حِزِقیال 9
9
بوتپرستلرئن جزالاندیریلماسی
1سونرا اوجادان قولاغیما قیشقیریب ددی: «قوی شهری جزالاندیرانلارین هر بئری اؤز قیرغین سئلاحی اَلئنده شهره یاخینلاشسین.» 2باخ، شئمال طرفدهکی یوخاری قاپینین یولو ائله آلتی نفر گلدی. هر بئرئنئن توپّوزو اَلئنده ائدی. اونلارین آراسیندا کتان پالتار گِیئنمئش، بِلئنده یازی قوطوسو اولان بئر آدام وار ائدی. اونلار ائچهری گئردئلر و بورونج قوربانگاهین یانیندا دایاندیلار.
3ائسرایئل تاریسینین عئزّتی دایاندیغی کَرّوبون اوستوندن قالخیب معبدئن آستاناسینا گِتمئشدی. رب کتان پالتار گِیئنمئش، بِلئنده یازی قوطوسو اولان آدامی چاغیریب 4اونا ددی: «شهری، اورشلئم شهرئنی گَز و او آداملارین آلنینا کی، اورادا ادئلَن بوتون ائیرنج ائشلردن اؤتری ناله ادئرلر، علامت قوی.» 5سونرا او بئری آداملارا بونو ددئیئنی اشئتدئم: «اونون دالینجا شهری گَزئن و آداملاری قیرین؛ یازیغینیز گلمهسئن و رحم اتمهیئن. 6قوجانی، جاوانی، اَره گتمهمئش قیزی، اوشاقلارلا آروادلاری اؤلَنهجک وورون. لاکئن اوستونده علامت اولان آداملارا توخونمایین؛ منئم موقدّس مکانیمدان باشلایین.» اونلار دا قیرماغی معبدئن قاباغیندا اولان آغساقّاللاردان باشلادیلار. 7رب اونلارا ددی: «معبدی نجئسلهیئن، حیطلری جسدلرله دولدورون. داوام ادئن!» سونرا اونلار گدئب شهردهکئلری قیردیلار. 8اونلار آداملاری قیرارکَن، من تک قالمیشدیم. اوزو اوسته دوشوب فریاد اتدئم: «آمان، یارب پروردئگار! اورشلئم اوستونه قضبئنی تؤکَرکَن، مگر ائسرایئلئن بوتون یرده قالانلارینی دا هلاک ادهجکسن؟»
9او واخت او منه ددی: «ائسرایئل و یهودا نسلئنئن تقصئری بؤیوکدور، چوخ بؤیوکدور. اؤلکه قانلا، شهر حاقسیزلیقلا دولودور. چونکی دیئرلر کی، ”رب اؤلکهنی ترک ادئب، رب گؤرمور.“ 10منئم ده اونلارا یازیغیم گلمیهجک و رحم اتمیهجیم، عمللرئنئن عوضئنی باشلارینا گتئرهجیم.» 11من گؤردوم کی، بِلئنده یازی قوطوسو اولان، کتان پالتار گِیئنمئش آدام خبر گتئرئب ددی: «منه امر اتدئیئن شیه عمل اتدئم.»
Currently Selected:
حِزِقیال 9: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
