۱تسالونئکلی‌لره 3

1بونا گؤره ده، تاب گتئرمه‌یه داها قادئر اولماییب، آتنده تک قالماغا راضی اولدوق 2و قارداشیمیز و مسئحئن ائنجئلئنده همکاریمیز و تارینین خئدمتکاری تئموتاعوسو یانینیزا گؤندَ‌ردئک کی، ائمانینیزدا سئزه قووّت ورئب، سئزی تشوئق اتسئن 3اِله کی، هچ کس بو موصئبتلردن پرئشان اولماسین؛ چونکی سئز اؤزونوز بئلئرسئنئز کی، بئز بونون اوچون تعیئن اولونموشوق. 4چونکی یانینیزدا اولدوغوموز زامان دا سئزه ائره‌لئدن دمئشدئک کی، باشیمیزا موصئبتلر گله‌جک؛ و بئلئرسئنئز کی، بله ده اولدو. 5بونون اوچون من ده، آرتیق دؤزه بئلمه‌دئیئم زامان، یانینیزا آدام گؤندَ‌ردئم کی، ائمانینیزدان خبردار اولوم، مبادا وسوسه‌یه سالان سئزی وسوسه‌یه سالسین و چکدئیئمئز زحمت هدر اولسون. 6آمّا ائندی تئموتاعوس سئزئن یانینیزدان قاییدیب، سئزئن ائمان و محبّتئنئزدن بئزه خوش خبرلر گتئرئب و بوندان دا کی، بئزی دائم محبّتله یادا سالیرسینیز و بئز سئزه حسرت چکدئیئمئز کئمی، سئز ده بئزه اِله حسرت چکئرسئنئز. 7بو سببدن، ای قارداشلار، بوتون پرئشانلیق و موصئبتئمئزده، ائمانینیزین واسئطه‌‌سی‌ائله سئزئن حاقّینیزدا تسلّی تاپدیق. 8چونکی ائندی سئز اگر ربده ثابئت دوراسینیز، بئز یاشایاریق. 9چونکی سئزئن حاقّینیزدا تارینین حوضوروندا بوتون او شادلیغیمیز اوچون، تاریدان نجه تشکّور اده بئلرئک؟! 10نجه کی، گجه-گوندوز خالئص اورَکله دوعا ادئرئک کی، اوزونوزو گؤرک و ائمانینیزین اسکئکلرئنی دولدوراق.

11قوی ائندی آتامیز تاری اؤزو، و ربّئمئز عئسا یولوموزو سئزئن طرفئنئزه سالسین. 12و بئزئم سئزه اولان محبّتئمئز کئمی، قوی رب سئزئن محبّتئنئزی بئربئرئنئزه و بوتون ائنسانلارا آرتیریب، محبّتده سئزی باغلاسین. 13اِله کی، ربّئمئز عئسا بوتون موقدّسلری ائله گلدئیئنده، آتامیز تارینین حوضوروندا، اورَکلرئنئزی موقدّسلئکده قوصورسوز مؤحکم اتسئن.

Currently Selected:

۱تسالونئکلی‌لره 3: موقدس کتاب

Highlight

Copy