Mat 6
6
Gbɛ̃́ gbaa pɔ
1À laaika á yãmaakɛa gupuauzi. Ásuli kɛ gbɛ̃nazĩna wɛ́ yãio. Tó álɛ kɛ màa, á ai'e á Mae pɔ ku musu kĩio. 2Tó nlɛ taaside gba pɔ, nsu ǹ a kpawakɛ lan mɔafilideɔwao. Aaì kɛ luasisikpɛɔ guu ń gãaɛɔ, kɛ́ wà e wà ń tɔnasi yãiɛ. Sĩana malɛ oɛ́, aa ń ài èn we kɔ! 3Mpi, tó nlɛ taaside gba pɔ, nsu to n ɔzɛɛ dɔ̃ lá n ɔplaa lɛ́ kɛo. 4To n gbadaa kɛ asiiyã ũ, n Mae pɔ asiiyã dɔ̃ i a fĩabonɛ.
Wabikɛa
(Luk 11.2-4)
5Tó álɛ wabikɛ, ásu àɔ dɛ lan mɔafilideɔwao. Aaìɔ ye wabikɛa zɛa luasisikpɛui ń zɛkpaãaɔ, kɛ́ gbɛ̃́ɔ ń e yãiɛ. Sĩana malɛ oɛ́, aa ń ài èn we kɔ! 6Mpi, tó nlɛ wabikɛ, gɛ̃ n kpɛa, ní gbata, ní wabikɛ n Mae pɔ ku we asii guuwa,#2 Kia 4.33 n Mae pɔ asiiyã dɔ̃ i sinnɔ. 7Tó álɛ wabikɛ, ásuli yãbɔlɛ lan luayãdɔ̃nsaiɔwao. Aaìɔ e ń yãbɔlɛa mɛ́ a tó ń yã ká. 8Ásu àɔ dɛńwao, asa á Mae pɔ pɔ álɛ a nidɛ dɔ̃ e àɔ gɛ́ gbɛaiwa. 9Àli wabikɛ à mɛ:
Wá Mae pɔ ku musu,
to wà n tɔ́ kuaadoakɛ dɔ̃,
10to kia pɔ ń kpà mɔ́,
wiɔ n pɔeã kɛ dũniau
lá wì kɛ luabɛwa.
11Wá gba u pɔ wá ble gbã.
12Wá tàaeɔ kɛ̃wá,
lá wi gbɛ̃́ pɔ taaekɛ̀wɛ̃ɛɔ kɛ̃wa.
13Nsu to wà fu yɔ̃awao,
wá kɛ̃́ Ibiisiwa.
14Tó a gbɛ̃́ɔ kɛ̃̀ ń ń tàaeɔ, á Mae pɔ ku musu a á kɛ̃́ sɔ̃ɛ. 15Tó i gbɛ̃́ɔ kɛ̃ ń ń tàaeɔ sɔ̃o, á Maepi a á kɛ̃́ ń á tàaeɔo.
Lɛyea
16Tó á lɛyea sɔ̃, ásuli oosisi lan mɔafilideɔwao. Aaì ń oa fɛ̃nkpa kɛ́ wà e wà dɔ̃ wa lɛyeaɛ. Sĩana malɛ oɛ́, aa ń ài èn we kɔ! 17Mpi, tó ń lɛyea, oopi, ní nisidɔɔ, 18kɛ́ wasu dɔ̃ ń lɛyeao, sema n Mae pɔ ku asii guu baasio. N Mae pɔ asiiyã dɔ̃pi i a fĩabonɛ.
Aizɛɛ
(Luk 11.33-36, 12.33-34, 16.13)
19Ásu aizɛɛ kãaaázi tɔɔlɛ lao. Lakĩi kɔ̀ɔɔ ń pɔ tãnkpakɛao ì pɔ ɔ̃ɔkpau, mɛ́ kpãiɔ ì gufɔ̃ aa pɔɔ sɛlɛ. 20À á aizɛɛ kãaa luabɛ. Wekĩi kɔ̀ɔɔ ń pɔ tãnkpakɛao lí pɔɔ ɔ̃ɔkpauo, mɛ́ kpãiɔ lí gufɔ̃ aa pɔɔ sɛ̀lɛo. 21Gu pɔ n aizɛɛ kuu, wekĩi n laai ìɔ kuu.
22Wɛ́ mɛ́ mɛ̀ filia ũ. Tó n wɛ́ lɛ gu e wasawasa, n mɛ̀ bṹu aɔ gupua vĩɛ. 23Tó n wɛ́ aafiao sɔ̃, n mɛ̀ bṹu aɔ gusia vĩɛ. Tó gupua pɔ ń vĩ dɛ gusia ũ, gusiapi aɔ zɔ̃ɔ. 24Gbɛ̃e lí fɔ̃ zɔblè dii mɛn plaɛo. Aɔ za gbɛ̃doguɛ, iɔ ye gbɛ̃dozi. A na gbɛ̃dowa, i saka gbɛ̃dogu. Á fɔ̃ àɔ zɔble Luaɛ n ɔ̃aoo.
Luanaaikɛa
(Luk 12.22-31)
25Ayãmɛto malɛ oɛ́, ásuli á wɛ̃ni kãakɛ pɔblea ge imia yãmusuo. Ásuli mɛ kãakɛ pɔkasaɔ yãmusuo. Wɛ̃ni dɛ pɔblealao le? Mɛ dɛ pɔkasalao le? 26À gwa bãɔwa. Aali pɔtɔ̃o, aali pɔkɛkɛo, aali pɔ ká dɔ̃ guuo, kási á Mae pɔ ku musu ì blɛ kpamáɛ. Á dɛ bãɔla maamaaɛ fa! 27Á guu, á demɛ a fɔ̃ à a wɛ̃ni gbã̀a kãfĩ, baa gɔɔ do a yãkãakɛa guui?
28Bɔyãi i pɔkasa yãkãakɛi? À lá vudeɔ gwa sɛ̃u lá aa dɛ. Aali zĩkɛo, aali buatão, 29ãma malɛ oɛ́, baa Salomɔ ń a ɔdekɛo, i ulada a maa kà ń keewao.#1 Kia 10.4-7 30Sɛ̃a lá pɔ ku gbã mɛ́ a tɛkũ ziapi, lá Lua ì pɔ nai màa, apiɔ, wa á pɔ o lɔe? Luanaaifɛ̃nɛndeɔ! 31Ayãmɛto ásuli pɔe kãakɛ à mɛ, bɔ́ wá blei, ge bɔ́ wá mii, ge bɔ́ wá daio. 32Luayãdɔ̃nsaiɔ ɔ̃ pɔpiɔ pii yã ì dɔaanɛ́. Lá á Mae pɔ ku musu dɔ̃ kɛ́ pɔpiɔ ni kuwá, 33à to kia pɔ Lua kpà ń lá ì to wà kɛanɔ nao yã dɔaaɛ́ gĩ́a, i pɔpiɔ kãfĩɛ́ pii. 34Ayãmɛto ásu ziayã kãakɛo, asa zia a azĩa kãakɛ. Gɔɔpii ń a taasioɛ.
Currently Selected:
Mat 6: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Mat 6
6
Gbɛ̃́ gbaa pɔ
1À laaika á yãmaakɛa gupuauzi. Ásuli kɛ gbɛ̃nazĩna wɛ́ yãio. Tó álɛ kɛ màa, á ai'e á Mae pɔ ku musu kĩio. 2Tó nlɛ taaside gba pɔ, nsu ǹ a kpawakɛ lan mɔafilideɔwao. Aaì kɛ luasisikpɛɔ guu ń gãaɛɔ, kɛ́ wà e wà ń tɔnasi yãiɛ. Sĩana malɛ oɛ́, aa ń ài èn we kɔ! 3Mpi, tó nlɛ taaside gba pɔ, nsu to n ɔzɛɛ dɔ̃ lá n ɔplaa lɛ́ kɛo. 4To n gbadaa kɛ asiiyã ũ, n Mae pɔ asiiyã dɔ̃ i a fĩabonɛ.
Wabikɛa
(Luk 11.2-4)
5Tó álɛ wabikɛ, ásu àɔ dɛ lan mɔafilideɔwao. Aaìɔ ye wabikɛa zɛa luasisikpɛui ń zɛkpaãaɔ, kɛ́ gbɛ̃́ɔ ń e yãiɛ. Sĩana malɛ oɛ́, aa ń ài èn we kɔ! 6Mpi, tó nlɛ wabikɛ, gɛ̃ n kpɛa, ní gbata, ní wabikɛ n Mae pɔ ku we asii guuwa,#2 Kia 4.33 n Mae pɔ asiiyã dɔ̃ i sinnɔ. 7Tó álɛ wabikɛ, ásuli yãbɔlɛ lan luayãdɔ̃nsaiɔwao. Aaìɔ e ń yãbɔlɛa mɛ́ a tó ń yã ká. 8Ásu àɔ dɛńwao, asa á Mae pɔ pɔ álɛ a nidɛ dɔ̃ e àɔ gɛ́ gbɛaiwa. 9Àli wabikɛ à mɛ:
Wá Mae pɔ ku musu,
to wà n tɔ́ kuaadoakɛ dɔ̃,
10to kia pɔ ń kpà mɔ́,
wiɔ n pɔeã kɛ dũniau
lá wì kɛ luabɛwa.
11Wá gba u pɔ wá ble gbã.
12Wá tàaeɔ kɛ̃wá,
lá wi gbɛ̃́ pɔ taaekɛ̀wɛ̃ɛɔ kɛ̃wa.
13Nsu to wà fu yɔ̃awao,
wá kɛ̃́ Ibiisiwa.
14Tó a gbɛ̃́ɔ kɛ̃̀ ń ń tàaeɔ, á Mae pɔ ku musu a á kɛ̃́ sɔ̃ɛ. 15Tó i gbɛ̃́ɔ kɛ̃ ń ń tàaeɔ sɔ̃o, á Maepi a á kɛ̃́ ń á tàaeɔo.
Lɛyea
16Tó á lɛyea sɔ̃, ásuli oosisi lan mɔafilideɔwao. Aaì ń oa fɛ̃nkpa kɛ́ wà e wà dɔ̃ wa lɛyeaɛ. Sĩana malɛ oɛ́, aa ń ài èn we kɔ! 17Mpi, tó ń lɛyea, oopi, ní nisidɔɔ, 18kɛ́ wasu dɔ̃ ń lɛyeao, sema n Mae pɔ ku asii guu baasio. N Mae pɔ asiiyã dɔ̃pi i a fĩabonɛ.
Aizɛɛ
(Luk 11.33-36, 12.33-34, 16.13)
19Ásu aizɛɛ kãaaázi tɔɔlɛ lao. Lakĩi kɔ̀ɔɔ ń pɔ tãnkpakɛao ì pɔ ɔ̃ɔkpau, mɛ́ kpãiɔ ì gufɔ̃ aa pɔɔ sɛlɛ. 20À á aizɛɛ kãaa luabɛ. Wekĩi kɔ̀ɔɔ ń pɔ tãnkpakɛao lí pɔɔ ɔ̃ɔkpauo, mɛ́ kpãiɔ lí gufɔ̃ aa pɔɔ sɛ̀lɛo. 21Gu pɔ n aizɛɛ kuu, wekĩi n laai ìɔ kuu.
22Wɛ́ mɛ́ mɛ̀ filia ũ. Tó n wɛ́ lɛ gu e wasawasa, n mɛ̀ bṹu aɔ gupua vĩɛ. 23Tó n wɛ́ aafiao sɔ̃, n mɛ̀ bṹu aɔ gusia vĩɛ. Tó gupua pɔ ń vĩ dɛ gusia ũ, gusiapi aɔ zɔ̃ɔ. 24Gbɛ̃e lí fɔ̃ zɔblè dii mɛn plaɛo. Aɔ za gbɛ̃doguɛ, iɔ ye gbɛ̃dozi. A na gbɛ̃dowa, i saka gbɛ̃dogu. Á fɔ̃ àɔ zɔble Luaɛ n ɔ̃aoo.
Luanaaikɛa
(Luk 12.22-31)
25Ayãmɛto malɛ oɛ́, ásuli á wɛ̃ni kãakɛ pɔblea ge imia yãmusuo. Ásuli mɛ kãakɛ pɔkasaɔ yãmusuo. Wɛ̃ni dɛ pɔblealao le? Mɛ dɛ pɔkasalao le? 26À gwa bãɔwa. Aali pɔtɔ̃o, aali pɔkɛkɛo, aali pɔ ká dɔ̃ guuo, kási á Mae pɔ ku musu ì blɛ kpamáɛ. Á dɛ bãɔla maamaaɛ fa! 27Á guu, á demɛ a fɔ̃ à a wɛ̃ni gbã̀a kãfĩ, baa gɔɔ do a yãkãakɛa guui?
28Bɔyãi i pɔkasa yãkãakɛi? À lá vudeɔ gwa sɛ̃u lá aa dɛ. Aali zĩkɛo, aali buatão, 29ãma malɛ oɛ́, baa Salomɔ ń a ɔdekɛo, i ulada a maa kà ń keewao.#1 Kia 10.4-7 30Sɛ̃a lá pɔ ku gbã mɛ́ a tɛkũ ziapi, lá Lua ì pɔ nai màa, apiɔ, wa á pɔ o lɔe? Luanaaifɛ̃nɛndeɔ! 31Ayãmɛto ásuli pɔe kãakɛ à mɛ, bɔ́ wá blei, ge bɔ́ wá mii, ge bɔ́ wá daio. 32Luayãdɔ̃nsaiɔ ɔ̃ pɔpiɔ pii yã ì dɔaanɛ́. Lá á Mae pɔ ku musu dɔ̃ kɛ́ pɔpiɔ ni kuwá, 33à to kia pɔ Lua kpà ń lá ì to wà kɛanɔ nao yã dɔaaɛ́ gĩ́a, i pɔpiɔ kãfĩɛ́ pii. 34Ayãmɛto ásu ziayã kãakɛo, asa zia a azĩa kãakɛ. Gɔɔpii ń a taasioɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.