سایلار 20
20
قایادان چیخان سو
1بئرئنجی آی بوتون ائسرایئل اؤولادلارینین جاماعاتی سئن صحراسینا گلدی. اونلار قِدِشده دایاندیلار. مریم اورادا اؤلدو و اِله اورادا دا باسدیریلدی.
2جاماعات اوچون سو یوخ ائدی، اونا گؤره موسا و هارونون ضئدّئنه ییغیلدیلار. 3خالق موسایا ناراضیلیق ادئب ددی: «کاشکی بئز ده هموطنلرئمئزله بئرلئکده ربّئن قاباغیندا اؤلَیدئک! 4ربّئن جاماعاتینی بو صحرایا نه اوچون گتئردئنئز؟ گتئردئنئز کی، بئز و حیوانلاریمیز بورادا اؤلک؟ 5نه اوچون بئزی مئصئردن چیخاردیب بله پئس یره گتئردئنئز؟ بورا نه اَکئن، نه انجئر، نه اوزوم، نه ده نار یری‌دئر. ائچمه‌یه بِله، سو یوخدور.»
6موسا و هارون جاماعاتین قاباغیندان حوضور چادیرینین گئرئشئنه گلدئلر و اوزو اوسته یره دوشدولر. ربّئن جلالی اونلارا گؤروندو. 7رب موسا ائله دانیشیب اونا ددی: 8«عصانی گؤتور، سن و قارداشین هارون جاماعاتی ییغین و اونلارین گؤزو قاباغیندا قایایا دیئن کی، سو ورسئن. قایادان اونلارا سو چیخارت، جاماعاتا و حیوانلارینا ائچئرت.» 9موسا امر اولوندوغو کئمی عصانی ربّئن قاباغیندان گؤتوردو.
10موسا و هارون جاماعاتی قایانین قاباغینا ییغدیلار و اونلارا ددئلر: «ای یاغی‌لار، ائندی اشئدئن؛ بو قایادان سئزه مگر بئز سو چیخارداجاغیق؟» 11سونرا موسا اَلئنی قالدیردی و عصاسی ائله ائکی دفه قایایا ووردو؛ قایادان بول سو چیخدی. جاماعات و اونلارین حیوانلاری سو ائچدئلر.
12آمّا رب موسا و هارونا ددی: «منه ائنانمادیغینیز اوچون، ائسرایئل اؤولادلارینین گؤزو قاباغیندا منئمله موقدّس کئمی رفتار اتمه‌دئیئنئز اوچون، بو جاماعاتی سئز اونلارا وردئیئم اؤلکه‌یه آپارمایاجاقسینیز.» 13بو سولار مِرئبا#20:13 عئبرانی دئلئنده «موباحئثه» سولاری ائدی. چونکی بو یرده ائسرایئل اؤولادلاری ربله موباحئثه اتدئلر و رب اونلارا اؤز موقدّسلئیئنی گؤرستدی.
اِدوم پادشاهینین ائسرایئل اؤولادلارینا اعتئراضی
14موسا قِدِشدن اِدوم پادشاهینا قاصئدلر گؤندَ‌ردی: «قارداشین ائسرایئل بله دیئر: ”چکدئیئمئز زحمتئن هامیسینی بئلئرسن. 15آتالاریمیز مئصئره کؤچدولر و بئز بئر چوخ واخت مئصئرده یاشادیق. مئصئرلی‌لر بئزئمله و آتالاریمیزلا پئس رفتار اتدئلر. 16آمّا بئز ربّه فریاد اتدئکده، او سَسئمئزی اشئتدی و بئر مَلَک گؤندَ‌رئب، بئزی مئصئردن چیخارتدی. ائندی باخ، بئز قِدِشده‌یئک کی، سنئن سرحدئنه یاخین بئر شهردئر. 17سندن خاهئش ادئرئک کی، تورپاغیندان کچمک اوچون بئزه ائجازه وره‌سن. بئز زَمئدن، یا دا اوزوم باغیندان کچمیه‌‌جَیئک؛ هچ بئر قویودان دا سو ائچمیه‌‌جیئک. پادشاهین یولو ائله سنئن تورپاغیندان کچنه‌جک صاغا و سولا دؤنمه‌یه‌جیئک.“» 18لاکئن اِدوم پادشاهی اونا ددی: «تورپاغیمیزدان کچمه‌یئن، یوخسا قاباغینیزا قیلینجلا چیخارام.» 19ائسرایئل اؤولادلاری گئنه اونلارا ددئلر: «بئز گِنئش یوللا گده‌جیئک. اگر من و مال-حیوانلاریم سولاریندان ائچسَک، دَیَرئنی وره‌رم؛ فقط پئیادا کچئب گتمکدن باشقا هچ نه ائسته‌مئرم.» 20آمّا اِدوم پادشاهی ددی: «کچمک اولماز.» اِدوملولار بؤیوک و گوجلو بئر قوشونلا اونلارین قاباغینا چیخدیلار. 21بله‌جه اِدوم پادشاهی ائسرایئللی‌لره ائجازه ورمه‌دی کی، تورپاقلاریندان کچسئنلر. اونا گؤره ده، ائسرایئللی‌لر اونلارین تورپاقلاریندان چکئلدئلر.
هارونون اؤلومو
22بوتون ائسرایئل جاماعاتی قِدِشدن یولا دوشوب حور داغینا گلدی. 23سونرا رب اِدوم تورپاغی سرحدئنده، حور داغیندا، موسا و هارونلا دانیشیب اونا بله ددی: 24«هارون اؤلوب اؤز خالقینا قوشولاجاق، چونکی مِرئبا سولاریندا سؤزومه عاصی اولدوغونوز اوچون، ائسرایئل اؤولادلارینا وردئیئم اؤلکه‌یه گئرمه‌یه‌جک. 25هارون و اوغلو اِلعازاری گؤتور، اونلاری حور داغینا گتئر. 26هارونون پالتارلارینی چیخارت و اونلاری اوغلو اِلعازارا گِیئندئر، بله‌جه هارون اورادا اؤلوب خالقینا قوشولاجاق.»
27موسا ربّئن امر اتدئیی کئمی اتدی و بوتون جاماعاتین گؤزلری قاباغیندا حور داغینا چیخدیلار. 28موسا، هارونون کاهئنلئک پالتارلارینی چیخاردیب، اوغلو اِلعازارا گِیئندئردی. هارون اورادا داغین تپه‌سئنده اؤلدو. موسا ائله اِلعازار داغدان اِندئلر. 29بوتون جاماعات هارونون اؤلدویونو گؤردو. بوتون ائسرایئل خالقی اونون اوچون اوتوز گون یاس توتدو.
Currently Selected:
سایلار 20: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
