هوشَع 11
11
تارینین ائسرایئله محبّتی
1ائسرایئل اوشاق ائکَن، اونو سِودئم،
اؤز اوغلومو مئصئردن چاغیردیم.
2نه قدر چوخ چاغیریلدیلار،
او قدر چوخ اوزاقلاشدیلار.
بَعَل بوتلرئنه قوربان کَسدئلر،
اویما بوتلره بوخور یاندیردیلار.
3آمّا حله ده اِفرایئمه یِرئمه‌یی من اؤیرَتدئم،
اونلاری قول‌لاریم اوستونه آلدیم.
آنجاق بئلمه‌دئلر کی،
اونلارا من شفا وردئم.
4اونلاری مهرئبانلیق ائپلری ائله،
محبّت باغلاری ائله چکدئم.
اونلار اوچون چَنه‌لرئندن یوغو قالدیران
بئر کس اولدوم،
اَیئلئب اونلارا یمک وردئم.
5مئصئره قاییتمایاجاقلار،
لاکئن آشور اونلارا پادشاه اولاجاق.
چونکی اونلار منه دؤنمه‌یه ائمتئناع اتدئلر.
6شهرلرئنئن ائچئنده قیلینج فیرلاناجاق،
اونلارین دروازا چفته‌لرئنی قیراجاق.
فئتنه‌لری اوزوندن اونلاری یِیئب اوداجاق.
7خالقیم مندن اوزاقلاشماق اوچون قرارلی‌دیر.
اوجالاردا ساکئن اولانی چاغیرسالار دا،
اونلاری هچ واخت قالدیرمایاجاق.
8ای اِفرایئم، سنی نجه اَلدن وره‌بئله‌رم؟
ای ائسرایئل، سنی نجه تسلئم اده‌بئله‌رم؟
اَدمایا اتدئیئمی سنه نجه اده‌بئله‌رم؟
سنی نجه صِبوعئم کئمی اده‌بئله‌رم؟
سئنَمده اوره‌یئم آلت-اوست اولور،
شَفقَتئم آلوولانیر.
9من آلوولانان قضبئمی تؤکمیه‌جیم،
اِفرایئمی بئر داها محو اتمیه‌جیم.
چونکی من تارییام، ائنسان دیئلم،
آرانیزدا موقدّس اولانام.
قضبله اوستونوزه گلمیه‌جیم.
10اونلار آصلان کئمی نعره چکن
ربّئن دالیسیجا گده‌جک.
او، نعره چکنده،
اؤولادلاری قربدن تئتره‌یه‌رک گله‌جک.
11مئصئردن قوشلار کئمی،
آشور اؤلکه‌سئندن گؤیرچئنلر کئمی
تئتره‌یه‌رک گله‌جکلر.
اونلاری اِولرئنده ساکئن اده‌جیم.»
رب بویورور.
ائسرایئلئن گوناهی
12اِفرایئم یالانلا، ائسرایئل نسلی حئیله ائله
اطرافیمی آلیب،
لاکئن یهودا حله ده تارییا باغلی‌دیر،
حله ده موقدّس اولانا وفالی‌دیر.#11:12 و یا «یهودا حله ده تارییا، موقدّس اولان وفالییا عاصی‌دئر.»
Currently Selected:
هوشَع 11: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
