حِزِقیال 8
8
ربّئن معبدئنده بوتپرستلئک
1اسئرلئیئمئزئن آلتینجی ائلئنده، آلتینجی آیین بِشئنجی گونو من اِوده اوتورموشدوم و یهودا آغساقّاللاری دا قاباغیمدا اَیلَشمئشدئلر. او زامان اورادا اوستومه پروردئگار ربّئن اَلی اِندی. 2من باخیب ائنسانا #8:2 قدئم یونان ترجومهسئنده «ائنسانا»، لاکئن عئبرانی متنئنده «اودا» گلمئشدئر. اوخشار بئر صورت گؤردوم؛ بِلئندن آشاغی اودا بَنزهیئردی، آمّا بِلئندن یوخاری دمئر کئمی پاریلداییردی. 3او، اَله بَنزهر بئر شی اوزاتدی و منی باشیمین ساچیندان توتدو. او واخت روح منی یِرله گؤی آراسینا قالدیردی و تارینین رؤیالاریندا اورشلئمه، ائچهری حیطئن شئمال قاپیسینین گئرئش یرئنه گتئردی. اورادا تارینین قیرتئنی آلوولاندیران حسودلوق تئمثالی قورولموشدو. 4باخ، ائسرایئل تاریسینین عئزّتی اورادا ائدی، نجه کی، هامارلیقدا گؤردویوم رؤیادا گؤرموشدوم.
5او منه ددی: «ای بشر اوغلو، ائندی باشینی شئمال طرفه قالدیر.» من باشیمی شئمال طرفه قالدیریب گؤردوم کی، قوربانگاه قاپیسینین شئمالیندا همئن حسودلوق بوتو اونون گئرئش یِرئندهدئر. 6او منه ددی: «ای بشر اوغلو، آیا گؤرورسن نه ادئرلر؟ گؤر، منی موقدّس مکانیمدان اوزاقلاشدیرماق اوچون ائسرایئل نسلی بورادا نه چوخ ائیرنج ائشلر ادئرلر؟ حله بوندان دا ائیرنج شیلر گؤرهجکسن.»
7او واخت منی حیطئن گئرئش یرئنه گتئردی. من باخیب گؤردوم کی، دوواردا بئر دَلئک وار. 8او منه ددی: «ای بشر اوغلو، گل، دوواری دَل.» من دوواری دَلئب گؤردوم کی، بئر قاپی وار. 9او منه ددی: «ائچهری گئر، اونلارین اورادا اتدئیی ائیرنج ائشلرئنی گؤر.» 10من ائچهری گئرئب گؤردوم کی، هر جور سورولَنلرئن، منفور حیوانلارین صورتی و ائسرایئل نسلئنئن بوتلرئنئن هامیسینین تصوئری هر طرفدن دووارا چکئلئب. 11ائسرایئل نسلئنئن آغساقّاللاریندان یتمئش نفر اونلارین قاباغیندا دورموشدو. شافان اوغلو یَعَزِنیا دا اونلارین آراسیندا دایانمیشدی. هر بئرئنئن اَلئنده بوخوردان وار ائدی و بوخورون عطری بولود کئمی گؤیه قالخیردی. 12او واخت منه ددی: «ای بشر اوغلو، آیا گؤرورسن ائسرایئل نسلئنئن آغساقّاللاری قارانلیقدا، هر کس اؤز تئمثاللاری اوتاغیندا نه ادئر؟ اونا گؤره کی دیئرلر: ”رب بئزی گؤرمور، رب اؤلکهنی ترک ادئب.“» 13او گئنه منه ددی: «حله اونلارین بوندان دا ائیرنج ائشلرئنی گؤرهجکسن.»
14او واخت منی ربّئن معبدئنئن شئمال طرفدهکی قاپیسینین گئرئش یرئنه گتئردی. باخ، تَمّوز#8:14 بابئللیلرئن ثمرهلئک بوتو بوتو اوچون آغلایان آروادلار اورادا اوتورموشدولار. 15او منه ددی: «گؤرورسن، بشر اوغلو؟ حله اونلارین اتدئیی ائیرنج شیلردن داها بؤیوکلرئنی گؤرهجکسن.»
16سونرا منی ربّئن معبدئنئن ائچهری حیطئنه گتئردی. باخ، ربّئن معبدئنئن گئرئش یِرئنده، اِیوانلا قوربانگاه آراسیندا، تخمئنَن ائیئرمی بش کئشی وار ائدی کی، آرخالاری ربّئن معبدئنه، اوزلری ده شرقه طرف چِورئلمئشدی. اونلار شرقه اوز توتوب گونشی پرستئش ادئردئلر. 17او منه ددی: «گؤرورسن، بشر اوغلو؟ مگر یهودا نسلی اوچون بورادا اتدئکلری ائیرنج ائشلر آز ائدی کی، اوستهلئک اؤلکهنی قدّارلیقلا دولدورورلار و بونونلا منی داها دا قضبلَندئرئرلر؟ باخ، اونلار بوداغی بورونلارینا سوخورلار.#8:17 بوتپرست مراسئملرئنده ادئلَن بئر عمل 18بونا گؤره من ده دوغرودان قضبله رفتار ادهجیم. اونلارا یازیغیم گلمیهجک و رحم اتمیهجیم؛ منئم قولاغیما اوجادان باغیرسالار دا، اونلارا قولاق آسمایاجاغام.»
Currently Selected:
حِزِقیال 8: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
