Lom 11
11
Lua i Isailiɔ vũaao
1Ma mɛ̀ yóo! Lua azĩa gbɛ̃́ɔ vũ̀aa yã? Aawo! Mapi, Isailin ma ũ. Ablahaũ buin ma ũ Bɛ̃yãmɛ bui guu.#Flp 3.5 2Lua i a gbɛ̃́ pɔ à dɔ̀aa à ń dɔ̃ɔ vũaao. Á Ɛlia yã pɔ wa kɛ̃̀ láuɛ bee dɔ̃o le? Kɛ́ à gɛ̀ ń Isailiɔ yão Lua kĩi à mɛ̀: 3Dii, aa n ãnabiɔ dɛ̀dɛ, aa n gbagbakĩiɔ dɛ̀ɛlɛ. Mamɛ ma gɔ̃ mado, ɔ̃ aalɛ ma wɛ.#1 Kia 19.10 4Lua ò Ɛliaɛ kpelewa ni? À mɛ̀ á gbɛ̃́ pɔ aai kulɛ Baaliɛoɔ kũa a pɔ ũ gbɛ̃ɔn ɔaasɔsɔo lɛɛ sopla (7 000).#1 Kia 19.18 5Màa an kɔ̃na pɔ Lua ń sɛ́ a gbɛ̃kɛ guuɔ gɔ̃̀ gbã lɔ. 6Lá à ń sɛ́ a gbɛ̃kɛ yãi, i kɛ an yãkɛa yãi no. Tó màa no, dɔ̃ Lua gbɛ̃kɛ aɔ gbɛ̃kɛ ũo. 7Kpelewan wei? Isailiɔ i yã pɔ wàlɛ wɛɛlɛ eo, ãma an gbɛ̃́ pɔ Lua ń sɛ́ɔ è. Gbɛ̃́ kĩniɔ swãgbãakũ̀, 8lá a kɛ̃a wà mɛ̀:
Lua kɛmazĩ'ũ kpàńzi,
ɔ̃ an wɛ́ lɛ́ gu'eo,
an swã lɛ́ yãmao e ń a gbão.#Iko 29.3; Isa 29.10
9Davidi ò lɔ:
To an dikpɛkɛa gɔ̃nɛ́ bai ũ,
wà ń kũkũ, wi yãyiamá.
10To an wɛ́ siakũ kɛ́ aasu gu'eo,
to an wó gɔ̃ koolonnɔ gɔɔpii.#Soũ 69.23-24
11Ma mɛ̀ yóo! Kɛ́ Isailiɔ fù, aa lɛ̀lɛ miɔmiɔ yã? Aawo! An tàaeɔ yãi ɔ̃ Lua buipãleɔ suabài, kɛ́ Isailiɔ nɔ̀sɛ e fɛlɛ yãi. 12Lá an tàaeɔ mɛ́ tò dũnia kãfĩa è, mɛ́ an lɛlɛa mɛ́ tò buipãleɔ kãfĩa è, tó Isailipiɔ sù ń paziu, wa bee o lɔa?
13Malɛ yã'o á buipãleɔnɛ sa. Lá má dɛ zĩna ũ á buipãleɔnɛ, máɔ ma zĩ saaukpaɛ, 14kɛ́ mà azĩa buiɔ nɔ̀sɛ fɛlɛ, mí ń gbɛ̃eɔ suabaɛ. 15Lá Lua gia Isailiɔzi mɛ́ tò dũnia kɛ̀anɔ na, tó à ɛ̀a à ń sí lɔ, bee aɔ dɛai? Bee aɔ dɛ gɛɔ wɛ̃ni'ea ũɛ.
16Tó wà pɔwɛn káau kpà Luawa,#Nao 15.20-21 a bṹu gɔ̃̀ aà pɔ ũɛ. Tó lizĩna dɛ Lua pɔ ũ, a gɔ̃naɔ dɛ aà pɔ ũ lɔɛ. 17Lua kù lí zalala gɔ̃naeɔ zɔ̃̀zɔ̃, ɔ̃ à n gbɛ̃́ pɔ ń dɛ kuna lí ũ pɛ̀ an gbɛu, kɛ́ ǹyɔ̃ ku ń kù lí maa zĩ́na gbãao. 18Nsu saka kù lí zalala gɔ̃na pɔ a zɔ̃̀zɔ̃ɔguo. Kpelewa ńyɔ̃ ĩanadãi? Ń ku lizĩna sabaiɛ, i kɛ lizĩna mɛ́ ku n sabaio. 19N mɛ̀ à ligɔ̃napiɔ zɔ̃̀zɔ̃ kɛ́ à n pɛ an gbɛu yãiɛ. 20Màaɛ, à ń zɔ̃zɔ̃̀ kɛ́ aai a naaikɛo yãiɛ. Mpi sɔ̃ n gɔ̃ n luanaaikɛa yãi. Nsu walakɛo. Laaika! 21Lá Lua i gi lí zalala gɔ̃naɔ zɔ̃zɔ̃io, a gi n zɔ̃i sɔ̃o. 22Gwa lá Lua maa mɛ́ a pãsĩ. A pãsĩ ń gbɛ̃́ pɔ aa fùwaɔ, mɛ́ a maanɛ, tó n zɛ ń aà maakɛo. Tó màa no, a n zɔ̃ sɔ̃ɛ. 23Tó Isailiɔ ń luanaaikɛsai tò, a ɛa à ń pɛ́ ń gbɛuɛ, asa a ń pɛa ń gbɛu gbãa vĩ. 24Lua n zɔ̃ kuna líwa à n pɛ kù lí zalalawa, lá wìli kɛowa. Lá a kɛ̀ màa, kù lí zalala gɔ̃naɔ ɛa pɛa ńzĩa lidawa zɛ́ vĩ dɛ beelao le?
Isailiɔ suabaa gbɛzã
25Ma gbɛ̃́ɔ, má ye à asiiyãɛ bee dɔ̃, kɛ́ á wɛ́ su àɔ sia, à ázĩa dilɛ ɔ̃nanaɔ ũo yãi. Isaili kĩniɔ swãgbãakũ̀ gĩ́a e buipãle pɔ aalɛ gɛ̃uɔ dasilɛ káɛ. 26Beewa Lua a Isailiɔ suaba pii lá wa kɛ̃̀wa wà mɛ̀:
Suabana a bɔ Siɔna,
a Yakɔbu buiɔ kɛ̃ luadɔ̃saiwa.
27Ma baakuańnɔ
gɔɔ pɔ má ń duuna kɛ̃má yãn we.#Isa 59.20-21
28Baona yãmusu aa dɛ Lua ibɛɛɔ ũ á yãiɛ. Lua gbɛ̃́ɔ sɛa yãmusu aa dɛ Lua yenzideɔ ũ an deziɔ yãi. 29Asa Lua lí dendɔ̃mɛɛ kɛ gba pɔ á dàɔ ń gbɛ̃́ pɔ à ń sisì a ń sɛ́ɔ yãmusuo. 30Á buipãleɔ i Lua yãma yãao. Tiasa Lua suuukɛ̀ánɔ kɛ́ Isailiɔ i aà yãmao yãi. 31Màa Isailiɔ lɛ́ Lua yãma tiao, kɛ́ Lua e suuukɛánɔ, i gbasa suuukɛńnɔ. 32Lua yãmasai kpà gbɛ̃piizi, kɛ́ aà e suuukɛńnɔ pii yãiɛ.
33Lua ɔ̃nɔ ń a dɔ̃ao zɔ̃ɔkɛ lɛ́ vĩo.
Gbɛ̃e yã pɔ àlɛ yá yaasi dɔ̃ piio.
Gbɛ̃e aà yãpi zɛ́ dɔ̃o.#Isa 55.8
34Demɛ Dii laasoo dɔ̃i?
Demɛ dɛ aà lɛdamade ũ
à yãdàɛ̀i?#Isa 40.13
35Dé Dii fĩasɛ̀wà à gbasa boɛ̀i?#Yob 41.3
36Pɔpii bɔ̀ aà kĩiɛ,
aa ku ń aà gbãao,
mɛ́ aà pɔɔnɛ.#1 Kln 8.6
Wàɔ aà tɔbɔ gɔɔpii. Ãmi.
Currently Selected:
Lom 11: Boo2024
Highlight
Copy
Compare
Share
Want to have your highlights saved across all your devices? Sign up or sign in
Boko Bible © SIM International, 2024.
