Mat 7
7
Kɔ̃ taae'ea
(Luk 6.37-38, 6.41-42)
1Ásuli kɔ̃ taae'eo, Lua a á taae'e sɔ̃o. 2Asa lá ni gbɛ̃́ taae'e, màa Lua a n taae'e. Zaa pɔ n pɔyɔ̃̀u gbɛ̃́ɛ ɔ̃ Lua a yɔ̃unɛ. 3Bɔyãi nlɛ sɛ̃kɔna pɔ da n gbɛ̃dee wɛ́u e, mɛ́ nlɛ limiɔna pɔ da n wɛ́u yãdao ni? 4Kɛ́ limiɔna da n wɛ́u, kpelewa ńyɔ̃ o n gbɛ̃deeɛ: To mà sɛ̃kɔna pɔ da n wɛ́u bɔnɛi? 5Mɔafilide, limiɔna pɔ da n wɛ́u bɔ gĩ́a, ní gu'e wasawasa kɛ́ ǹ e ǹ sɛ̃kɔna pɔ da n gbɛ̃dee wɛ́u bɔɛ̀.
6Ásu Lua pɔ kpá gbɛ̃ɔwao.
Aa liaaánɔ aa á taitaiɛ.
Ásu á osoɔ zu sawakusanaɔnɛo.
Aa taa'o'owàɛ.
Wabikɛa
(Luk 11.9-13)
7À wabikɛ, wi á gba. À wɛɛlɛ, í e. À gbalɛ, wi wɛ̃ɛ́. 8Asa gbɛ̃́ pɔ wabikɛ̀, a eɛ. Gbɛ̃́ pɔ wɛ̀ɛlɛ sɔ̃, a kuawào. Wa zɛwɛ̃ gbɛ̃́ pɔ gbalɛ̀ɛ. 9Á guu, demɛ a gbɛ kpa a nɛwa, tó à pɛ̃ɛ wabikɛ̀wài? 10Ge tó à kpɔ wabikɛ̀wà, a piligona kpawà yã? 11Baa ń á vãikɛo, á pɔmaa kpaa á nɛɔwa dɔ̃. Wa á Mae pɔ ku musu pɔmaa kpaa gbɛ̃́ pɔ aa wabikɛ̀waɔwa pɔ o lɔe?
12Àli kɛ gbɛ̃́ɔnɛ lá á ye wà kɛɛ́wa. Mɔizi ikoyã ń ãnabiɔ yãɔ min we.
Bɔlɛ tuuna
(Luk 13.24)
13À gɛ̃ bɔlɛ tuunau. Zɛ́ pɔ a bɔlɛ yaasa mɛ́ a dɛɛpookĩi vĩ ì gɛńnɔ kaalɛ guuɛ. Bee ɔ̃ gbɛ̃́ daside lɛ́ sɛ́. 14Zɛ́ pɔ ì gɛńnɔ aizãna guu bɔlɛ tuuũ mɛ́ a naaa, mɛ́ a sɛnaɔ bilao.
Gbɛ̃́ dɔ̃a a yãkɛawa
(Luk 6.43-44, 13.25-27)
15À laaika ãnabi ɛgɛnaɔzi. Aaì mɔ á kĩi sãbaa daa, awalɛwan nɔandɛnaɔn ń ũ sɔ̃. 16Á ń dɔ̃ ń yãkɛawa. Wìli kukɛ lɛliwao. Wìli kpabo lɛaawao. 17Lí maa ì nɛ kɛfɛna i, lí vãi ì nɛ gia i. 18Lí maa lí nɛ gia io, mɛ́ lí vãi lí nɛ kɛfɛna io. 19Wì lí pɔ lí nɛ maa io zɔ̃ wà zu tɛ́uɛ.#Mat 3.10 20Beewa á ń dɔ̃ ń yãkɛawa.
21I kɛ gbɛ̃́ pɔ ìɔ omɛɛ Dii, Dii, mɛ́ a gɛ̃ kpala pɔ Lua kpà guuo, sema gbɛ̃́ pɔ ì ma Mae pɔ ku musu pɔeã kɛ. 22Gɔɔ bee gbɛ̃́ dasideɔ omɛɛ: Dii, Dii, wi Lua yã'onɛ́ ń n tɔ́oo le? Wi tãago ń n tɔ́oo le? Wi dabudabuɔ kɛ dasi ń n tɔ́oo le? 23Má onɛ́ wasawasa: Má á dɔ̃ gueio, à gomala vãikɛnaɔ!#Soũ 6.9
Kpɛbon gbɛ̃ɔn plaɔ
(Luk 6.47-49)
24Ayãmɛto gbɛ̃́ pɔ ma yãpiɔ mà mɛ́ à zĩkɛ̀wà dɛ lan laaide pɔ à a kpɛdɔ̀ gbɛwawa. 25Kɛ́ lou mà, í dàgua, ĩana kàka à sù kpɛ́piwa, ãma i kwɛo, kɛ́ wa dàalɛ gbɛwa yãi. 26Gbɛ̃́ pɔ ma yãpiɔ mà mɛ́ i zĩkɛwào dɛ lan misaide pɔ à a kpɛdɔ̀ busu'ũfãawaɛ. 27Kɛ́ lou mà, í dàgua, ĩana kàka à sù kpɛ́piwa, ɔ̃ à kwɛ̀, à lɛ̀lɛ wiliũ.
28Kɛ́ Yesu yãpiɔ ò a làa, aà yãdaanɛ́ bɔ̀ bila saɛ, 29asa ìli yãdanɛ́ lan Mɔizi ikoyãdanɛdeɔwao, ì danɛ́ ń ikooɛ.
Currently Selected:
Mat 7: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Mat 7
7
Kɔ̃ taae'ea
(Luk 6.37-38, 6.41-42)
1Ásuli kɔ̃ taae'eo, Lua a á taae'e sɔ̃o. 2Asa lá ni gbɛ̃́ taae'e, màa Lua a n taae'e. Zaa pɔ n pɔyɔ̃̀u gbɛ̃́ɛ ɔ̃ Lua a yɔ̃unɛ. 3Bɔyãi nlɛ sɛ̃kɔna pɔ da n gbɛ̃dee wɛ́u e, mɛ́ nlɛ limiɔna pɔ da n wɛ́u yãdao ni? 4Kɛ́ limiɔna da n wɛ́u, kpelewa ńyɔ̃ o n gbɛ̃deeɛ: To mà sɛ̃kɔna pɔ da n wɛ́u bɔnɛi? 5Mɔafilide, limiɔna pɔ da n wɛ́u bɔ gĩ́a, ní gu'e wasawasa kɛ́ ǹ e ǹ sɛ̃kɔna pɔ da n gbɛ̃dee wɛ́u bɔɛ̀.
6Ásu Lua pɔ kpá gbɛ̃ɔwao.
Aa liaaánɔ aa á taitaiɛ.
Ásu á osoɔ zu sawakusanaɔnɛo.
Aa taa'o'owàɛ.
Wabikɛa
(Luk 11.9-13)
7À wabikɛ, wi á gba. À wɛɛlɛ, í e. À gbalɛ, wi wɛ̃ɛ́. 8Asa gbɛ̃́ pɔ wabikɛ̀, a eɛ. Gbɛ̃́ pɔ wɛ̀ɛlɛ sɔ̃, a kuawào. Wa zɛwɛ̃ gbɛ̃́ pɔ gbalɛ̀ɛ. 9Á guu, demɛ a gbɛ kpa a nɛwa, tó à pɛ̃ɛ wabikɛ̀wài? 10Ge tó à kpɔ wabikɛ̀wà, a piligona kpawà yã? 11Baa ń á vãikɛo, á pɔmaa kpaa á nɛɔwa dɔ̃. Wa á Mae pɔ ku musu pɔmaa kpaa gbɛ̃́ pɔ aa wabikɛ̀waɔwa pɔ o lɔe?
12Àli kɛ gbɛ̃́ɔnɛ lá á ye wà kɛɛ́wa. Mɔizi ikoyã ń ãnabiɔ yãɔ min we.
Bɔlɛ tuuna
(Luk 13.24)
13À gɛ̃ bɔlɛ tuunau. Zɛ́ pɔ a bɔlɛ yaasa mɛ́ a dɛɛpookĩi vĩ ì gɛńnɔ kaalɛ guuɛ. Bee ɔ̃ gbɛ̃́ daside lɛ́ sɛ́. 14Zɛ́ pɔ ì gɛńnɔ aizãna guu bɔlɛ tuuũ mɛ́ a naaa, mɛ́ a sɛnaɔ bilao.
Gbɛ̃́ dɔ̃a a yãkɛawa
(Luk 6.43-44, 13.25-27)
15À laaika ãnabi ɛgɛnaɔzi. Aaì mɔ á kĩi sãbaa daa, awalɛwan nɔandɛnaɔn ń ũ sɔ̃. 16Á ń dɔ̃ ń yãkɛawa. Wìli kukɛ lɛliwao. Wìli kpabo lɛaawao. 17Lí maa ì nɛ kɛfɛna i, lí vãi ì nɛ gia i. 18Lí maa lí nɛ gia io, mɛ́ lí vãi lí nɛ kɛfɛna io. 19Wì lí pɔ lí nɛ maa io zɔ̃ wà zu tɛ́uɛ.#Mat 3.10 20Beewa á ń dɔ̃ ń yãkɛawa.
21I kɛ gbɛ̃́ pɔ ìɔ omɛɛ Dii, Dii, mɛ́ a gɛ̃ kpala pɔ Lua kpà guuo, sema gbɛ̃́ pɔ ì ma Mae pɔ ku musu pɔeã kɛ. 22Gɔɔ bee gbɛ̃́ dasideɔ omɛɛ: Dii, Dii, wi Lua yã'onɛ́ ń n tɔ́oo le? Wi tãago ń n tɔ́oo le? Wi dabudabuɔ kɛ dasi ń n tɔ́oo le? 23Má onɛ́ wasawasa: Má á dɔ̃ gueio, à gomala vãikɛnaɔ!#Soũ 6.9
Kpɛbon gbɛ̃ɔn plaɔ
(Luk 6.47-49)
24Ayãmɛto gbɛ̃́ pɔ ma yãpiɔ mà mɛ́ à zĩkɛ̀wà dɛ lan laaide pɔ à a kpɛdɔ̀ gbɛwawa. 25Kɛ́ lou mà, í dàgua, ĩana kàka à sù kpɛ́piwa, ãma i kwɛo, kɛ́ wa dàalɛ gbɛwa yãi. 26Gbɛ̃́ pɔ ma yãpiɔ mà mɛ́ i zĩkɛwào dɛ lan misaide pɔ à a kpɛdɔ̀ busu'ũfãawaɛ. 27Kɛ́ lou mà, í dàgua, ĩana kàka à sù kpɛ́piwa, ɔ̃ à kwɛ̀, à lɛ̀lɛ wiliũ.
28Kɛ́ Yesu yãpiɔ ò a làa, aà yãdaanɛ́ bɔ̀ bila saɛ, 29asa ìli yãdanɛ́ lan Mɔizi ikoyãdanɛdeɔwao, ì danɛ́ ń ikooɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.