لاوئلی‌لر 18
18
قدغن اولونموش جئنسی رابئطه‌لر
1سونرا رب موسایا دانیشیب، ددی: 2«ائسرایئل اؤولادلاری ائله دانیش و اونلارا ده: ”تارینیز رب منم. 3نه قاباق یاشادیغینیز مئصئر تورپاغیندا ادئلن ائشلره عمل ادئن، نه ده سئزی آپاراجاغیم کَنَعان تورپاغیندا ادئلن ائشلره. اونلارین قایدالاری ائله یاشامایاجاقسینیز. 4گرک منئم حؤکملرئمه عمل ادئب، منئم قایدالاریمی ساخلایاسینیز و اونلارا موناسئب یاشایاسینیز. تارینیز رب منم. 5بونا گؤره قایدالاریمی و حؤکملرئمی ساخلایین کی، آدام بونلاری اتدئیئنده یاشایار. رب منم.
6هچ کس اؤز یاخین قوحوملاری ائله جئنسی رابئطه‌ده اولماسین. رب منم. 7آتانین ناموسونا توخونما، یعنی، اؤز آنانلا یاخینلیق اتمه. او سنئن آناندیر. اونون عئصمتئنه توخونما. 8آتانین آروادی ائله یاخینلیق اتمه. او سنئن آتانین ناموسودور. 9آتاندان و یا آناندان بئر اولان، سنئنله بئر اِوده، و یا آیری یرده دوغولان باجینلا یاخینلیق اتمه. 10اوغلونون و یا قیزینین قیزی ائله یاخینلیق اتمه، چونکی اونلارین ناموسو سنئن ناموسوندور. 11آتانین آیری آروادیندان دوغولان قیزی ائله یاخینلیق اتمه؛ چونکی او سنئن آتاندان بئر اولان باجین ساییلیر. اونون ناموسونا توخونما. 12بئبئنله یاخینلیق اتمه، چونکی او آتانین یاخین قوحومودور. 13خالانلا یاخینلیق اتمه، چونکی او آنانین یاخین قوحومودور. 14عَمئنئن ناموسونا توخونما؛ اونون آروادی ائله یاخینلیق اتمه، او سنئن عَمی‌آروادیندیر. 15گلئنئنئن ناموسونا توخونما؛ او سنئن اوغلونون آروادیدیر، اونونلا یاخینلیق اتمه. 16قارداشین آروادی ائله یاخینلیق اتمه. او سنئن قارداشینین ناموسودور. 17بئر آروادین هم اؤزو، هم ده قیزی ائله یاخینلیق اتمه. او آروادین اوغول، یا دا قیز نوه‌سی ائله ده یاخینلیق اتمه، بونلار آروادین یاخین قوحوملاری‌دیر. بو، عئفّتسئزلئکدئر. 18آروادین صاغ اولارکن، اونون باجیسینی اؤزونه آرواد آلیب اونا بئر رقئب یاراتما، ناموسونا توخونما.
19آیباشی نجئسلئیی زامانی بئر آروادلا یاخینلیق اتمه. 20آیری آدامین آروادی ائله یاخینلیق ادئب اؤزونو نجئسلَمه. 21اؤولادلارینین هچ بئرئنی مولِک بوتونه قوربان اولاراق تقدئم اتمه. بله‌جه، اؤز تارینین آدینی لکه‌لمه. رب منم. 22کئشی آروادلا یاخینلیق اتدئیی کئمی، بئر کئشی ائله یاخینلیق اتمه؛ بو، ائیرنجدئر. 23هچ بئر حیوانلا یاخینلیق ادئب اؤزونو اونونلا نجئسلَمه، هچ بئر آرواد دا بئر حیوانلا یاخینلیق اتمه‌سئن. بو، رَذئللئکدئر.
24بو شیلرئن هچ بئری ائله اؤزونوزو نجئس اتمه‌یئن، چونکی قاباغینیزدان قوواجاغیم مئلّتلر، بونلارین هامیسی ائله نجئسله‌نئبلر، 25اؤلکه ده نجئسله‌نئب. بونا گؤره ده من او تورپاغی جزالاندیرمیشام، اله کی، تورپاق، ساکئنلرئنی قوصوب. 26آمّا سئز گرک قایدالاریمی و حؤکملرئمی ساخلایاسینیز و بو ائیرنج ائشلرئن هچ بئرئنی اتمَیه‌سئنئز، ائستر یرلی، ائستر آرانیزدا یاشایان یاد اِللی اولسون. 27چونکی قاباغینیزداکی اؤلکه‌نئن ساکئنلری بوتون بو ائیرنج ائشلری ادئبلر و تورپاق نجئسله‌نئب. 28آمّا اگر سئز ده بو تورپاغی نجئسلَیه‌سئنئز، تورپاق سئزی ده، سئزدن قاباق اولان مئلّت کئمی قوصوب آتاجاق. 29بونا گؤره ده بو ائیرنج ائشلرئن هر هانسی بئرئنه عمل ادن هر کس، خالقینین آراسیندان قووولمالی‌دیر. 30بله‌جه، ددئیئمی یرئنه یتئرئن. قاباغینیزدا ادئلن ائیرنج عادتلره عمل ادئب، اونلارلا اؤزونوزو نجئسلَمه‌یئن. تارینیز رب منم.“»
Currently Selected:
لاوئلی‌لر 18: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
