِمورلولارین اؤلکه‌سی آراسینداکی موآب سرحدی‌دئر. 14بو باره‌ده «ربّئن دؤیوشلری کئتابیندا» یازیلیب:
«سوفادا اولان واهِب و دره‌لر، اَرنون،
15آر شهرئنه دایانان و موآب سرحدئنه اوزانان دره‌لرئن یاماجلاری.»
16اورادان بِعِره #21:16 «بِعِره» - عئبرانی دئلئنده یعنی «قویو» یولا دوشدولر؛ بِعِر او قویودور کی، رب اورادا موسایا ددی: «خالقی بئر یره ییغ، اونلارا سو ورئم.» 17او زامان ائسرایئل اؤولادلاری بو نغمه‌نی اوخودولار:
«ای قویو، سولارین فیشقیرسین،
اونا نغمه اوخویون،
18او قویو کی، اونو باشچیلار آچدیلار،
خالقین اصئل‌زاده‌لری عصا و دَیَنَکله قازدیلار.»
سونرا صحرادان مَتّانایا یوللاندیلار. 19مَتّانادان نَخه‌لئیِله، نَخه‌لئیِلدن باموتا، 20باموتدان دا موآب تورپاغیندا اولان دره‌یه، چؤله باخان پئسگاه داغینین زئروه‌سئنه گتدئلر.
سئخون و عوگ پادشاهین مغلوبئیّتی
(تثنئیه ۲:۲۶-۳:۱۱)
21ائسرایئل اِمورلولارین پادشاهی سئخونا قاصئدلر گؤندَ‌رئب ددی: 22«خاهئش ادئرم، سنئن تورپاغیندان کچمک اوچون بئزه ائجازه وره‌سن. نه زمئیه، نه ده باغا گئره‌جَیئک. قویولارینین سویوندان ائچمیه‌جیئک. سنئن سرحدئندن کچنه‌جک فقط پادشاه یولو ائله گده‌جیئک.»
23آمّا سئخون ائسرایئله اؤز سرحددئندن کچمه‌یه ائجازه ورمه‌دی. بوتون خالقینی بئر یره ییغیب، ائسرایئل اؤولادلاری ائله ووروشماق اوچون صحرایا چیخدی و یاحِسه گلئب اونلارلا ووروشدو. 24ائسرایئل اؤولادلاری اونو قیلینجدان کچئرتدئلر، و اونون تورپاغینی کی، اَرنوندان یَبّوقا و عَمّونلولارین سرحدئنه قدر اوزانمیشدی، آلدیلار. چونکی عَمّون سرحدئنئن مؤحکم ائستِحکاماتی وار. 25ائسرایئل اؤولادلاری بو شهرلرئن هامیسینی اَله کچئرتدئلر و اِمورلولارین بوتون شهرلرئنده، خِشبوندا و اونون بوتون قصبه‌لرئنده یاشادیلار. 26چونکی خِشبون اِمورلولارین پادشاهی سئخونون شهری ائدی. سئخون موآبین اوّلکی پادشاهی ائله دؤیوشموش و اَرنونا قدر اوزانان بوتون تورپاغینی اَله کچئرتمئشدی.
27بونون اوچون شاعئرلر بله دیئرلر:
«خِشبونا گلئن؛
قوی خِشبون تزه‌دن تئکئلسئن،
سئخونون شهری برپا ادئلسئن.
28چونکی خِشبوندان بئر اود،
سئخونون شهرئندن آلوو چیخدی؛
موآبین عار شهرئنی،
اَرنونون تپه‌لرئنئن باشچیلارینی یاندیریب محو اتدی.
29وای حالینا، ای موآب!
ای کِموشون خالقی، یوخ اولدون!
اوغوللارینی اِمورلولارین پادشاهی سئخونا قاچقینلیغا
قیزلارینی دا اسئرلئیه ورئب.
30لاکئن بئز اونلاری مغلوب اتمئشئک،
خِشبون دئبونا قدر محو اولوب،
مِدِبایا اوزانان نوفه‌خَیه قدر هر طرفی وئران اتمئشئک.»
31بله‌جه ائسرایئللی‌لر اِمورلولارین تورپاغیندا ساکئن اولدولار. 32موسا آداملار گؤندَ‌ردی کی، یَعزِری نظردن کچئرتسئنلر. ائسرایئل اؤولادلاری اونون قصبه‌لرئنی اَله کچئرتدئلر و اورادا یاشایان اِمورلولاری قوودولار.
33سونرا دؤنوب باشانا یوللاندیلار. باشان پادشاهی عوگ بوتون خالقی ائله برابر اِدرِعئده اونلارلا دؤیوشه چیخدی. 34رب موسایا ددی: «اوندان قورخما، چونکی من اونو، بوتون خالقینی و تورپاغینی سنئن اَلئنه تسلئم اتمئشم. خِشبوندا یاشایان اِمورلولارین پادشاهی سئخونون باشینا گتئردئیئنی، اونون دا باشینا گتئر.» 35بله‌جه ائسرایئللی‌لر اونو، اؤولادلارینی و بوتون خالقینی بئر نفر قالمایانا قدر قیردیلار؛ و تورپاغینی اَله کچئرتدئلر.
Currently Selected:
سایلار 21: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
