Lom 2

Yã zɔ̃lɛa gbɛ̃nazĩnaɔwa

1Ayãmɛto n gbɛ̃́ pɔ ni gbɛ̃pãle taae'e, ń awakpaa vĩo. Tó n gbɛ̃pãle taae'è, n nzĩa dà yãuɛ,#Mat 7.1-2 asa n gbɛ̃taae'ena ni kɛ màa sɔ̃ɛ. 2Wá dɔ̃ kɛ́ Lua yãkpalɛkɛa ń yãbeetaakɛnaɔ maaɛ. 3N gbɛ̃́ pɔ ni yãbeetaakɛnaɔ taae'e mɛ́ ni kɛ sɔ̃, nlɛ e ńyɔ̃ bɔ Lua yãkpalɛu yã? 4Ge nlɛ dɔɛ ń Lua maakɛ zɔ̃ɔo ń aà mɛnao ń aà suuudekɛo yã? Kɛ́ Lua lɛ́ maakɛnɛ kɛ́ ǹ e ǹ nɔsɛlilɛ, ń dɔ̃o le? 5N swãgbãakɛ̀, ni nɔsɛlilɛo, ɔ̃ nlɛ pɔkũma kãaanzi e Lua pɔkũmabɔbɔmagɔɔ, tó Lua yãkpalɛkɛańnɔ a zɛ́wa bɔ̀ gupuau. 6A fĩabo baadeɛ a yãkɛawa.#Soũ 62.13 7Gbɛ̃́ pɔ aalɛ gawi ń bɛɛɛo ń wɛ̃ni laasaio wɛɛlɛ, aalɛ maakɛ ń mɛnaoɔ aizãna e. 8Gbɛ̃́ pɔ anzĩa pɔeã lɛ́ dɔaanɛ́, aa gì sĩanai aa tɛ vãiwaɔ sɔ̃, Lua a pɔkũma ń pɔfɛ̃o bɔbɔmáɛ. 9Wɛtɛ̃a ń wãwão a vãikɛna pii leɛ, atɛ̃sa Yudaɔ, an gbɛa buipãleɔ. 10Lua a maakɛna pii gba gawi ń bɛɛɛo ń aafiao, atɛ̃sa Yudaɔ, an gbɛa buipãleɔ. 11Asa Lua lí gbɛ̃e zãboo.#Iko 10.17

12Gbɛ̃́ pɔ duunakɛ̀ Mɔizi ikoyã dɔ̃sai, a kaalɛ màa ikoyãpi saiɛ. Gbɛ̃́ pɔ ikoyãpi dɔ̃ sɔ̃, ɔ̃ à duunakɛ̀, Lua a yãkpalɛkɛaanɔ ikoyãpi musuɛ. 13I kɛ gbɛ̃́ pɔ lɛ́ ikoyã ma ń swão mɛ́ maa Luaɛo. Gbɛ̃́ pɔ lɛ́ zĩkɛwà mɛ́ a bɔ maa. 14Tó bui pɔ aa Mɔizi ikoyã vĩoɔ yã pɔ kɔ̃sɛ̀ò kɛ̀ ń ńzĩao, aa ikoyã vĩ ńzĩawaɛ. 15Aalɛ ɔlɔwɛ̃ɛ kɛ́ yã pɔ ku ikoyãpiu ku ń nɔ̀sɛuɛ. An laasoo lɛ́ a sĩana'o lɔɛ, asa an laasoo mɛndoo, a keeɔ ì ń da yãu, a keeɔ ì ń bɔu. 16Màa yãkpalɛkɛgɔɔzĩ Lua a yãkpalɛkɛ ń gbɛ̃nazĩnaɔ yã pɔ ulɛa an nɔ̀sɛu musu ń Kilisi Yesu gbãao, lá baona pɔ malɛ kpá òwa.

Yudaɔá ikoyãdansaiɔnɛ

17N Yuda ia, n zɛ ń n Yudakɛo, ń Mɔizi ikoyã naai vĩ, nlɛ Lua yɔ̃ɔkɛ. 18Ń Lua pɔeã dɔ̃, ń yãmaa dɔ̃ ikoyãpiu. 19Nlɛ e vĩ̀aɔ wɛden n ũ, gbɛ̃́ pɔ ku gusiauɔ filia ũ, 20wɛsiadeɔ yãdanɛde ũ, gbɛ̃́ dafuɔ mɛtulu ũ. Nlɛ e Lua ikoyã mɛ́ dɔ̃a ń sĩanao mi ũ. 21N gbɛ̃́ pɔ ni yãda gbɛ̃pãleɔnɛ, bɔyãi nili da nzĩaɛo ni? N mɛ̀ wasuli kpãi'oo, mɛ́ ni o sɔ̃ bɛ? 22Ni mɛ wasuli wulɛ ń gbɛ̃pãle nɔoo, mɛ́ ni wulɛò sɔ̃ bɛ? Ni saka tãaɔgu, mɛ́ ni ń kpɛ́ pɔɔ kpãi'o sɔ̃ bɛ? 23Ni yɔ̃ɔkɛ Lua ikoyã musu, ɔ̃ n ikoyãpi dasai ì Lua tɔ́ ɔ̃ɔkpa. 24Asa á yãi buipãleɔ ìɔ Lua tɔbɛ̃ɛsi lá wa kɛ̃̀wa.#Isa 52.5

25Tó ń Lua ikoyã kũa, ɔ̃ tɔ̃zɔ̃a ài vĩnɛ. Tó nlɛ a yãda sɔ̃o, ń sáa ń gyafɔɔdeɔɛ. 26Tó gyafɔɔde Lua ikoyãɔ kũa, Lua a gyafɔɔdepi gwa sáa ń gbɛ̃́ pɔ tɔ̃zɔ̃̀oo le? 27Baa tó ń ikoyã lápi kũa mɛ́ n tɔ̃zɔ̃̀, tó ni ikoyãpi dao, gyafɔɔde pɔ ìɔ kũa a to yã zɔ̃lɛmaɛ. 28Lá Yuda zalalakɛá mɛkáa yã no, màa tɔ̃zɔ̃a zalalaá mɛkáa yãn sɔ̃o. 29Lá Yuda zalala kɛaá nɔsɛyãɛ, màa tɔ̃zɔ̃a zalalaá nɔsɛyãɛ sɔ̃. Lua Nisĩna zĩɛ, i kɛ aà ikoyã lá yã no. Lua mɛ́ ì gbɛ̃́ bee taa saaukpa, i kɛ gbɛ̃nazĩna no.

Currently Selected:

Lom 2: Boo2024

Highlight

Copy

Compare