Lom 3
3
1Kãfĩa kpele dɛa Yuda ũ vĩi? Ài kpele tɔ̃zɔ̃a vĩi? 2A kãfĩa vĩ zɔ̃ɔ yãpii guuɛ. Sɛ̃ia gĩ́a Lua a yã nànɛ́ ń ɔzĩɛ. 3Kɛ́ an gbɛ̃eɔ naai vĩo, bɔ́ a vĩi? An naaisai mɛ́ a Lua naai bãdɛa? 4O'o! Aawo! Lua naai vĩ, baa kɛ́ gbɛ̃piiá ɛɛdeɛ, lá wa kɛ̃̀wa wà mɛ̀:
Tó n yã'ò, n yã aɔ zɛ́ vĩ,
tó wà yãkpalɛkɛ̀nnɔ, n yã a ble.#Soũ 51.5
5Tó wá vãikɛ lɛ́ Lua maakɛ bɔ gupuau, bɔ́ yã wá oi? Wá o Lua yã zɛ́ vĩo, kɛ́ ì pɔkũmabɔbɔwá yãi yã? Gbɛ̃nazĩna yã'oa ɔ̃ malɛ owa. 6O'o! Aawo! Tó Lua yã zɛ́ vĩo, kpelewa a fɔ̃ yãkpalɛkɛ ń dũniaoi? 7Gbɛ̃e a mɛ, tó a ɛɛdekɛ lɛ́ Lua sĩandekɛ kãfĩ mɛ́ àlɛ aà tɔbɔ, bɔyãi a yãdaaala lan duunkɛnawai? 8Tó ń ò màa, nlɛ mɛ wà vãikɛ, i mɔwɛ̃ɛ ń maao. Gbɛ̃eɔ ma bɛ̃ɛbò aa mɛ̀, màa mi o. Lua yãdaanla kɔ̃sìńnɔɛ.
Gbɛ̃e maao
9Too! Wá Yudaɔ wá sã̀ɔ yã? Aawo! Asa ma bɔbɔ ń Yudaɔ ń buipãleɔ pii kɔ̀, ampiiá duuna zɔɔnɛ. 10Wa kɛ̃̀ wà mɛ̀:
Gbɛ̃e maao, baa do.
11Laaidee kuo, Lua wɛɛlɛnae kuo.
12Aa pã̀alɛ mpii, aa fɔkpà,
yãmaakɛnae kuo, baa do.#Soũ 14.3, 53.4
13An nɔ̀sɛ dɛ lan figibɛwaɛ.
Aaì lɛnakasanɛ́,
mlɛ sɛwɛ mɛ́ ku ń lɛ́u,#Soũ 5.10, 140.4
14yã'ĩi ń gbɛ̃kaao mɛ́ ń lɛ́ pà.#Soũ 10.7
15Aa wãa ń gbɛ̃́dɛao,
16aaì musi ń pɔsiao kpańzi,
17aa aafia zɛ́ dɔ̃o,#Isa 59.7-8
18aa Lua vĩa vĩo.#Soũ 36.2
19Wá dɔ̃ kɛ́ yã pɔ Lua ikoyã lɛ́ o pii, àlɛ o gbɛ̃́ pɔ a iko vĩmáɔnɛ, kɛ́ gbɛ̃pii kua yã'okĩiwa, dũnia gbɛ̃pii i gɔ̃ taaede ũ Luaɛ. 20Asa gbɛ̃e a bɔ maa Luaɛ ikoyãpi kũa yãio.#Soũ 143.2; Gal 2.16 Lua ikoyã mɛ́ ì to wà duuna dɔ̃.
Lá Lua ì to yã bɔńnɔ na
21Lá Lua ì to yã bɔńnɔ na bɔ̀ gupuau sa, lá a yã ku Mɔizi ikoyã ń ãnabiɔ láɔ guuwa. I kɛ aà ikoyã kũa yã no. 22Lua ì to yã bɔńnɔ na Yesu Kilisi naaikɛa yãiɛ. Aà naaikɛna pii yãɛ, asa dodoakɔ̃ɛ yã no. 23Gbɛ̃pii duunakɛ̀, ɔ̃ aa kɛ̃̀sã Lua gawii, 24ãma yãbɔańnɔ naá gbaɛ aà gbɛ̃kɛ yãi ń Kilisi Yesu pɔ ì ń bo gbãao. 25Aapi ɔ̃ Lua kpà duuna awakpabɔ ũ gbɛ̃́ pɔ aalɛ aà au naaikɛɔnɛ, kɛ́ à ɔlɔ gbɛ̃piiɛ i yãkɛ a zɛ́waɛ. À mɛnakɛ̀ yãa, i duun ziɔ yãdao, 26ɔ̃ tia kɛ́wa a ɔlɔ̀nɛ́ i yãkɛ a zɛ́wa. Beewa Lua ì yãkɛ a zɛ́wa mɛ́ ì to yã bɔ ń Yesu naaikɛnaɔ na lɔ.
27Lá màaɛ, gbɛ̃nazĩna a fɔ̃ ĩanadã lɔe? Bee kuo. Bɔyãi ni? Kɛ́ a dɛ yãkɛa yã ũo, Yesu naaikɛa yãɛ yãi. 28Asa má è Lua ì to yã bɔ ń gbɛ̃́o na aà Luapi naaikɛa yãiɛ, ikoyãkũa ku a guuo. 29Luaá Yudaɔ Luaɛ ńdoa? Buipãleɔ Luan sɔ̃oa? Ao, buipãleɔ Luaɛ lɔ. 30Asa Lua mɛndoɛ.#Iko 6.4 A to yã bɔ ń tɔ̃zɔ̃naɔ na a naai pɔ aalɛ kɛ yãiɛ, mɛ́ a to yã bɔ ń tɔ̃zɔ̃nsaiɔ na a naai doũpi musu lɔ. 31Wálɛ ikoyã bãdɛ luanaaikɛa yãi yã? Màa no, wálɛ ikoyãpi sĩana piliwànɛ́ɛ.
Currently Selected:
Lom 3: Boo2024
Highlight
Copy
Compare
Share
Want to have your highlights saved across all your devices? Sign up or sign in
Boko Bible © SIM International, 2024.
Lom 3
3
1Kãfĩa kpele dɛa Yuda ũ vĩi? Ài kpele tɔ̃zɔ̃a vĩi? 2A kãfĩa vĩ zɔ̃ɔ yãpii guuɛ. Sɛ̃ia gĩ́a Lua a yã nànɛ́ ń ɔzĩɛ. 3Kɛ́ an gbɛ̃eɔ naai vĩo, bɔ́ a vĩi? An naaisai mɛ́ a Lua naai bãdɛa? 4O'o! Aawo! Lua naai vĩ, baa kɛ́ gbɛ̃piiá ɛɛdeɛ, lá wa kɛ̃̀wa wà mɛ̀:
Tó n yã'ò, n yã aɔ zɛ́ vĩ,
tó wà yãkpalɛkɛ̀nnɔ, n yã a ble.#Soũ 51.5
5Tó wá vãikɛ lɛ́ Lua maakɛ bɔ gupuau, bɔ́ yã wá oi? Wá o Lua yã zɛ́ vĩo, kɛ́ ì pɔkũmabɔbɔwá yãi yã? Gbɛ̃nazĩna yã'oa ɔ̃ malɛ owa. 6O'o! Aawo! Tó Lua yã zɛ́ vĩo, kpelewa a fɔ̃ yãkpalɛkɛ ń dũniaoi? 7Gbɛ̃e a mɛ, tó a ɛɛdekɛ lɛ́ Lua sĩandekɛ kãfĩ mɛ́ àlɛ aà tɔbɔ, bɔyãi a yãdaaala lan duunkɛnawai? 8Tó ń ò màa, nlɛ mɛ wà vãikɛ, i mɔwɛ̃ɛ ń maao. Gbɛ̃eɔ ma bɛ̃ɛbò aa mɛ̀, màa mi o. Lua yãdaanla kɔ̃sìńnɔɛ.
Gbɛ̃e maao
9Too! Wá Yudaɔ wá sã̀ɔ yã? Aawo! Asa ma bɔbɔ ń Yudaɔ ń buipãleɔ pii kɔ̀, ampiiá duuna zɔɔnɛ. 10Wa kɛ̃̀ wà mɛ̀:
Gbɛ̃e maao, baa do.
11Laaidee kuo, Lua wɛɛlɛnae kuo.
12Aa pã̀alɛ mpii, aa fɔkpà,
yãmaakɛnae kuo, baa do.#Soũ 14.3, 53.4
13An nɔ̀sɛ dɛ lan figibɛwaɛ.
Aaì lɛnakasanɛ́,
mlɛ sɛwɛ mɛ́ ku ń lɛ́u,#Soũ 5.10, 140.4
14yã'ĩi ń gbɛ̃kaao mɛ́ ń lɛ́ pà.#Soũ 10.7
15Aa wãa ń gbɛ̃́dɛao,
16aaì musi ń pɔsiao kpańzi,
17aa aafia zɛ́ dɔ̃o,#Isa 59.7-8
18aa Lua vĩa vĩo.#Soũ 36.2
19Wá dɔ̃ kɛ́ yã pɔ Lua ikoyã lɛ́ o pii, àlɛ o gbɛ̃́ pɔ a iko vĩmáɔnɛ, kɛ́ gbɛ̃pii kua yã'okĩiwa, dũnia gbɛ̃pii i gɔ̃ taaede ũ Luaɛ. 20Asa gbɛ̃e a bɔ maa Luaɛ ikoyãpi kũa yãio.#Soũ 143.2; Gal 2.16 Lua ikoyã mɛ́ ì to wà duuna dɔ̃.
Lá Lua ì to yã bɔńnɔ na
21Lá Lua ì to yã bɔńnɔ na bɔ̀ gupuau sa, lá a yã ku Mɔizi ikoyã ń ãnabiɔ láɔ guuwa. I kɛ aà ikoyã kũa yã no. 22Lua ì to yã bɔńnɔ na Yesu Kilisi naaikɛa yãiɛ. Aà naaikɛna pii yãɛ, asa dodoakɔ̃ɛ yã no. 23Gbɛ̃pii duunakɛ̀, ɔ̃ aa kɛ̃̀sã Lua gawii, 24ãma yãbɔańnɔ naá gbaɛ aà gbɛ̃kɛ yãi ń Kilisi Yesu pɔ ì ń bo gbãao. 25Aapi ɔ̃ Lua kpà duuna awakpabɔ ũ gbɛ̃́ pɔ aalɛ aà au naaikɛɔnɛ, kɛ́ à ɔlɔ gbɛ̃piiɛ i yãkɛ a zɛ́waɛ. À mɛnakɛ̀ yãa, i duun ziɔ yãdao, 26ɔ̃ tia kɛ́wa a ɔlɔ̀nɛ́ i yãkɛ a zɛ́wa. Beewa Lua ì yãkɛ a zɛ́wa mɛ́ ì to yã bɔ ń Yesu naaikɛnaɔ na lɔ.
27Lá màaɛ, gbɛ̃nazĩna a fɔ̃ ĩanadã lɔe? Bee kuo. Bɔyãi ni? Kɛ́ a dɛ yãkɛa yã ũo, Yesu naaikɛa yãɛ yãi. 28Asa má è Lua ì to yã bɔ ń gbɛ̃́o na aà Luapi naaikɛa yãiɛ, ikoyãkũa ku a guuo. 29Luaá Yudaɔ Luaɛ ńdoa? Buipãleɔ Luan sɔ̃oa? Ao, buipãleɔ Luaɛ lɔ. 30Asa Lua mɛndoɛ.#Iko 6.4 A to yã bɔ ń tɔ̃zɔ̃naɔ na a naai pɔ aalɛ kɛ yãiɛ, mɛ́ a to yã bɔ ń tɔ̃zɔ̃nsaiɔ na a naai doũpi musu lɔ. 31Wálɛ ikoyã bãdɛ luanaaikɛa yãi yã? Màa no, wálɛ ikoyãpi sĩana piliwànɛ́ɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Boko Bible © SIM International, 2024.