لاوئلی‌لر 5
5
1اگر بئر نفر گؤردویو و یا اشئتدئیی بئر شی حاقّیندا جاماعات قاباغیندا شهادت ورمه‌سه، تقصئری اؤز بوینونادیر. 2بئلمه‌دن هر هانسی بئر نجئس شیه توخونان، ائستر نجئس وحشی حیوانین لِشی اولسون، ائستر نجئس مال-حیوانین لِشی، یا دا قایناشان نجئس حیوانین لِشی، او آدام نجئس و تقصئرکار ساییلیر. 3اگر بئلمه‌دن ائنسان مدفوعونا توخونسا، اونو نجئسله‌ین شیه توخونان آدام اونو بئلَنده تقصئرکار ساییلیر. 4هر کس کی، پئسلئک و یا یاخشیلیق اتمک اوچون، دوشونمه‌دن و بئلمه‌دن احتئاطسیز بئر آند ائچئر، بونو بئلَنده تقصئرکار ساییلیر. 5بو آدام بونلاردان بئرئنه گؤره تقصئرئنی بئلَنده، گرک گوناهینی اعتئراف اتسئن. 6و او گوناها گؤره ربّئن حوضوروندا تقصئرئنی یوماق اوچون سورودن دئشی قوزو یا دا دئشی کچی گؤتوروب، گوناه قوربانی اولاراق گتئرسئن. بونونلا کاهئن او آدام اوچون گوناهینی کفّاره اتسئن.
7لاکئن اگر او آدامین قوزو قوربانی کَسمه‌یه گوجو چاتمیر، گوناهینا گؤره تقصئرئنی یوماق اوچون ربّه ائکی قومرو قوشو یا دا ائکی گؤیرچئن گتئرسئن؛ بئرئنی گوناه قوربانی، و او بئرئنی یاندیرما قوربانی. 8اونلاری کاهئنه گتئرسئن. کاهئن اوّل گوناه قوربانی اولان قوشو تقدئم اتسئن: باشینی بدندن آییرمادان بوینونو اوزسون 9و گوناه قوربانینین قانیندان قوربانگاهین بئر طرفئنه سَپسئن، قانین قالانینی قوربانگاهین آلتلیغینا تؤکسون. بو، گوناه قوربانی‌دیر. 10ائکئنجی قوش دا قایدا-قانونا موناسئب اولاراق یاندیرما قوربانی کئمی تقدئم اولونسون. بونونلا کاهئن او آدام اوچون ائشلَتدئیی گوناهی کفّاره اتسئن کی، او باغیشلانسین.
11آمّا اگر او آدامین حتّا ائکی قومرو قوشونا و یا ائکی گؤیرچئنه گوجو چاتمیر، قوی ائشلَتدئیی گوناه اوچون نارین اوندان اِفانین اوندا بئرئنی#5:11 تقرئبن ۳/۱ کئلو گوناه قوربانی اولاراق تقدئم اتسئن. لاکئن اونون اوستونه نه یاغ قویسون، نه ده کوندور. چونکی بو گوناه قوربانی‌دیر. 12اونو کاهئنئن یانینا گتئرسئن. کاهئن اوندان خاطئره تقدئمی اولاراق بئر اوووج گؤتورسون و اونو ربّه تقدئم اتسئن و قوربانگاهدا توستوله‌دئب یاندیرسین. بو، گوناه قوربانی‌دیر. 13بونونلا کاهئن او آدام اوچون ائشلَتدئیی هر هانسی بئر گوناهی کفّاره اتسئن کی، او آدام باغیشلانسین. قالان حئصّه تاخیل تقدئمی کئمی کاهئنه عاییددیر.“»
تقصئر قوربانی
14رب موسایا ددی: 15«خَیانت ادن و ربّئن موقدّس شیلرئنه سَهوَن گوناه ادن هر کس، تقصئر قوربانی اولاراق سورودن عیبسئز بئر قوچ گتئرسئن. بو تقصئر قوربانی موقدّس مکانین شِکِلئنه#5:15 تقرئبن ۱۰ گرم موناسئب، گوموش شِکِلله گرک قئیمت قویولسون. 16موقدّس شیه ووردوغو زئیانی دا قوی او آدام ورسئن و اوستونه بِشده بئرئنی علاوه ادئب کاهئنه ورسئن؛ کاهئن اونون اوچون تقصئر قوربانی اولان قوچلا کفّاره اتسئن کی، او باغیشلانسین.
17اگر بئر نفر ربّئن قدغن اتدئیی بوتون امرلرئنئن ضئدّئنه بئر ائش گؤروب گوناه ائشلَتسه و بونو بئلمه‌دن اتسه، گئنه ده تقصئرکار ساییلیب جزاسینی چکمه‌لی‌دئر. 18او، کاهئنئن یانینا تقصئر قوربانی اولاراق سورودن عیبسئز و سنئن قئیمت قویدوغونا موطابئق بئر قوچ گتئرسئن. بونونلا کاهئن اونون بئلمه‌دن اتدئیی سهو گوناهی کفّاره اتسئن کی، او باغیشلانسین. 19بو تقصئر قوربانی‌دیر. بو آدام قطعن ربّئن حوضوروندا تقصئرکاردیر.»
Currently Selected:
لاوئلی‌لر 5: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
