سایلار 18
18
کاهئنلر و لاوئلی‌لرئن وظئفه‌سی
1رب هارونا ددی: «سن، اؤولادلارین و آتانین اِو اَهلی موقدّس مکانا مربوط اولان هر هانسی بئر تقصئر اوچون مسعولیّت داشییاجاقسینیز. کاهئنلئیئنه مربوط اولان خاطا اوچون مسعولئیّتی سن و اوغوللارین سنئنله داشییاجاق. 2آتانین قبئله‌سی اولان لاوی قبئله‌سئنه منصوب اولان قارداشلارینیزی دا اؤزونله گؤتور کی، سن و اؤولادلارین شهادت چادیرینین قاباغیندا ائکَن، سنه قوشولوب کؤمک اتسئنلر. 3سنه جاوابده اولوب چادیرین بوتون ائشلرئنه باخسینلار. آنجاق موقدّس مکانین اشیالارینا و قوربانگاها یاخینلاشماسینلار کی، هم اونلار، هم ده سئز اؤلمه‌یه‌سئنئز. 4اونلار سنه قوشولسونلار و حوضور چادیرینین ائشلرئنه، چادیرداکی بوتون خئدمته مسعول اولسونلار. باشقا هچ کئم سئزه یاخینلاشمامالی‌دیر. 5موقدّس یره و قوربانگاها سئز مسعول اولون کی، ائسرایئل اؤولادلاری بئر ده قضبئمه دوچار اولماسینلار. 6باخ، من ائسرایئل اؤولادلاری آراسیندان لاوئلی هموطنلرئنئزی سئزه هدئیّه اولاراق سچدئم. اونلار ربّه وقف اولونوبلار کی، حوضور چادیریندا خئدمت اتسئنلر. 7لاکئن قوربانگاها و پرده‌نئن ائچ طرفئنه عایید اولان هر شیه فقط سن و سنئنله اوغوللارین کاهئن کئمی خئدمت ادئن. کاهئنلئیی سئزه هدئیّه اولاراق ورئرم. لاکئن سئزدن باشقا موقدّس مکانا کئم یاخینلاشسا، اؤلدورولسون.»
کاهئنله لاوئلی‌لرئن پایی
8سونرا رب هارونا ددی: «باخ، من اؤزوم منه گتئرئلَن تقدئملره نظارت اتمه‌یی سنه تاپشیرمیشام. ائسرایئل اؤولادلارینین بوتون موقدّس تقدئملرئنی ابدی پای اولاراق سنه و اؤولادلارینا ورمئشم. 9قوربانگاهدا یاندیریلمایان لاپ موقدّس تقدئملردن بونلار سنئن اولسون: اونلارین هر تقدئمی، حتّا هر تاخیل تقدئمی، هر گوناه قوربانی، و هر تقصئر قوربانی کی، منه گتئرئلئر. اونلار لاپ موقدّس تقدئملردئر و هامیسی سنئن و اؤولادلارینینکی‌دیر. 10بونلاری لاپ موقدّس شیلر کئمی یِه؛ کئشی جئنسئندن هر کس اونلاردان یسئن. اونو موقدّس سای. 11بو دا سنئن اولسون؛ هدئیّه‌لرئنئن تقدئمی، حتّا ائسرایئل اؤولادلارینین یِللَتمه تقدئملرئنئن هامیسی سنئندئر. اونلاری سنه و اوغوللارینلا قیزلارینا ابدی پای اولاراق وردئم. سنئن عایئلَنده تمئز اولان هر کس اونو یئیه بئلر. 12ربّه وردئکلری ائلک محصوللاری، زیتون یاغینین لاپ یاخشیسینین هامیسینی، تزه شرابین و بوغدانین لاپ یاخشیسینین هامیسینی سنه وردئم. 13تورپاقلاریندا بئتَن تزه میوه نوبارلاریندان ربّه گتئردئکلرئنئن هامیسی سنئن اولسون؛ سنئن عایئلَنده تمئز اولان هر کس اونو یئیه بئلر. 14ائسرایئلده ربّه وقف اولونان هر شی سنئن اولسون. 15هر بَطندن ائلک دوغولان بوتون ائنسانلار و بوتون حیوان بالالاری کی، اونلار ربّه وقف ادئرلر، سنئندئر. آنجاق هر ائلک دوغولانین عوضئنی گرک آلاسان. هر نجئس حیوانین ائلک بالاسینین دا عوضئنی آل. 16اونلار بئر آیلیق اولاندا عوضلرئنی آل؛ قئیمتئنی سن قویاجاقسان کی، ائیئرمی گِرادان عئبارت اولان موقدّس مکانین شِکِلئنه گؤره بش گوموش شِکِلدئر#18:16 تقرئبن اَلّی گرم 17آنجاق ائنه‌یئن، قویونون، یا دا کچئنئن ائلک بالاسینین عوضئنی آلما؛ اونلار موقدّسدئرلر. قانلارینی قوربانگاهین اوستونه سَپ و پئیلرئنی توستوله‌دئب یاندیر کی، ربّئن خوشونا گلن عطئرلی تقدئم اولسون. 18اونلارین اَتی ده سنئن اولسون، نجه کی، یِللَتمه تقدئمی اولان دؤش اَتی و صاغ بودو سنئندئر. 19بوتون او موقدّس تقدئملری کی، ائسرایئل اؤولادلاری اونلاری ربّه قالدیرما تقدئمی کئمی گتئرئرلر، سنه و اوغوللارینلا قیزلارینا ابدی پای اولاراق وردئم. بو، سنئن و نسلئن اوچون ربّئن حوضوروندا ابدی و پوزولماز عهددئر.»#18:19 «ابدی و پوزولماز عهد» - عئبرانی دئلئنده «ابدی دوز عهدی»
20سونرا رب هارونا ددی: «اونلارین تورپاغیندا سنئن ائرثئن اولمایاجاق و اونلار آراسیندا هچ بئر پایین اولمایاجاق. ائسرایئل اؤولادلاری آراسیندا سنئن پایین و ائرثئن منم. 21آمّا ائسرایئلده بوتون اوندا بئرئنی لاوئلی‌لره ائرث اولاراق وردئم. بو، خئدمتلرئنئن، حوضور چادیریندا اتدئکلری خئدمتئن عوضی‌دئر. 22آرتیق ائسرایئل اؤولادلاری حوضور چادیرینا یاخینلاشماسینلار، یوخسا گوناها باتیب اؤلرلر. 23حوضور چادیرینین خئدمتئنی فقط لاوئلی‌لر اتسئنلر و اونلارین خاطالارینی بویونلارینا آلسینلار؛ بو، نسئلدن-نسئله سئزئن اوچون ابدی قایدادیر. ائسرایئل اؤولادلاری آراسیندا اونلارین ائرثی اولمایاجاق. 24ائسرایئل اؤولادلارینین اوندا بئرئنی کی، اونلار ربّه تقدئم کئمی گتئرئرلر، من لاوئلی‌لره ائرث اولاراق ورئرم؛ بونا گؤره لاوئلی‌لر اوچون ددئم کی، ائسرایئل اؤولادلاری آراسیندا اونلارین ائرثی اولمایاجاق.»
25سونرا رب موسا ائله دانیشیب اونا ددی: 26«لاوئلی‌لرله دانیش و اونلارا بله دِه: ”ائسرایئل اؤولادلاریندان ائرثئنئز اولاراق سئزه وردئیئم اوندا بئر حئصّه‌سئنی آلدیغینیز واخت، بو حئصّه‌نئن اوندا بئرئنی ربّه تقدئم گتئرئن. 27تقدئمئنئز خَرمَنده دؤیولَن تاخیل و یا اوزوم سیخاندان چیخان محصول کئمی ساییلاجاق. 28ائسرایئل اؤولادلاریندان آلاجاغینیز اوندا-بئرلرئنئزئن هامیسیندان دا ربّه تقدئم گتئرمه‌لئسئنئز؛ اوندان ربّه گتئرئلَن تقدئمی هارونا ورئن. 29بوتون هدئیّه‌لرئنئزدن ربّه تقدئم گتئرئن؛ اونلارین لاپ یاخشیسیندان، اونلارین تقدئس اولونموش حئصّه‌سئندن.“ 30اونلارا گرک دئیه‌سن: ”اوندان لاپ یاخشیسینی تقدئم اتدئیئنئز زامان، قالانی لاوئلی‌لر اوچون خَرمن محصولو و اوزوم سیخان محصولو کئمی ساییلاجاق. 31سئز و اِو خالقینیز هر یرده اونو یئیه‌بئلرسئنئز، چونکی او، سئزئن حاقّینیزدیر، حوضور چادیریندا اولان خئدمتئنئزئن عوضی‌دئر. 32اوندان لاپ یاخشیسینی تقدئم اتدئیئنئز اوچون، گوناها باتمیش اولمازسینیز. لاکئن ائسرایئل اؤولادلارین موقدّس تقدئملرئنی نجئس اتمه‌یئن، یوخسا اؤلر‌سئنئز.“»
Currently Selected:
سایلار 18: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
