هوشَع 9
9
ائسرایئلئن جزاسی
1ای ائسرایئل، سِوئنمه!
باشقا خالقلار کئمی شادلیقدان آتیلیب دوشمه،
چونکی فاحئشه‌لئک ادئبسن،
اؤز تارینی اونودوبسان.
بوتون خرمنلرده
فاحئشه‌لئک موزدونه کؤنول ورئبسن.
2خرمن و اوزوم سیخان خالقی دویدورمایاجاق،
تزه شراب اونلارا قئسمت اولمایاجاق.
3ربّئن تورپاغیندا یاشامایاجاقلار،
اِفرایئم مئصئره قاییداجاق،
آشوردا نجئس یمک یئیه‌جک.
4ربّه تقدئم اولاراق شراب تؤکمیه‌جکلر،
قوربانلاری اونا مقبول اولمایاجاق.
قوربانلار اونلارا یاس چؤره‌یی اولاجاق؛
اونو یئیَنلرئن هامیسی نجئس اولاجاقلار.
چؤرکلری آنجاق اؤز قارینلارینی دویوراجاق،
ربّئن اِوئنه گتئرئلمیه‌جک.
5طنطنه‌لی بایرامدا،
ربّئن بایرام گونونده نه اده‌جکسئنئز؟
6چونکی باخ، هلاکتدن قاچسالار دا،
مئصئر اونلاری ییغاجاق؛
موف#9:6 هَمَن نوف کی، یونان آدی مَمفئسدئر اونلاری قبئره باسدیراجاق.
اونلارین گوموش خزئنه‌لرئنی گئجئتکَن توتاجاق،
چادیرلاریندا تئکان بئته‌جک.
7اونلارین جزا گونلری گلئب،
حاق-حساب گونلری یِتئشئب.
قوی ائسرایئل بونو بئلسئن!
تقصئرلرئنئزئن چوخلوغوندان،
دوشمنچئلئیئنئزئن بؤیوکلویوندن،
پیغمبر اَبله اولوب،
روحانی آدام دَلئیه دؤنوب.
8پیغمبر منئم تاریملا اِفرایئم اوستونه کشئک چکر.
آمّا اونون گتدئیی هر یرده تله قورولوب،
تاریسینین اِوئنده دوشمنچئلئک وار.
9گئبعا گونلرئنده اولدوغو کئمی
اونلار اؤزلرئنی اولدوقجا فَسادا چکئبلر.
تاری اونلارین تقصئرلرئنی یادا سالاجاق،
گوناهلاری اوچون اونلاری جزالاندیراجاق.
10صحرادا اوزوم تاپان کئمی
من ائسرایئلی تاپدیم.
ائلک دفه محصول ورن انجئر نوباری کئمی
من آتالارینیزی گؤردوم.
آمّا اونلار بَعَل-پِعورا چاتدیقلاریندا
اؤزلرئنی روسوایچی بوتلره وقف اتدئلر.
اؤزلری ده سِودئکلری شیلر کئمی ائیرنج اولدولار.
11اِفرایئمئن جلالی
بئر قوش کئمی اوچوب گده‌جک.
نه دوغوم اولاجاق، نه بویلولوق.
هچ کس ده حامئله اولمایاجاق.
12اوشاقلارینی بؤیوتسه‌لر ده،
اؤلومله بالالارینی اَللرئندن آلاجاغام،
اونلاری کئمسه‌سئز قویاجاغام.
من اونلاری ترک اتدئکده
وای اونلارین حاللارینا!
13اِفرایئم، نجه کی، گؤرموشدوم،
صور شهری کئمی گؤزل بئر یرده مسکن سالمیشدی.
آمّا اِفرایئم اؤز اؤولادلارینی
جلّادین قاباغینا چیخارداجاق.»
14اونلارا ور یارب! اونلارا نه وره‌جکسن؟
اونلارا اوشاق سالان بطن، سودسوز دؤشلر ور!
15رب دیئر: «اونلار بوتون پئسلئیی گئلگالدا ادئرلر،
دوغرودان دا اورادا اونلاردان نئفرت اتدئم.
اتدئکلری پئس عمل‌لردن اؤتری
اونلاری اِوئمدن قوواجاغام.
آرتیق اونلاری سِومیه‌جیم.
بوتون باشچیلاری عاصئدئرلر.
16اِفرایئم وورولوب،
کؤکلری قورویوب.
اونلار بار ورمه‌یه‌جکلر.
اگر دوغسالار دا،
بطنلرئنئن عزئز بارینی من اؤلومه وره‌جیم.»
17تاریم اونلاری ردّ اده‌جک،
چونکی اونا قولاق آسماییبلار.
مئلّتلر آراسیندا سرگردان گزه‌جکلر.
Currently Selected:
هوشَع 9: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
