سایلار 15
15
قوربان حاقّیندا قانونلار
1رب موسا ائله دانیشیب اونا ددی: 2«ائسرایئل اؤولادلاری ائله دانیشیب اونلارا دِه: ”ساکئن اولماق اوچون سئزه وره‌جیئم تورپاغا گئره‌جیئنئز واخت، 3اگر کئمسه ربّئن خوشونا گلن عطئرلی تقدئم گتئرمک اوچون ربّه اود تقدئمی اولاراق یاندیرما قوربانی، نذر قوربانی، اؤز گؤیلو ائله قوربان و یا بایرام قوربانی اولاراق مال-حیواندان و یا قویون-کچئدن ربّه تقدئم اتسه، 4ربّه قوربان گتئرن آدام تاخیل تقدئمی اولاراق دؤردده بئر هئن#15:4 تقرئبن ۹/. لئتر یاغلا قاتیلمیش اِفانین اوندا بئری قدر#15:4 تقرئبن ۳/۱ کئلو نارین اون گتئرسئن. 5یاندیرما قوربانی و یا آیری بئر قوربان اوچون هر بئر قوزویا تؤکولَن مایع تقدئمی اولاراق دؤردده بئر هئن شراب حاضیرلایین.
6قوچ اوچون تاخیل تقدئمی اولاراق هئنئن اوچده بئری قدر یاغلا قاتیلمیش اِفانین اوندا ائکی حئصّه‌سی قدر#15:6 تقرئبن ۶/۲ کئلو نارین اون و 7مایع تقدئمی اولاراق هئنئن اوچده بئری قدر شراب حاضیرلایین. بونلاری ربّئن خوشونا گلن عطئرلی تقدئم اولاراق ورئن.
8ربّه یاندیرما قوربانی و یا قوربان اولاراق، نذر قوربانی یرئنه یتئرمک اوچون و یا باریش قوربانی کئمی بئر گامیش کَسنده 9گامیشلا بئرلئکده تاخیل تقدئمی کئمی یاریم هئن#15:9 تقرئبن ۸/۱ لئتر یاغلا قاتیلمیش اِفانین اوندا اوچو قدر#15:9 تقرئبن ۹/۳ کئلو نارین اون گتئرئن. 10مایِع تقدئمی کئمی یاریم هئن شراب تقدئم ادئن. بو، ربّئن خوشونا گلن عطئرلی اود تقدئمدئر.
11هر اؤکوز، قوچ، اِرکَک قوزو و یا کچی ده بله حاضیرلانسین. 12حاضیرلادیغینیز حیوانلارین ساییسینا قدر، هر بئری ائله بئرلئکده همن تقدئمی گتئرئن. 13هر بئر یرلی ائسرایئل‌لی ربّئن خوشونا گلن عطئرلی تقدئم اولاراق اود تقدئمی گتئردئیی زامان بو شیلری بله اتسئن.
14مووَقّتی و یا نسئلدن-نسئله آرانیزدا یاشایان یاداِللی اگر ربّئن خوشونا گلن عطئرلی اود تقدئمی گتئرمک ائسته‌سه، گرک سئزئن اتدئیئنئز کئمی اتسئن. 15ای جاماعات، سئزئن اوچون و سئزئنله یاشایان یاد اِللی اوچون قایدا بئردئر، نسئل‌لر بویو ابدی قایدادیر، چونکی رب سئزه ده، یاد اِللی‌لره ده بئر گؤزله باخیر. 16سئزئن اوچون و سئزئنله یاشایان یاد اِللی‌لر اوچون همن قانون و همن حؤکم اولمالی‌دیر.“»
17سونرا رب موسا ائله دانیشیب اونا بله ددی: 18«ائسرایئل اؤولادلاری ائله دانیشیب اونلارا بله دِه: ”من سئزی آپاراجاغیم تورپاغا گئره‌جَیئنئز واخت، 19تورپاغین چؤره‌یئندن یئیَنده ربّه قالدیرما تقدئمی تقدئم ادئن. 20ائلک خمئرئنئزدن بئر کؤکه گتئرئن؛ بونو خَرمَنئنئزئن قالدیرما تقدئمی اولاراق تقدئم ادئن. 21ائلک خمئرئنئزدن ادئلَن بو قالدیرما تقدئمئنی نسئلدن-نسئله قدر ربّه ورئن.
بئلمه‌دن ائشله‌نن گوناها گؤره تقدئم
22اگر سَهو ادئب ربّئن موسایا بویوردوغو بوتون بو امرلرئن یرئنه یتئرمه‌سئنده قوصور اده‌سئنئز، 23ربّئن امر اتدئیی گوندن باشلایاراق نسئلدن-نسئله موسا واسئطه‌سی‌ائله سئزه بویوردوغو هر هانسی بئر شیه عمل اتمَیه‌سئنئز، 24اگر بو ائش سَهون جاماعات طرفئندن بئلمه‌دن ادئلئبسه، اوندا بوتون جاماعات ربّئن خوشونا گلن عطئرلی تقدئم اولاراق قایدایا گؤره تاخیل و مایع تقدئملری ائله بئرلئکده یاندیرما قوربانی اولاراق بئر گامیش و گوناه قوربانی اولاراق بئر اِرکَک کچی گتئرسئن. 25سونرا کاهئن بوتون ائسرایئل اؤولادلارینین جاماعاتی اوچون کفّاره اتسئن. بله‌جه اونلار باغیشلانارلار، چونکی سهو اولموشدور و بو سهو اوچون ده ربّه اودلا تقدئم اولان قوربانلارینی و اونون حوضوروندا گوناه قوربانلارینی تقدئم ادئبلر. 26بله‌جه بوتون ائسرایئل جاماعاتی و آرالاریندا یاشایان یاد اِللی‌لر باغیشلاناجاقلار، چونکی سهون بوتون خالقین باشینا گلئب.
27اگر بئر نفر سَهون گوناه اتسه، قوی گوناه قوربانی اولاراق بئر-ائلّئک دئشی کچی گتئرسئن. 28کاهئن سَهون گوناه ائشله‌دن آدام اوچون ربّئن قاباغیندا کفّاره اتسئن کی، او باغیشلانسین. کفّاره ادنده آدام باغیشلاناجاق. 29ائسرایئل اؤولادلاری آراسیندا ائستر یرلی ائستر یاد اِللی، سَهون گوناه ادنلر اوچون قانون بئر اولسون.
30لاکئن اگر یرلی یا یاد اِللی قصدن گوناه ائشلَتسه، ربّه کوفر ادئب. او، خالقی آراسیندان قووولسون. 31چونکی او، ربّئن سؤزونه حقارتله باخیب و اونون امرئنی پوزوب. بله آدام گرک قووولسون و تقصئری اؤز باشیندا قالار.“»
سَبّت گونونو پوزان آدام
32ائسرایئل اؤولادلاری صحرادا اولارکن سَبّت گونونده اودون ییغان بئر آداما راست گلدئلر. 33اودون ییغان آداملا راستلاشانلار اونو موسانین، هارونون و بوتون جاماعاتین قاباغینا گتئردئلر. 34او آدامی حبس اتدئلر، چونکی اونونلا نه اده‌جکلری حله اعلان ادئلمه‌مئشدی. 35رب موسایا ددی: «بو آدام گرک اؤلدورولسون؛ قوی بوتون جاماعات اونو دوشَرگه‌دن اِشئک داشا باسیب اؤلدورسون.» 36بله‌جه جاماعاتین هامیسی او آدامی دوشَرگه‌دن اِشئیه چیخارتدیلار و اونو داشا باسیب اؤلدوردولر، نجه کی رب موسایا امر اتمئشدی.
قوتازلار
37رب موسا ائله دانیشیب اونا ددی: 38«ائسرایئل اؤولادلارینا دِه کی، نسئلدن-نسئله پالتارلارینین اَتَکلرئنئن اوجلارینا قوتاز تئکسئنلر. هر اوجداکی قوتازین اوستونه لاجورد بئر قایتان سالسینلار. 39بو قوتازلارا باخاندا ربّئن بوتون امرلرئنی خاطیرلایین و اونلارا عمل ادئن؛ اؤز اوره‌یئنئزئن و گؤزلرئنئزئن ائستکلرئنه قاپیلیب منه خَیانت اتمه‌یئن. 40اِله کی، بوتون امرلرئمئن یرئنه یتئرمه‌سئنی یاددا ساخلاییب، تارینیزا موقدّس اولاسینیز. 41تارینیز اولماق اوچون سئزی مئصئر تورپاغیندان چیخاردان تارینیز رب منم؛ تارینیز رب، منم!»
Currently Selected:
سایلار 15: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
سایلار 15
15
قوربان حاقّیندا قانونلار
1رب موسا ائله دانیشیب اونا ددی: 2«ائسرایئل اؤولادلاری ائله دانیشیب اونلارا دِه: ”ساکئن اولماق اوچون سئزه وره‌جیئم تورپاغا گئره‌جیئنئز واخت، 3اگر کئمسه ربّئن خوشونا گلن عطئرلی تقدئم گتئرمک اوچون ربّه اود تقدئمی اولاراق یاندیرما قوربانی، نذر قوربانی، اؤز گؤیلو ائله قوربان و یا بایرام قوربانی اولاراق مال-حیواندان و یا قویون-کچئدن ربّه تقدئم اتسه، 4ربّه قوربان گتئرن آدام تاخیل تقدئمی اولاراق دؤردده بئر هئن#15:4 تقرئبن ۹/. لئتر یاغلا قاتیلمیش اِفانین اوندا بئری قدر#15:4 تقرئبن ۳/۱ کئلو نارین اون گتئرسئن. 5یاندیرما قوربانی و یا آیری بئر قوربان اوچون هر بئر قوزویا تؤکولَن مایع تقدئمی اولاراق دؤردده بئر هئن شراب حاضیرلایین.
6قوچ اوچون تاخیل تقدئمی اولاراق هئنئن اوچده بئری قدر یاغلا قاتیلمیش اِفانین اوندا ائکی حئصّه‌سی قدر#15:6 تقرئبن ۶/۲ کئلو نارین اون و 7مایع تقدئمی اولاراق هئنئن اوچده بئری قدر شراب حاضیرلایین. بونلاری ربّئن خوشونا گلن عطئرلی تقدئم اولاراق ورئن.
8ربّه یاندیرما قوربانی و یا قوربان اولاراق، نذر قوربانی یرئنه یتئرمک اوچون و یا باریش قوربانی کئمی بئر گامیش کَسنده 9گامیشلا بئرلئکده تاخیل تقدئمی کئمی یاریم هئن#15:9 تقرئبن ۸/۱ لئتر یاغلا قاتیلمیش اِفانین اوندا اوچو قدر#15:9 تقرئبن ۹/۳ کئلو نارین اون گتئرئن. 10مایِع تقدئمی کئمی یاریم هئن شراب تقدئم ادئن. بو، ربّئن خوشونا گلن عطئرلی اود تقدئمدئر.
11هر اؤکوز، قوچ، اِرکَک قوزو و یا کچی ده بله حاضیرلانسین. 12حاضیرلادیغینیز حیوانلارین ساییسینا قدر، هر بئری ائله بئرلئکده همن تقدئمی گتئرئن. 13هر بئر یرلی ائسرایئل‌لی ربّئن خوشونا گلن عطئرلی تقدئم اولاراق اود تقدئمی گتئردئیی زامان بو شیلری بله اتسئن.
14مووَقّتی و یا نسئلدن-نسئله آرانیزدا یاشایان یاداِللی اگر ربّئن خوشونا گلن عطئرلی اود تقدئمی گتئرمک ائسته‌سه، گرک سئزئن اتدئیئنئز کئمی اتسئن. 15ای جاماعات، سئزئن اوچون و سئزئنله یاشایان یاد اِللی اوچون قایدا بئردئر، نسئل‌لر بویو ابدی قایدادیر، چونکی رب سئزه ده، یاد اِللی‌لره ده بئر گؤزله باخیر. 16سئزئن اوچون و سئزئنله یاشایان یاد اِللی‌لر اوچون همن قانون و همن حؤکم اولمالی‌دیر.“»
17سونرا رب موسا ائله دانیشیب اونا بله ددی: 18«ائسرایئل اؤولادلاری ائله دانیشیب اونلارا بله دِه: ”من سئزی آپاراجاغیم تورپاغا گئره‌جَیئنئز واخت، 19تورپاغین چؤره‌یئندن یئیَنده ربّه قالدیرما تقدئمی تقدئم ادئن. 20ائلک خمئرئنئزدن بئر کؤکه گتئرئن؛ بونو خَرمَنئنئزئن قالدیرما تقدئمی اولاراق تقدئم ادئن. 21ائلک خمئرئنئزدن ادئلَن بو قالدیرما تقدئمئنی نسئلدن-نسئله قدر ربّه ورئن.
بئلمه‌دن ائشله‌نن گوناها گؤره تقدئم
22اگر سَهو ادئب ربّئن موسایا بویوردوغو بوتون بو امرلرئن یرئنه یتئرمه‌سئنده قوصور اده‌سئنئز، 23ربّئن امر اتدئیی گوندن باشلایاراق نسئلدن-نسئله موسا واسئطه‌سی‌ائله سئزه بویوردوغو هر هانسی بئر شیه عمل اتمَیه‌سئنئز، 24اگر بو ائش سَهون جاماعات طرفئندن بئلمه‌دن ادئلئبسه، اوندا بوتون جاماعات ربّئن خوشونا گلن عطئرلی تقدئم اولاراق قایدایا گؤره تاخیل و مایع تقدئملری ائله بئرلئکده یاندیرما قوربانی اولاراق بئر گامیش و گوناه قوربانی اولاراق بئر اِرکَک کچی گتئرسئن. 25سونرا کاهئن بوتون ائسرایئل اؤولادلارینین جاماعاتی اوچون کفّاره اتسئن. بله‌جه اونلار باغیشلانارلار، چونکی سهو اولموشدور و بو سهو اوچون ده ربّه اودلا تقدئم اولان قوربانلارینی و اونون حوضوروندا گوناه قوربانلارینی تقدئم ادئبلر. 26بله‌جه بوتون ائسرایئل جاماعاتی و آرالاریندا یاشایان یاد اِللی‌لر باغیشلاناجاقلار، چونکی سهون بوتون خالقین باشینا گلئب.
27اگر بئر نفر سَهون گوناه اتسه، قوی گوناه قوربانی اولاراق بئر-ائلّئک دئشی کچی گتئرسئن. 28کاهئن سَهون گوناه ائشله‌دن آدام اوچون ربّئن قاباغیندا کفّاره اتسئن کی، او باغیشلانسین. کفّاره ادنده آدام باغیشلاناجاق. 29ائسرایئل اؤولادلاری آراسیندا ائستر یرلی ائستر یاد اِللی، سَهون گوناه ادنلر اوچون قانون بئر اولسون.
30لاکئن اگر یرلی یا یاد اِللی قصدن گوناه ائشلَتسه، ربّه کوفر ادئب. او، خالقی آراسیندان قووولسون. 31چونکی او، ربّئن سؤزونه حقارتله باخیب و اونون امرئنی پوزوب. بله آدام گرک قووولسون و تقصئری اؤز باشیندا قالار.“»
سَبّت گونونو پوزان آدام
32ائسرایئل اؤولادلاری صحرادا اولارکن سَبّت گونونده اودون ییغان بئر آداما راست گلدئلر. 33اودون ییغان آداملا راستلاشانلار اونو موسانین، هارونون و بوتون جاماعاتین قاباغینا گتئردئلر. 34او آدامی حبس اتدئلر، چونکی اونونلا نه اده‌جکلری حله اعلان ادئلمه‌مئشدی. 35رب موسایا ددی: «بو آدام گرک اؤلدورولسون؛ قوی بوتون جاماعات اونو دوشَرگه‌دن اِشئک داشا باسیب اؤلدورسون.» 36بله‌جه جاماعاتین هامیسی او آدامی دوشَرگه‌دن اِشئیه چیخارتدیلار و اونو داشا باسیب اؤلدوردولر، نجه کی رب موسایا امر اتمئشدی.
قوتازلار
37رب موسا ائله دانیشیب اونا ددی: 38«ائسرایئل اؤولادلارینا دِه کی، نسئلدن-نسئله پالتارلارینین اَتَکلرئنئن اوجلارینا قوتاز تئکسئنلر. هر اوجداکی قوتازین اوستونه لاجورد بئر قایتان سالسینلار. 39بو قوتازلارا باخاندا ربّئن بوتون امرلرئنی خاطیرلایین و اونلارا عمل ادئن؛ اؤز اوره‌یئنئزئن و گؤزلرئنئزئن ائستکلرئنه قاپیلیب منه خَیانت اتمه‌یئن. 40اِله کی، بوتون امرلرئمئن یرئنه یتئرمه‌سئنی یاددا ساخلاییب، تارینیزا موقدّس اولاسینیز. 41تارینیز اولماق اوچون سئزی مئصئر تورپاغیندان چیخاردان تارینیز رب منم؛ تارینیز رب، منم!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.