عاموس 8
8
یای میوه‌سی باره‌سئنده رؤیا
1پروردئگار رب منه بله بئر رؤیا گؤرستدی: باخ، بئر سبد یای میوه‌سی گؤردوم. 2او مندن سوروشدو: «عاموس، سن نه گؤرورسن؟» من جاواب وردئم: «بئر سبد یای میوه‌سی.» رب منه ددی: «خالقیم ائسرایئلئن آخیر گونو یِتئشئب. آرتیق اونلاری اسئرگَمیه‌جیم. 3همئن گون سارای#8:3 و یا معبد نغمه‌لری شئونه چِورئله‌جک. مِیئت، مِیئت اوسته دوشه‌جک، اونلاری هر طرفه آتاجاقلار، هچ بئر سَس چیخمایاجاق.» پروردئگار رب بله بویورور.
تاری ائسرایئله جزا وره‌جک
4سئز، ای مؤحتاجلاری تاپدالاییب اَزَنلر،
ای اؤلکه‌نئن کاسیبلارینی یوخ اِدنلر،
اِشئدئن بونو! 5دیئرسئنئز:
«تزه آی مراسئمی نه واخت آخیرا چاتاجاق کی،
تاخیل ساتاق؟
سَبّت گونو نه واخت قورتاراجاق کی،
بوغدانی ساتیشا قویاق؟
اؤلچونو#8:5 عئبرانی دئلئنده «اِفا». تقرئبن ۲۲ لئتئرلئک بئر اؤلچو آزالداق، قئیمتی#8:5 عئبرانی دئلئنده «شِکِل». تقرئبن ۵/۱۱ گرملئک بئر اؤلچو ده آرتیراق؟
آلدادیجی تَره‌زی قوراق؟
6اِله کی، یوخسوللاری پولا،
مؤحتاجلاری بئر جوت چاریغا ساتین آلاق؟
بوغدانین تؤر-تؤکونتوسونو ده ساتاق؟»
7رب یعقوبون فخرئنه بله آند ائچئب:
«اونلارین هچ بئر ائشئنی اصلا یاددان چیخارتمایاجاغام.»
8بوندان اؤتری مگر دیئل کی، یِر تئتره‌یه‌جک،
اورادا یاشایان هر کس یاسا باتاجاق؟
دوغرودان دا بوتون یِر نئل چایی کئمی قاباراجاق،
مئصئرده‌کی نئل چایی کئمی، جوشاندان سونرا چکئله‌جک.
9پروردئگار رب بویورور:
«اِله او گونده، گونشی گون‌اورتاچاغی باتیراجاغام،
گوندوز ائشیغیندا یِر اوزونو قارانلیغا بورویه‌جیم.
10بایراملارینیزی یاسا دؤندَره‌جیم،
بوتون ماهنی‌لارینیزی مرثئیه‌یه چِوئره‌جیم.
هر کَسئن بِلئنه چول باغلایاجاغام،
هر باشین ساچینی قیرخدیراجاغام.
او گونو بئری-بئردانه اوغولا توتولان یاسا چِوئره‌جیم،
آخیری آجی اولاجاقدیر.»
11پروردئگار رب بویورور:
«باخ، اِله گونلر گله‌جک کی،
اؤلکه‌یه قحطی گؤندَ‌ره‌جیم.
بو گونلرده چؤرک و سویون قیتلیغی یوخ،
ربّئن سؤزلرئنئن قیتلیغی اولاجاق.
12ائنسانلار ربّئن سؤزونو آختاراجاقلار؛
دهنزدن دهنزه،
شئمالدان شرقه قدر
اورایا-بورایا قاچاجاقلار،
لاکئن اونو تاپمایاجاقلار.
13اِله او گون گؤزل قیزلار، جاوان اوغلانلار
سوسوزلوقدان قَشّ اده‌جکلر.
14سامئره‌نئن بوتلری آدینا آند ائچئب
”ای دان، سنئن آللاهینین حاقّی!“،
”بئرشئبایا گِدن یول حاقّی!“ دئیَن آداملار
ییخیلاجاقلار و بئر داها قالخمایاجاقلار.»
Currently Selected:
عاموس 8: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
