Mat 22
22
Nɔsɛpɔnakɛa
(Luk 14.15-24)
1Yesu ɛ̀a yãlɛ̀ɛũnɛ́ à mɛ̀: 2Lá kpala pɔ Lua kpà dɛn kɛ lɔ. Kiae mɛ́ lɛ́ nɔsɛpɔnakɛ a nɛɛ, 3ɔ̃ à a zĩkɛnaɔ zĩ̀ gbɛ̃́ pɔ à ń gbɛa blɛbleawaɔ sisii, ãma aa ye mɔaio. 4Ɔ̃ à ɛ̀a à zĩkɛn pãleɔ zĩ̀ a ònɛ́: À gɛ à o gbɛ̃́ pɔ ma ń gbɛaɔnɛ ma sɔu mà, ma zuswanaɔ ń pɔtuo mɛkpaaɔ dɛ̀dɛ má làa. Aa mɔ nɔsɛ guu. 5Ɔ̃ aai laaidɔ yãpiwao, an baade gɛ̀ a bɔɔlɛkɛi. Gbɛ̃eɔ gɛ̀ ń bua, gbɛ̃eɔ gɛ̀ ń laatai, 6gbɛ̃kĩniɔ zĩkɛnapiɔ kũ̀kũ aa widàmá aa ń dɛdɛ̀. 7Ɔ̃ kiapi pɔ pà, à a sosaɔ gbàɛ aa gɛ̀ aa gbɛ̃́dɛnapiɔ dɛ̀dɛ, ɔ̃ aa tɛsɔ̃̀ an wɛ̃lɛwa. 8Ɔ̃ kiapi gbàsa a ò a zĩkɛnaɔnɛ: Nɔsɛblɛ mà, ãma gbɛ̃́ pɔ ma ń gbɛaɔ kɛ̀wà fɛ̃nɛũ. 9À gɛ́ zɛkpaaɔ guu, í gbɛ̃́ pɔ á è pii sisi nɔsɛ guu. 10Ɔ̃ zĩkɛnapiɔ fɛ̀lɛ, aa gɛ̀ zɛ́ɔ guu, aa gbɛ̃́ pɔ aa èɔ kã̀aa, gbɛ̃vãiɔ ń gbɛ̃maaɔ pii. Màa nɔsɛpɔnakɛnaɔ gupà.
11Kɛ́ kiapi gɛ̃̀ pɔnakɛnapiɔ gwai, à gɔ̃ɛe è we, a nɔsɛpɔna ula daao, 12ɔ̃ a òɛ̀: Ma gbɛ̃́, akɛa n gɛ̃ la nɔsɛpɔna uladasaii? Ɔ̃ à nì kpã̀uu. 13Ɔ̃ kia ò a dɔaiɔnɛ: À aà ɔɔ ye ń aà gbáɔ, í aà zu bàasi gusiau. We a ɔdiu a musu, a ɔɔlɔ. 14Asa dasi ɔ̃ Lua sìsi, ãma gbɛ̃́ pɔ a sɛ̀ɔ bilao.
Yesu Yuda gbãadeɔ fua
(Maa 12.13-40; Luk 10.25-28, 20.19-47)
15Bee gbɛa ɔ̃ Falisiɔ bɔ̀ gɛ̀ aa lɛkpàaĩ lá aa kɛ aa Yesu kṹ a yã'oa guu. 16Ɔ̃ aa ń iwaɔ zĩ̀wà ń Helodi kpala zɛnkpɛdeeɔ, aa mɛ̀: Mɛtulu, wá dɔ̃ kɛ́ gbɛ̃́ naaiden n ũ. Ni Lua zɛ́ ɔlɔnɛ́ wasawasaɛ. Nili yãsi ń gbɛ̃́ɔ ublembɛkɛ yãio, asa nili gbɛ̃e wɛgwao. 17Lá ń è ǹ owɛ̃ɛ. À kũ̀ wà wɛ̃̀'ɔ̃a kpá Sezaawaa, ge i kũo? 18Yesu ń nɔsɛvãi dɔ̃̀má à mɛ̀: Mɔafilideɔ! Bɔyãi álɛ filifilimba kpamɛɛi? 19À ɔ̃a pɔ wì wɛ̃̀'ɔ̃a kpaò ɔlɔmɛɛ. Ɔ̃ aa ɔ̃api do dɔ̀ɛ̀. 20Ɔ̃ à ń lá à mɛ̀: Dé mi ń a tɔ́on lai? 21Aa wèwà aa mɛ̀: Sezaa pɔɛ. Ɔ̃ a ònɛ́: Too, à Sezaa dee pɔ kpawà, í Lua pɔ kpawà. 22Kɛ́ aa yãpi mà, à bɔ̀ ń saɛ, ɔ̃ aa aà tò we aa tà.
23Gɔɔdoũpizĩ Saduseeɔ mɔ̀ Yesu kĩi. Aaì mɛ gɛɔ lí vuo, ɔ̃ aa aà là aa mɛ̀: 24Mɛtulu, Mɔizi mɛ̀, tó gɔ̃ɛ gà nɛsai, dãuna lí a vĩi gyaa da'uakɛ, aà buikɛò a vĩiɛ#Iko 25.5 25Tɔɔ. Dedoũdeɔ ku wá guu yãa gbɛ̃ɔn sopla. Woo nɔsɛ̀, à gà a nɔpi tò nɛsai, ɔ̃ gyaa gɔ̃̀ Seɛ. 26À kɛ̀ Seɛ màa lɔ ń Biɔo e à gɛ̀ pɛ̀ gbɛ̃ɔn soplapiɔwa pii. 27Ampii gbɛa ɔ̃ nɔ gà sɔ̃. 28Gɛɔvugɔɔzĩ an gbɛ̃ɔn soplapiɔ guu, demɛ aɔ nɔpi vĩi? Asa ampii aa aà dɔ̃ nɔ ũɛ. 29Ɔ̃ Yesu wèmá à mɛ̀: A sãsãɛ á luayãtaala ń aà gbãao dɔ̃sai yãi. 30Tó gɛɔ vù, aa nɔsɛo, aa zãkɛo, aaɔ dɛ lan malaikaɔwaɛ luabɛ. 31Gɛɔ vua yãmusu i yã pɔ Lua òɛ́ kyokɛo le? À mɛ̀ 32ámɛ a Ablahaũ ń Izaakio ń Yakɔbuo Lua.#Bɔa 3.6 Gɛɔ Luan aà ũo, sema gbɛ̃́ bɛ̃́ɛɔ. 33Kɛ́ bila yãpi mà, aà yãdaanɛ́ dìmá.
34Kɛ́ Falisiɔ mà Yesu Saduseɔ fù, aa kɔ̃kã̀aa. 35Ɔ̃ an ikoyãdɔ̃naɔ do likpàlɛwà, à aà là à mɛ̀: 36Mɛtulu, Mɔizi ikoyã kpele gbia mɛ́ dɛńlai? 37Yesu wèwà à mɛ̀: Ǹyɔ̃ ye Dii n Luazi ń nɔsɛmɛndoo teasisai, n sɔ̃ iɔ kuwà.#Iko 6.5 38Ikoyã pɔ a gbia dɛńlan we. 39A plaade pɔ bɔ̀wan kɛ: Ǹyɔ̃ ye n gbɛ̃nazĩn deezi lá nzĩa wɛ̃niwa.#Lev 19.18 40Mɔizi ikoyã pii ń ãnabiɔ yãɔ pii looa ikoyã mɛn plapiɔwaɛ.
41Lá Falisiɔ kãaaa, Yesu ń lá à mɛ̀: 42Kpelewa á è Mɛsi yãmusui? Dé buin aà ũi? Aa wèwà aa mɛ̀: Davidi buiɛ. 43Ɔ̃ Yesu ònɛ́: Bɔyãi Lua Nisĩna dɛ̀dɛ Davidiwa, ɔ̃ a òɛ̀ Diii? À mɛ̀:
44Dii ò ma Diiɛ aà zɔ̃lɛ a ɔplaai
e àɔ aà ibɛɛɔ kalɛɛ̀ aà gbá ziɛ.#Soũ 110.1
45Lá Davidi òɛ̀ Dii, kpelewa aɔ dɛ aà bui ũi? 46Gbɛ̃e i fɔ̃ yãzãsìwào. Za gɔɔ bee gbɛ̃e i we yãe làwà lɔo.
Currently Selected:
Mat 22: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Mat 22
22
Nɔsɛpɔnakɛa
(Luk 14.15-24)
1Yesu ɛ̀a yãlɛ̀ɛũnɛ́ à mɛ̀: 2Lá kpala pɔ Lua kpà dɛn kɛ lɔ. Kiae mɛ́ lɛ́ nɔsɛpɔnakɛ a nɛɛ, 3ɔ̃ à a zĩkɛnaɔ zĩ̀ gbɛ̃́ pɔ à ń gbɛa blɛbleawaɔ sisii, ãma aa ye mɔaio. 4Ɔ̃ à ɛ̀a à zĩkɛn pãleɔ zĩ̀ a ònɛ́: À gɛ à o gbɛ̃́ pɔ ma ń gbɛaɔnɛ ma sɔu mà, ma zuswanaɔ ń pɔtuo mɛkpaaɔ dɛ̀dɛ má làa. Aa mɔ nɔsɛ guu. 5Ɔ̃ aai laaidɔ yãpiwao, an baade gɛ̀ a bɔɔlɛkɛi. Gbɛ̃eɔ gɛ̀ ń bua, gbɛ̃eɔ gɛ̀ ń laatai, 6gbɛ̃kĩniɔ zĩkɛnapiɔ kũ̀kũ aa widàmá aa ń dɛdɛ̀. 7Ɔ̃ kiapi pɔ pà, à a sosaɔ gbàɛ aa gɛ̀ aa gbɛ̃́dɛnapiɔ dɛ̀dɛ, ɔ̃ aa tɛsɔ̃̀ an wɛ̃lɛwa. 8Ɔ̃ kiapi gbàsa a ò a zĩkɛnaɔnɛ: Nɔsɛblɛ mà, ãma gbɛ̃́ pɔ ma ń gbɛaɔ kɛ̀wà fɛ̃nɛũ. 9À gɛ́ zɛkpaaɔ guu, í gbɛ̃́ pɔ á è pii sisi nɔsɛ guu. 10Ɔ̃ zĩkɛnapiɔ fɛ̀lɛ, aa gɛ̀ zɛ́ɔ guu, aa gbɛ̃́ pɔ aa èɔ kã̀aa, gbɛ̃vãiɔ ń gbɛ̃maaɔ pii. Màa nɔsɛpɔnakɛnaɔ gupà.
11Kɛ́ kiapi gɛ̃̀ pɔnakɛnapiɔ gwai, à gɔ̃ɛe è we, a nɔsɛpɔna ula daao, 12ɔ̃ a òɛ̀: Ma gbɛ̃́, akɛa n gɛ̃ la nɔsɛpɔna uladasaii? Ɔ̃ à nì kpã̀uu. 13Ɔ̃ kia ò a dɔaiɔnɛ: À aà ɔɔ ye ń aà gbáɔ, í aà zu bàasi gusiau. We a ɔdiu a musu, a ɔɔlɔ. 14Asa dasi ɔ̃ Lua sìsi, ãma gbɛ̃́ pɔ a sɛ̀ɔ bilao.
Yesu Yuda gbãadeɔ fua
(Maa 12.13-40; Luk 10.25-28, 20.19-47)
15Bee gbɛa ɔ̃ Falisiɔ bɔ̀ gɛ̀ aa lɛkpàaĩ lá aa kɛ aa Yesu kṹ a yã'oa guu. 16Ɔ̃ aa ń iwaɔ zĩ̀wà ń Helodi kpala zɛnkpɛdeeɔ, aa mɛ̀: Mɛtulu, wá dɔ̃ kɛ́ gbɛ̃́ naaiden n ũ. Ni Lua zɛ́ ɔlɔnɛ́ wasawasaɛ. Nili yãsi ń gbɛ̃́ɔ ublembɛkɛ yãio, asa nili gbɛ̃e wɛgwao. 17Lá ń è ǹ owɛ̃ɛ. À kũ̀ wà wɛ̃̀'ɔ̃a kpá Sezaawaa, ge i kũo? 18Yesu ń nɔsɛvãi dɔ̃̀má à mɛ̀: Mɔafilideɔ! Bɔyãi álɛ filifilimba kpamɛɛi? 19À ɔ̃a pɔ wì wɛ̃̀'ɔ̃a kpaò ɔlɔmɛɛ. Ɔ̃ aa ɔ̃api do dɔ̀ɛ̀. 20Ɔ̃ à ń lá à mɛ̀: Dé mi ń a tɔ́on lai? 21Aa wèwà aa mɛ̀: Sezaa pɔɛ. Ɔ̃ a ònɛ́: Too, à Sezaa dee pɔ kpawà, í Lua pɔ kpawà. 22Kɛ́ aa yãpi mà, à bɔ̀ ń saɛ, ɔ̃ aa aà tò we aa tà.
23Gɔɔdoũpizĩ Saduseeɔ mɔ̀ Yesu kĩi. Aaì mɛ gɛɔ lí vuo, ɔ̃ aa aà là aa mɛ̀: 24Mɛtulu, Mɔizi mɛ̀, tó gɔ̃ɛ gà nɛsai, dãuna lí a vĩi gyaa da'uakɛ, aà buikɛò a vĩiɛ#Iko 25.5 25Tɔɔ. Dedoũdeɔ ku wá guu yãa gbɛ̃ɔn sopla. Woo nɔsɛ̀, à gà a nɔpi tò nɛsai, ɔ̃ gyaa gɔ̃̀ Seɛ. 26À kɛ̀ Seɛ màa lɔ ń Biɔo e à gɛ̀ pɛ̀ gbɛ̃ɔn soplapiɔwa pii. 27Ampii gbɛa ɔ̃ nɔ gà sɔ̃. 28Gɛɔvugɔɔzĩ an gbɛ̃ɔn soplapiɔ guu, demɛ aɔ nɔpi vĩi? Asa ampii aa aà dɔ̃ nɔ ũɛ. 29Ɔ̃ Yesu wèmá à mɛ̀: A sãsãɛ á luayãtaala ń aà gbãao dɔ̃sai yãi. 30Tó gɛɔ vù, aa nɔsɛo, aa zãkɛo, aaɔ dɛ lan malaikaɔwaɛ luabɛ. 31Gɛɔ vua yãmusu i yã pɔ Lua òɛ́ kyokɛo le? À mɛ̀ 32ámɛ a Ablahaũ ń Izaakio ń Yakɔbuo Lua.#Bɔa 3.6 Gɛɔ Luan aà ũo, sema gbɛ̃́ bɛ̃́ɛɔ. 33Kɛ́ bila yãpi mà, aà yãdaanɛ́ dìmá.
34Kɛ́ Falisiɔ mà Yesu Saduseɔ fù, aa kɔ̃kã̀aa. 35Ɔ̃ an ikoyãdɔ̃naɔ do likpàlɛwà, à aà là à mɛ̀: 36Mɛtulu, Mɔizi ikoyã kpele gbia mɛ́ dɛńlai? 37Yesu wèwà à mɛ̀: Ǹyɔ̃ ye Dii n Luazi ń nɔsɛmɛndoo teasisai, n sɔ̃ iɔ kuwà.#Iko 6.5 38Ikoyã pɔ a gbia dɛńlan we. 39A plaade pɔ bɔ̀wan kɛ: Ǹyɔ̃ ye n gbɛ̃nazĩn deezi lá nzĩa wɛ̃niwa.#Lev 19.18 40Mɔizi ikoyã pii ń ãnabiɔ yãɔ pii looa ikoyã mɛn plapiɔwaɛ.
41Lá Falisiɔ kãaaa, Yesu ń lá à mɛ̀: 42Kpelewa á è Mɛsi yãmusui? Dé buin aà ũi? Aa wèwà aa mɛ̀: Davidi buiɛ. 43Ɔ̃ Yesu ònɛ́: Bɔyãi Lua Nisĩna dɛ̀dɛ Davidiwa, ɔ̃ a òɛ̀ Diii? À mɛ̀:
44Dii ò ma Diiɛ aà zɔ̃lɛ a ɔplaai
e àɔ aà ibɛɛɔ kalɛɛ̀ aà gbá ziɛ.#Soũ 110.1
45Lá Davidi òɛ̀ Dii, kpelewa aɔ dɛ aà bui ũi? 46Gbɛ̃e i fɔ̃ yãzãsìwào. Za gɔɔ bee gbɛ̃e i we yãe làwà lɔo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.