سایلار 17

هارونون عصاسی

1سونرا رب موسا ائله دانیشیب اونا ددی: 2«ائسرایئل اؤولادلارینا دِه و هر قبئله اوچون اونلاردان بئر عصا آل؛ اون ائکی عصا اونلارین بوتون قبئله‌لری اوچون. هر بئرئنئن آدینی اؤز عصاسی اوستونه یاز. 3هارونون آدینی لاوی عصاسی اوستونه یاز کی، هر قبئله باشچیسی اوچون بئر عصا اولسون. 4عصالاری سئزئنله گؤروشدویوم یره، حوضور چادیرینداکی شهادت ساندیغینین قاباغینا قوی. 5او زامان سچه‌جیئم آدامین عصاسی تومورجوقلایاجاق و ائسرایئل اؤولادلارینین سئزه ضئدّ دیئنمه‌لرئنه آخیر قویاجاغام.» 6موسا ائسرایئل اؤولادلاری ائله دانیشیب اونلارا بونو ددی. اونلارین بوتون رهبرلری اونا بئر عصا وردئلر. هر قبئله رهبری اوچون بئر عصا، اون ائکی عصا اولدو کی، هارونون عصاسی دا اونلارین عصالاری آراسیندا ائدی. 7موسا عصالاری شهادت چادیریندا ربّئن حوضورونا قویدو.

8صاباحی گون موسا شهادت چادیرینا گئردی و گؤردو کی، لاوی نسلئنی تمثئل ادن هارونون عصاسی تومورجوقلاییب. تومورجوق قؤنچه‌له‌مئش، چئچک آچمیش و بادام یتئشدئرمئشدی. 9موسا عصالارین هامیسینی ربّئن حوضوروندان بوتون ائسرایئل اؤولادلارینین قاباغینا چیخارتدی. عصالارا باخدیلار و هر کس اؤز عصاسینی گؤتوردو.

10آمّا رب موسایا ددی: «هارونون عصاسینی شهادت ساندیغینین قاباغینا قوی کی، عوصیان ادنلرئن ضئدّئنه علامت اولوب ساخلانسین. بله‌جه اونلارین منئم باره‌مده ضئدّ دیئنمه‌لرئنه آخیر قویارسان و اؤلمزلر.» 11موسا ربّئن امر اتدئیئنه عمل اتدی.

12او زامان ائسرایئل اؤولادلاری موسا ائله دانیشیب اونا ددئلر: «یوخ اولاجاغیمیز بَلّی‌دئر! هلاک اولاجاغیق! هامیمیز هلاک اولاجاغیق! 13ربّئن خیمه‌سئنه یاخینلاشان هر کس اؤلور. دوغرودان مگر هامیمیز اؤله‌جَیئک؟»

Currently Selected:

سایلار 17: موقدس کتاب

Highlight

Copy