Lom 4
4
Yã bɔ̀ ń Ablahaũo na aà luanaaikɛa yãi
1Wá Yudaɔ, wá o kpelewa wá dezikaau Ablahaũ yãmusu ni? 2Tó Lua tò yã bɔ̀aanɔ na yã pɔ a kɛ̀ yãiɛ, dɔ̃ à fɔ̃̀ ĩanadã̀. Ãma a fɔ̃ dã Luaɛo. 3Kpelewa wa ò lá guui? Wà mɛ̀ Ablahaũ Lua naaikɛ̀, ɔ̃ Lua tò yã bɔ̀aanɔ na.#Daa 15.6; Gal 3.6 4Fĩaboa zĩkɛnaɛá gbɛ̃kɛyã no, aà aseaɛ. 5Baa tó gbɛ̃́ lɛ́ yãe kɛo, tó àlɛ Lua pɔ ì to yã bɔ ń taaedeɔ na naaikɛ, Lua a to yã bɔaanɔ na a naai pɔ àlɛ kɛpi yãiɛ. 6Davidi gbɛ̃́ pɔ Lua tò yã bɔ̀aanɔ na yãekɛsai baaa'ea yã'ò à mɛ̀:
7Baaadeɔn gbɛ̃́ pɔ Lua ń tàaeɔ wòlomá à ń duuna kɛ̃̀máɔ ũ.
8Baaaden gbɛ̃́ pɔ Dii a aà duuna yãdao ũ.#Soũ 32.1-2
9Baaa beeá gbɛ̃́ pɔ tɔ̃zɔ̃̀ pɔɛ adoa, ge gyafɔɔde pɔɛ lɔ? Wà mɛ̀ Lua tò yã bɔ̀ ń Ablahaũo na, kɛ́ à aà naaikɛ̀ yãiɛ. 10Kpelewa Ablahaũ dɛ gɔɔ pɔ Lua tò yã bɔ̀aanɔ nai? Aà tɔ̃zɔ̃aa ge gyafɔɔdeɛ? I tɔ̃zɔ̃o, gyafɔɔdeɛ. 11Ɔ̃ à tɔ̃zɔ̃̀ seela ũ, kɛ́ Lua tò yã bɔ̀aanɔ na e aàɔ gɛ́ tɔ̃zɔ̃i.#Daa 17.10 Màa a dɛ gyafɔɔde pɔ Lua tò yã bɔ̀ńnɔ na Luapi naaikɛa yãiɔ dezi ũ mpii. 12A dɛ gbɛ̃́ pɔ aa tɔ̃zɔ̃̀ɔ dezi ũ lɔɛ. I kɛ an tɔ̃zɔ̃a yãi no, kɛ́ aa tɛ́ wá dezi Ablahaũ pɔ Lua naaikɛ̀ a gyafɔɔgɔɔ iai yãiɛ.
Lá Ablahaũ Lua naaikɛ̀
13Lua lɛgbɛ̃̀ Ablahaũɛ ń aà buiɔ à mɛ̀ dũnia a gɔ̃ ń pɔ ũɛ.#Daa 17.4-6, 22.17-18; Gal 3.29 I kɛ aà ikoyã kũa yãi no, kɛ́ Lua tò yã bɔ̀aanɔ na a naai pɔ a kɛ̀ yãiɛ. 14Tó gbɛ̃́ pɔ aa ikoyã kũaɔ mɛ́ aa gɔ̃ kiaɔ ũ, dɔ̃ luanaaikɛa ài vĩo, mɛ́ Lua lɛgbɛ̃a kɛ̀ famaɛ,#Gal 3.18 15asa ikoyã ì mɔ ń Lua pɔkũmaoɛ. Gu pɔ ikoyã kuuo, tàae líɔ ku we sɔ̃o.
16Ayãmɛto pɔ pɔ Lua a lɛgbɛ̃̀ eaá aà naaikɛa yãɛ, kɛ́ àɔ dɛ aà gbɛ̃kɛyã ũ. Beewa lɛgbɛ̃apiá Ablahaũ buipiɔ pii pɔɛ, i kɛ gbɛ̃́ pɔ aa Mɔizi ikoyã kũa ntɛ̃ɛɔ no, ń gbɛ̃́ pɔ aalɛ Lua naaikɛ lan Ablahaũwaɔɛ lɔ. Ablahaũá wapii deziɛ.#Gal 3.7 17A dɛ wá dezi ũ Lua kĩi, lá wa kɛ̃̀wa. Lua mɛ̀ a aà dìlɛ bui waiɔ dezi ũ. Ablahaũ Lua pɔ ì wɛ̃nikpa gɛɔwa ì to pɔ pɔ ku yãaoɔ àɔ ku#Daa 17.5 naaikɛ̀. 18À Lua naaikɛ̀, à wɛdɔ̀ pɔ pɔ gbɛ̃e wɛ́ dɔiozi, ɔ̃ à gɔ̃̀ bui waiɔ dezi ũ lá Lua òɛ̀wa à mɛ̀, aà buiɔ aaɔ dasi lan saanaɔwa.#Daa 15.5
19Ablahaũ kà wɛ̃̀ basɔo taawa. Baa tó à laasookɛ̀ a gɔ̃ɛkɛbɔ busaa ń nɛ'i gɛ̃a Salalaowa, aà luanaaikɛa lí busao.#Daa 17.17 20Ìli seakɛ lɛ́ pɔ Lua gbɛ̃̀ɛwao, a gi a Lua naai vĩɛ. À gbãa'è a luanaaikɛawa, ɔ̃ à Lua tɔbɔ̀, 21asa a dɔ̃ a fɛ̃a vĩo, Lua gbãa kà à lɛ́ pɔ a gbɛ̃̀pi kɛ. 22Ayãmɛto Lua tò yã bɔ̀aanɔ na. 23Wi yã bɔaaanɔ napi kɛ̃ aà yãi adoo, 24wa kɛ̃̀ wá gbɛ̃́ pɔ Lua a to yã bɔwanɔ naɔ yãiɛ lɔ, wá gbɛ̃́ pɔ wálɛ Lua pɔ wá Dii Yesu bɔ̀ gau naaikɛɔ. 25Lua aà kpàmá, kɛ́ aà wá tàaeɔ kɛ̃wá yãiɛ,#Isa 53.4-5 ɔ̃ à aà bɔ̀ gau, kɛ́ yã e bɔwanɔ na yãi.
Currently Selected:
Lom 4: Boo2024
Highlight
Copy
Compare
Share
Want to have your highlights saved across all your devices? Sign up or sign in
Boko Bible © SIM International, 2024.
Lom 4
4
Yã bɔ̀ ń Ablahaũo na aà luanaaikɛa yãi
1Wá Yudaɔ, wá o kpelewa wá dezikaau Ablahaũ yãmusu ni? 2Tó Lua tò yã bɔ̀aanɔ na yã pɔ a kɛ̀ yãiɛ, dɔ̃ à fɔ̃̀ ĩanadã̀. Ãma a fɔ̃ dã Luaɛo. 3Kpelewa wa ò lá guui? Wà mɛ̀ Ablahaũ Lua naaikɛ̀, ɔ̃ Lua tò yã bɔ̀aanɔ na.#Daa 15.6; Gal 3.6 4Fĩaboa zĩkɛnaɛá gbɛ̃kɛyã no, aà aseaɛ. 5Baa tó gbɛ̃́ lɛ́ yãe kɛo, tó àlɛ Lua pɔ ì to yã bɔ ń taaedeɔ na naaikɛ, Lua a to yã bɔaanɔ na a naai pɔ àlɛ kɛpi yãiɛ. 6Davidi gbɛ̃́ pɔ Lua tò yã bɔ̀aanɔ na yãekɛsai baaa'ea yã'ò à mɛ̀:
7Baaadeɔn gbɛ̃́ pɔ Lua ń tàaeɔ wòlomá à ń duuna kɛ̃̀máɔ ũ.
8Baaaden gbɛ̃́ pɔ Dii a aà duuna yãdao ũ.#Soũ 32.1-2
9Baaa beeá gbɛ̃́ pɔ tɔ̃zɔ̃̀ pɔɛ adoa, ge gyafɔɔde pɔɛ lɔ? Wà mɛ̀ Lua tò yã bɔ̀ ń Ablahaũo na, kɛ́ à aà naaikɛ̀ yãiɛ. 10Kpelewa Ablahaũ dɛ gɔɔ pɔ Lua tò yã bɔ̀aanɔ nai? Aà tɔ̃zɔ̃aa ge gyafɔɔdeɛ? I tɔ̃zɔ̃o, gyafɔɔdeɛ. 11Ɔ̃ à tɔ̃zɔ̃̀ seela ũ, kɛ́ Lua tò yã bɔ̀aanɔ na e aàɔ gɛ́ tɔ̃zɔ̃i.#Daa 17.10 Màa a dɛ gyafɔɔde pɔ Lua tò yã bɔ̀ńnɔ na Luapi naaikɛa yãiɔ dezi ũ mpii. 12A dɛ gbɛ̃́ pɔ aa tɔ̃zɔ̃̀ɔ dezi ũ lɔɛ. I kɛ an tɔ̃zɔ̃a yãi no, kɛ́ aa tɛ́ wá dezi Ablahaũ pɔ Lua naaikɛ̀ a gyafɔɔgɔɔ iai yãiɛ.
Lá Ablahaũ Lua naaikɛ̀
13Lua lɛgbɛ̃̀ Ablahaũɛ ń aà buiɔ à mɛ̀ dũnia a gɔ̃ ń pɔ ũɛ.#Daa 17.4-6, 22.17-18; Gal 3.29 I kɛ aà ikoyã kũa yãi no, kɛ́ Lua tò yã bɔ̀aanɔ na a naai pɔ a kɛ̀ yãiɛ. 14Tó gbɛ̃́ pɔ aa ikoyã kũaɔ mɛ́ aa gɔ̃ kiaɔ ũ, dɔ̃ luanaaikɛa ài vĩo, mɛ́ Lua lɛgbɛ̃a kɛ̀ famaɛ,#Gal 3.18 15asa ikoyã ì mɔ ń Lua pɔkũmaoɛ. Gu pɔ ikoyã kuuo, tàae líɔ ku we sɔ̃o.
16Ayãmɛto pɔ pɔ Lua a lɛgbɛ̃̀ eaá aà naaikɛa yãɛ, kɛ́ àɔ dɛ aà gbɛ̃kɛyã ũ. Beewa lɛgbɛ̃apiá Ablahaũ buipiɔ pii pɔɛ, i kɛ gbɛ̃́ pɔ aa Mɔizi ikoyã kũa ntɛ̃ɛɔ no, ń gbɛ̃́ pɔ aalɛ Lua naaikɛ lan Ablahaũwaɔɛ lɔ. Ablahaũá wapii deziɛ.#Gal 3.7 17A dɛ wá dezi ũ Lua kĩi, lá wa kɛ̃̀wa. Lua mɛ̀ a aà dìlɛ bui waiɔ dezi ũ. Ablahaũ Lua pɔ ì wɛ̃nikpa gɛɔwa ì to pɔ pɔ ku yãaoɔ àɔ ku#Daa 17.5 naaikɛ̀. 18À Lua naaikɛ̀, à wɛdɔ̀ pɔ pɔ gbɛ̃e wɛ́ dɔiozi, ɔ̃ à gɔ̃̀ bui waiɔ dezi ũ lá Lua òɛ̀wa à mɛ̀, aà buiɔ aaɔ dasi lan saanaɔwa.#Daa 15.5
19Ablahaũ kà wɛ̃̀ basɔo taawa. Baa tó à laasookɛ̀ a gɔ̃ɛkɛbɔ busaa ń nɛ'i gɛ̃a Salalaowa, aà luanaaikɛa lí busao.#Daa 17.17 20Ìli seakɛ lɛ́ pɔ Lua gbɛ̃̀ɛwao, a gi a Lua naai vĩɛ. À gbãa'è a luanaaikɛawa, ɔ̃ à Lua tɔbɔ̀, 21asa a dɔ̃ a fɛ̃a vĩo, Lua gbãa kà à lɛ́ pɔ a gbɛ̃̀pi kɛ. 22Ayãmɛto Lua tò yã bɔ̀aanɔ na. 23Wi yã bɔaaanɔ napi kɛ̃ aà yãi adoo, 24wa kɛ̃̀ wá gbɛ̃́ pɔ Lua a to yã bɔwanɔ naɔ yãiɛ lɔ, wá gbɛ̃́ pɔ wálɛ Lua pɔ wá Dii Yesu bɔ̀ gau naaikɛɔ. 25Lua aà kpàmá, kɛ́ aà wá tàaeɔ kɛ̃wá yãiɛ,#Isa 53.4-5 ɔ̃ à aà bɔ̀ gau, kɛ́ yã e bɔwanɔ na yãi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Boko Bible © SIM International, 2024.