۱تسالونئکلی‌لره 2
2
پولوسون خئدمتی
1اونا گؤره قارداشلار، سئز اؤزونوز ده بئلئرسئنئز کی، بئزئم سئزئن یانینیزا گلمه‌یئمئز عبث دیئلدی. 2لاکئن بئلدئیئنئز کئمی، قاباقجا فئلئپئده عذاب چکئب تحقئر اولدوغوموز حالدا، تاریمیزدا جورعتئمئز وار ائدی کی، او آغیر ضئدّئیّته باخماییب، تارینین خوش خبرئنی سئزه دئیک. 3چونکی بئزئم تشوئقئمئز نه سهودن، نه ناپاکلیقدان، نه ده حئیله‌دندئر. 4آمّا نجه کی، تاری طرفئندن ائنجئلئن بئزه امانت ورئلمه‌سی اوچون تصدئق اولونموشوق، اله ده دانیشیریق کی، ائنسانلاری یوخ، اورَکلرئمئزی ائمتاحان ادن تارینی راضی ادک. 5چونکی بئلدئیئنئز کئمی، هچ بئر زامان یانینیزا به‌به‌لنمه سؤزلری ائله، یا دا طاماحکارلیغی گئزله‌دن نئقابلا گلمه‌دئک، تاری شاهئددئر. 6ائنسانلاردان دا عئزّت آختارمادیق، نه سئزدن، نه اؤزگه‌لردن. گرچی مسئحئن حوارئلری اولاراق سئزه یوک اولماغا ائقتئداریمیز وار ائدی. 7آمّا آرانیزدا اوشاقلارینی اَمئزدئرئب عزئزله‌ین بئر آنا کئمی، سئزئنله مولایئم رفتار اتدئک. 8سئزه بله کؤنول باغلادیغیمیز اوزوندن، سئزه آنجاق تارینین خوش خبرئنی یوخ، اؤز جانلاریمیزی ورمه‌یه ده چوخ راضی ائدئک. چونکی بئزه چوخ عزئز اولدونوز. 9بئزئم چکدئیئمئز زحمت و چتئنلئک یادینیزدادیر کی، هچ بئرئنئزه یوک اولماماق اوچون نجه گجه گوندوز ائشله‌دئک و تارینین خوش خبرئنی سئزه اعلان اتدئک. 10هم سئز هم ده تاری شاهئددئر کی، نجه سئز ائمانلی‌لار آراسیندا موقدّس، صالح و قوصورسوز ائدئک. 11بونو دا بئلئرسئنئز کی، آتا، اؤولادی ائله رفتار ادن بئری کئمی نجه سئزی اورکله‌ندئردئک، تشوئق اتدئک و یالواردیق، 12اِله کی، سئز، سئزی اؤز پادشاهلیق و عئزّتئنه دعوت ادن تارییا، لایئق شکئلده رفتار اده‌سئنئز.
13بونا گؤره ده بئز دائم تارییا شوکور ادئرئک کی، سئز تارینین بئزدن اشئتدئیئنئز کلامینی قبول اتدئکده، اونو ائنسانلارین سؤزو کئمی یوخ، اصلئنده اولدوغو کئمی تارینین کلامی اولاراق قبول اتدئنئز کی، ائمان گتئرن سئزلرده ائشئنی یرئنه یتئرئر. 14چونکی قاراداشلار، سئز تارینین یهودئیه‌ده مسئح عئسایا عایید اولان کئلئسالاریندان نومونه گؤتوردونوز. اونا گؤره کی، سئز ده اؤز هموطنلرئنئزدن همن عذابلاری چکدئنئز کی، اونلار یهودئلردن چکدئلر. 15کی، رب عئسانی و پیغمبرلری اؤلدوردولر، بئزی ده قوودولار. اونلار تارینی ناراضی ادئب بوتون ائنسانلارا دوشمن دورورلار. 16بئزه مانع اولورلار کی، قیری‌‌یهودئلرله دانیشمایاق، مبادا بونون نتئجه‌سئنده اونلار نئجات تاپسینلار. بله‌جه ده دائم گوناه اوستونه گوناه قویورلار. لاکئن قضب نهایت درجه‌ده اونلارین اوستونه تؤکولوب.
17آمّا ای قارداشلار، بئز کی، قیسا بئر مودّت اوچون-روحن یوخ، جئسمن-سئزدن محروم قالمیشدیق، بؤیوک آرزو ائله اوزوزو گؤرمه‌یه جان آتیردیق. 18چونکی بئز-من، پولوس بئر نچه دفه-ائسته‌دئک کی، یانینیزا گلک، آمّا شیطان بئزه مانع اولدو. 19چونکی ربّئمئز عئسا مسئح گلنده، اونون حوضوروندا بئزئم اومئدئمئز، شادلیغیمیز و تاجیمیزین جلالی کئمدئر؟ مگر سئز دیئلسئنئز؟ 20چونکی سئز بئزئم شؤوکت و شادلیغیمیزسینیز.
Currently Selected:
۱تسالونئکلی‌لره 2: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
