سایلار 10
10
ائکی گوموش کَره‌نای
1سونرا رب موسا ائله دانیشیب اونا بله ددی: 2«اؤزونه یاستیلانمیش گوموشدن ائکی کَره‌نای دوزَلت. بونلاری، جاماعاتی چاغیرماق و دوشَرگه‌ده‌کئلرئن یولا دوشمه‌سی اوچون ائشلَت. 3ائکی کَره‌نای چالینارسا، بوتون جاماعات سنئن یانینا، حوضور چادیرینین گئرئشئنه ییغیلسین. 4اگر تَک بئری چالینارسا، رهبرلر، ائسرایئلئن طایفا باشچیلاری سنئن یانینا ییغیلسینلار. 5ائخطار ورن کئمی چالیناندا، شرقی دوشَرگه‌ده‌کئلر یولا دوشسونلر. 6گئنه ده ائخطار ورن کئمی چالیناندا، جنوبی دوشَرگه‌ده‌کئلر یولا دوشسونلر. اونلاری یولا سالماق اوچون گرک کَره‌نای ائخطار ورن کئمی چالینسین. 7جاماعاتی ییغماق لازیم اولاندا چالین، آنجاق ائخطار ورن کئمی چالمایین.
8بوندان علاوه، کَره‌نایلاری هارون اوغوللاری اولان کاهئنلر چالسینلار. بو، نسئلدن-نسئله سئزئن اوچون ابدی قایدا اولسون. 9او زامان کی، تورپاغینیزدا سئزه هوجوم گتئرن دوشمنئن ضئدّئنه جنگه چیخیرسینیز، کَره‌نایلاری ائخطار ورن کئمی چالین کی، تارینیز ربّئن حوضوروندا خاطیرلانیب، دوشمنلرئنئزدن خئلاص اولاسینیز. 10شاد گونونوزده، تعیئن اولونان بایراملارینیزدا، و آیلارینیزین بئرئنجی گونونده، یاندیرما و باریش قوربانلارینیزی تقدئم اِدَرکَن کَره‌نای چالین؛ تارینیزین قاباغیندا بو سئزئن اوچون بئر خاطئره اولسون. تارینیز رب، منم.»
ائسرایئل اؤولادلاری سئنانی ترک ادئرلر
11ائکئنجی ائلئن ائکئنجی آییندا، آیین ائیئرمئنجی گونونده شهادت خیمه‌سئنئن اوستوندن بولود چکئلدی. 12ائسرایئل اؤولادلاری کؤچلرئنه گؤره سئنا صحراسیندان یولا دوشدولر. بولود پاران صحراسیندا دایاندی.
13بله‌جه اونلار ائلک دفه اولاراق، ربّئن موسایا امر اتدئیی کئمی یولا دوشدولر. 14هامیدان اوّل یهودانین قوشون دسته‌لری اؤز بایراقلاری آلتیندا یولا دوشدولر. بو قوشونا عَمّئناداب اوغلو نَخشون رهبرلئک ادئردی. 15یئسّاکار قبئله‌سئنئن قوشونونا صوعار اوغلو نِته‌نِل رهبرلئک ادئردی. 16زِبولون قبئله‌سئنئن قوشونونا دا خِلون اوغلو اِلئآب رهبرلئک ادئردی.
17سونرا خیمه سؤکولدو؛ و خیمه‌نی داشییان گِرشون و مِراری اؤولادلاری یولا دوشدولر.
18رِعوبئنئن قوشون دسته‌لری اؤز بایراقلاری آلتیندا یولا دوشدولر. بو قوشونا شِدِه‌اور اوغلو اِلئصور رهبرلئک ادئردی. 19شَمعون قبئله‌سئنئن قوشونونا صورئشَدّای اوغلو شِلومئیِل رهبرلئک ادئردی. 20جاد قبئله‌سئنئن قوشونونا دِعواِل اوغلو اِلیاساف رهبرلئک ادئردی. 21موقدّس اشیالاری داشییان قوحاتلی‌لار یولا دوشدولر؛ اونلار او بئرئلر گلنه‌جک خیمه‌نی قوراردیلار.
22اِفرایئمئن قوشون دسته‌لری اؤز بایراقلاری آلتیندا یولا دوشدولر. بو قوشونا عَمّئهود اوغلو اِلئشاماع رهبرلئک ادئردی. 23مِنَسّه قبئله‌سئنئن قوشونونا پِدَهصور اوغلو گَملی‌اِل رهبرلئک ادئردی. 24بِنیامئن قبئله‌سئنئن قوشونونا دا گئدعونی اوغلو اَبئدان رهبرلئک ادئردی.
25آمّا لاپ آخیردا دانین قوشون دسته‌لری اؤز بایراقلاری آلتیندا یولا دوشدولر. بو قوشونا عَمّئشَدّای اوغلو اَخئعِزِر رهبرلئک ادئردی. 26آشِر قبئله‌سئنئن قوشونونا عوکران اوغلو پَگعی‌اِل، 27نَفتالی قبئله‌سئنئن قوشونونا عِینان اوغلو اَخئرَع رهبرلئک ادئردی.
28ائسرایئلئن قوشون دسته‌لری بو نئظاملا یولا دوشدولر.
29موسا قایین‌آتاسی مئدیانلی رِعواِل اوغلو خوبابا ددی: «ربّئن ”سئزه وره‌جیم“ ددئیی یره یولا دوشوروک؛ بئزئمله گل، بئز سنه یاخشیلیق اده‌رئک. چونکی رب ائسرایئله یاخشیلیق اده‌جَیئنه سؤز ورئب.» 30لاکئن حوباب اونا ددی: «گده بئلمه‌رم. من اؤز تورپاغیما و قوحوملاریمین یانینا گده‌جیم.» 31موسا ددی: «خاهئش ادئرم، بئزی ترک اتمه، چونکی صحرادا دوشَرگه سالاجاغیمیز یرلری سن بئلئرسن. سن بئزه گؤز اولارسان. 32اگر بئزئمله گده‌سن، ربّئن بئزه اده‌جَیی یاخشیلیغی بئز ده سنه اده‌رئک.»
33بله‌جه ائسرایئل اؤولادلاری ربّئن داغیندان آیریلیب، اوچ گون یول گتدئلر. ربّئن عهد ساندیغی دا اوچ گون اونلارین قاباغیندا گدئردی کی، دئنجَله‌جکلری یری اونلارا گؤرسدسئن. 34دوشَرگه سالدیقلاری یردن یولا دوشدوکلری واخت، ربّئن بولودو گوندوز اونلارین اوستونده ائدی.
35ساندیق یولا دوشَنده موسا ددی:
«یارب قالخ!
قوی دوشمنلرئن داغیلسین،
سندن نئفرت ادنلر سنئن حوضوروندان قاچسین.»
36ساندیق دایاناندا بله ددی:
«یارب، ائسرایئل طایفالارینین اون‌مئنلر مئنلرئنئن یانینا قاییت.»
Currently Selected:
سایلار 10: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
