یعقوب 1
1
1اؤزونو تاری و رب عئسا مسئحه قول اتمئش من یعقوبدان، قرئب اؤلکه‌لره داغیلمیش اولان اون‌‌‌ائکی قبئله‌یه: سالام.
2قارداشلاریم، جوربه‌جور ائمتاحانلارلا راستلاشدیغینیز زامان، اونو بؤیوک شادلیق حساب ادئن، 3چونکی بئلئرسئنئز کی، ائمانینیزین ائمتاحانی تحمّول حاصئل گتئرئر. 4قویون تحمّول ده اؤز کامئل نتئجه‌سئنه چاتسین، اِله کی، سئز، هچ بئر شیئنئز اسکئک اولمادان، کامالا چاتیب کامئل اولاسینیز. 5آمّا اگر سئزلردن بئرئنئن حئکمتی اَسکئکدئر، قویون تاریدان ائسته‌سئن کی، هر کسه سخاوتله مذمّتسئز عطا ادئر. و اونا عطا اولوناجاق. 6لاکئن بونو گرک ائمانلا ائسته‌سئن و هچ شوبهه اتمه‌سئن. چونکی شوبهه ادن آدام، دهنزئن شپه‌لرئنه بنزه‌یئر کی، کولک اونو قالدیریب تلاطومه سالیر. 7بله آدام گومان آپارماسین کی، ربدن بئر شی آلاجاق. 8موتَرَدّئد آدام هچ بئر یولوندا ثابئت دیئل.
9آمّا وضعئیّتی حقئر اولان قارداش اؤز افضل منصبی ائله، 10وارلی اولان دا اؤز حقئرلئیی ائله فخر اتسئن. چونکی وارلی آدام اوتون چئچه‌یی کئمی سولوب گده‌جک. 11دوغرودان دا گون، یاندیران حرارتله چیخیر، اوت قورویور، چئچه‌یی تؤکولور و اوزونون گؤزَللئیی محو اولور. وارلی آدام دا گؤردویو ائشلرده اِله سولاجاق.
12خوش او آدامین حالینا کی، ائمتاحان آلتیندا تاب گتئرئر. چونکی تصدئق اولوناندان سونرا، او حیات تاجینی آلاجاق کی، رب اونو سِونلره وعده ورئب. 13هچ کس وسوسه‌یه دوشَن زامان دمه‌سئن: «من تاری طرفئندن وسوسه اولونورام.» چونکی تاری پئسلئکله وسوسه اولونا بئلمز. او اؤزو ده هچ کسی وسوسه اتمئر. 14لاکئن هر کس او زامان وسوسه‌یه دوشور کی، اؤز شهوتی طرفئنه چکئلئب اونا آلدانیر. 15او زامان شهوت بویلو اولوب گوناهی دوغور، گوناه دا عمله گلدئکده اؤلوم گتئرئر. 16سوگئلی قارداشلاریم، آلدانمایین. 17هر بئر یاخشی شی و هر کامئل عطا یوخاریدان، نورلارین آتاسیندان نازئل اولور کی، اوندا نه دیئشئلمک وار نه ده دؤنمکلئک کؤلگه‌سی. 18او، اؤز ائراده‌سئنی عمله گتئر‌نده، بئزی حقئقتئن کلامی ائله تؤولئد اتدی، اِله کی، بئز اونون مخلوقلاری آراسیندا بئر جور نوبارالیق میوه‌سی کئمی اولاق. 19بونو سئز بئلئرسئنئز، سوگئلی قارداشلاریم. لاکئن هر کس گرک اشئتمکده ائتی، دانیشماقدا تمکئنلی و حئرصده گج اولسون. 20چونکی ائنسانین حئرصی تارینین صالحلئیئنه نایئل اولمور. 21بونا گؤره ده، بوتون کثئفلئیی و شرارتدن نه قالانی ترک اِدئب، اَکئلمئش کلامی حلئملئکله قبول ادئن کی، جانلارینیزی قورتارماغا قادئردئر. 22آمّا ثابئت ادئن کی، آنجاق کلامی اشئدئب اؤزلرئنی آلداتان دیئلسئنئز، کلاما عمل ادنلرسئنئز. 23چونکی اگر بئری کلاما عمل ادن یوخ، کلامی آنجاق اشئدندئر، او آداما بنزه‌یئر کی، اؤز طبئعی اوزونه گوزگوده باخیر. 24چونکی او، اؤزونه بئر باخیب گدئر و آنَن نجه بئر آدام اولدوغونو یاددان چیخاردیر. 25لاکئن کئم کامئل شرئعته، آزادلیق شرئعتئنه دئقّتله باخیر و اوندا داوام ادئر و یاددان چیخاردان بئر اشئدن یوخ، اونا عمل اِدَندئر، بو آدام اتدئیی هر ائشده موبارک اولاجاق. 26اگر کئمسه وار کی، اؤزونو دئندار گومان ادئر، لاکئن اوره‌یئنی آلدادیب حله ده دئلئنه جئلوو باغلامیر، بو آدامین دئندارلیغی دَیَرسئزدئر. 27آتا تارینین نظرئنده تمئز و لکه‌سئز دئندارلیق بودور: یتئملرئن و دوللارین سیخینتی زامانلاریندا اونلارین گؤروشوکلرئنه گتمک، و اؤزونو دونیادان لکه‌سئز ساخلاماق.
Currently Selected:
یعقوب 1: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
یعقوب 1
1
1اؤزونو تاری و رب عئسا مسئحه قول اتمئش من یعقوبدان، قرئب اؤلکه‌لره داغیلمیش اولان اون‌‌‌ائکی قبئله‌یه: سالام.
2قارداشلاریم، جوربه‌جور ائمتاحانلارلا راستلاشدیغینیز زامان، اونو بؤیوک شادلیق حساب ادئن، 3چونکی بئلئرسئنئز کی، ائمانینیزین ائمتاحانی تحمّول حاصئل گتئرئر. 4قویون تحمّول ده اؤز کامئل نتئجه‌سئنه چاتسین، اِله کی، سئز، هچ بئر شیئنئز اسکئک اولمادان، کامالا چاتیب کامئل اولاسینیز. 5آمّا اگر سئزلردن بئرئنئن حئکمتی اَسکئکدئر، قویون تاریدان ائسته‌سئن کی، هر کسه سخاوتله مذمّتسئز عطا ادئر. و اونا عطا اولوناجاق. 6لاکئن بونو گرک ائمانلا ائسته‌سئن و هچ شوبهه اتمه‌سئن. چونکی شوبهه ادن آدام، دهنزئن شپه‌لرئنه بنزه‌یئر کی، کولک اونو قالدیریب تلاطومه سالیر. 7بله آدام گومان آپارماسین کی، ربدن بئر شی آلاجاق. 8موتَرَدّئد آدام هچ بئر یولوندا ثابئت دیئل.
9آمّا وضعئیّتی حقئر اولان قارداش اؤز افضل منصبی ائله، 10وارلی اولان دا اؤز حقئرلئیی ائله فخر اتسئن. چونکی وارلی آدام اوتون چئچه‌یی کئمی سولوب گده‌جک. 11دوغرودان دا گون، یاندیران حرارتله چیخیر، اوت قورویور، چئچه‌یی تؤکولور و اوزونون گؤزَللئیی محو اولور. وارلی آدام دا گؤردویو ائشلرده اِله سولاجاق.
12خوش او آدامین حالینا کی، ائمتاحان آلتیندا تاب گتئرئر. چونکی تصدئق اولوناندان سونرا، او حیات تاجینی آلاجاق کی، رب اونو سِونلره وعده ورئب. 13هچ کس وسوسه‌یه دوشَن زامان دمه‌سئن: «من تاری طرفئندن وسوسه اولونورام.» چونکی تاری پئسلئکله وسوسه اولونا بئلمز. او اؤزو ده هچ کسی وسوسه اتمئر. 14لاکئن هر کس او زامان وسوسه‌یه دوشور کی، اؤز شهوتی طرفئنه چکئلئب اونا آلدانیر. 15او زامان شهوت بویلو اولوب گوناهی دوغور، گوناه دا عمله گلدئکده اؤلوم گتئرئر. 16سوگئلی قارداشلاریم، آلدانمایین. 17هر بئر یاخشی شی و هر کامئل عطا یوخاریدان، نورلارین آتاسیندان نازئل اولور کی، اوندا نه دیئشئلمک وار نه ده دؤنمکلئک کؤلگه‌سی. 18او، اؤز ائراده‌سئنی عمله گتئر‌نده، بئزی حقئقتئن کلامی ائله تؤولئد اتدی، اِله کی، بئز اونون مخلوقلاری آراسیندا بئر جور نوبارالیق میوه‌سی کئمی اولاق. 19بونو سئز بئلئرسئنئز، سوگئلی قارداشلاریم. لاکئن هر کس گرک اشئتمکده ائتی، دانیشماقدا تمکئنلی و حئرصده گج اولسون. 20چونکی ائنسانین حئرصی تارینین صالحلئیئنه نایئل اولمور. 21بونا گؤره ده، بوتون کثئفلئیی و شرارتدن نه قالانی ترک اِدئب، اَکئلمئش کلامی حلئملئکله قبول ادئن کی، جانلارینیزی قورتارماغا قادئردئر. 22آمّا ثابئت ادئن کی، آنجاق کلامی اشئدئب اؤزلرئنی آلداتان دیئلسئنئز، کلاما عمل ادنلرسئنئز. 23چونکی اگر بئری کلاما عمل ادن یوخ، کلامی آنجاق اشئدندئر، او آداما بنزه‌یئر کی، اؤز طبئعی اوزونه گوزگوده باخیر. 24چونکی او، اؤزونه بئر باخیب گدئر و آنَن نجه بئر آدام اولدوغونو یاددان چیخاردیر. 25لاکئن کئم کامئل شرئعته، آزادلیق شرئعتئنه دئقّتله باخیر و اوندا داوام ادئر و یاددان چیخاردان بئر اشئدن یوخ، اونا عمل اِدَندئر، بو آدام اتدئیی هر ائشده موبارک اولاجاق. 26اگر کئمسه وار کی، اؤزونو دئندار گومان ادئر، لاکئن اوره‌یئنی آلدادیب حله ده دئلئنه جئلوو باغلامیر، بو آدامین دئندارلیغی دَیَرسئزدئر. 27آتا تارینین نظرئنده تمئز و لکه‌سئز دئندارلیق بودور: یتئملرئن و دوللارین سیخینتی زامانلاریندا اونلارین گؤروشوکلرئنه گتمک، و اؤزونو دونیادان لکه‌سئز ساخلاماق.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.