Mat 21
21
Gbãakpaa Yesuzi Yelusalɛũ
(Maa 11.1-26; Luk 19.28-48; Zãa 12.12-22)
12Kɛ́ aa kà kãi ń Yelusalɛũo, aa kà Bɛfaze wɛ̃lɛ pɔ ku Kukpɛ sĩsĩpɔlɛu, ɔ̃ Yesu a iwa gbɛ̃ɔn plaɔ zĩ̀ 2a ònɛ́: À gɛ́ wɛ̃lɛ pɔ kalɛ á aɛ kee guu. Tó a gɛ̃, á zaa'ĩna e dɔa ń a nɛo wegɔ̃ɔ. À polo suòmɛɛ. 3Tó gbɛ̃e á lá, kpelewa ni, í mɛ Dii mɛ́ ye an mɔaoi, a ń gbaɛɛ̀ tia. 4A dɛ màa, yã pɔ ãnabi ò paa yãiɛ à mɛ̀:
5O Siɔnadeɔnɛ
an kia mɛ́ lɛ́ mɔ́ ń kĩi.
Aà nɔ̀sɛ niɛ, a di zaa'ĩn bɔlɔ kpɛ.#Zkl 9.9
6Iwapiɔ gɛ̀ aa kɛ̀ lá Yesu ònɛ́wa. 7Aa sù ń zaa'ĩnapio ń a nɛo, aa ń ulaɔ kpàlɛmá, ɔ̃ Yesu dìkpɛ. 8Gbɛ̃́ dasideɔ lɛ́ ń ulaɔ kpalɛ zɛ́u,#2 Kia 9.13 gbɛ̃eɔ lɛ́ lá zɔ̃ wàlɛ kpalɛ zɛ́u lɔ. 9Bila pɔ dɔaaaɛ̀ ń gbɛ̃́ pɔ tɛ́ aà kpɛɔ lɛ́ wiilɛ aalɛ mɛ:
Gbãakɛ, Davidi Bui!
Baaade gbɛ̃́ pɔ lɛ́ mɔ́ ń Dii tɔ́o!
Wà gbãakpaaazi à zɔ̃ luawa.#Soũ 118.25-26
10Kɛ́ Yesu gɛ̃̀ Yelusalɛũ, wɛ̃lɛ lòo, gbɛ̃pii lɛ́ mɛ: Dén gbɛ̃́ bee ũi? 11Bila mɛ̀: Ãnabi Yesuɛ. À bɔ̀ Nazalɛti, Galile busuuɛ.
Yesu gɛa Lua ua
(Maa 11.15-19; Luk 19.45-48; Zãa 2.13-22)
12Yesu gɛ̃̀ Lua ua, à laayianaɔ ń laalunaɔ yà à ń bɔlɛ pii. À ɔlɛũkpakɛnaɔ taabũnuɔ ń felenyianaɔ kilaɔ fuangbà. 13A ònɛ́: Wa kɛ̃̀, wali o ma kpɛ́ɛ luasisikpɛ,#Isa 56.7 ɔ̃ á kɛ̀ gbɛ̃blenaɔ tòo ũ.#Zel 7.11
14Vĩ̀aɔ ń kɔ̃̀ɔɔ mɔ̀ aà kĩi Lua ua we, ɔ̃ à ń gbãgbã. 15Kɛ́ sa'onkiaɔ ń Mɔizi ikoyãdanɛdeɔ yãbɔnsaɛ pɔ àlɛ kɛɔ è, mɛ́ aa mà nɛɔ lɛ́ wiidɔwà Lua ua aalɛ mɛ, gbãakɛ Davidi Bui, ɔ̃ an pɔ pà. 16Aa òɛ̀: Ń mà lá aalɛ oa? Yesu wèmá à mɛ̀: Ao! Kɛ́ Lua dà nɛɔnɛ ń nɛ yɔ̃minaɔ aa a taasilɛ, i a kyokɛo le?#Soũ 8.3 17Ɔ̃ à bɔ̀ wɛ̃lɛu à ń tó we, à tà ii Bɛtani.
Yesu figi lí kaa
(Maa 11.12-14, 11.20-24)
18Kɛ́ gu dɔ̀ kɔɔkɔɔ, à ɛ̀a àlɛ su wɛ̃lɛdau, ɔ̃ nɔana lɛ́ aà dɛ. 19À figi lí è zɛ́lɛ, ɔ̃ à sɔ̃̀i, i nɛ ewào, sema lá pã. Ɔ̃ a ò lípiɛ: Ńyɔ̃ nɛ'i bau lɔo. Wegɔ̃ɔ lípi giigàga. 20Kɛ́ aà iwaɔ è, ɔ̃ à bɔ̀ ń saɛ aa mɛ̀: Bɔyãi figi lípi giigàga màa gɔ̃̀ɔi? 21Yesu wèmá à mɛ̀: Sĩana malɛ oɛ́, tó á Lua naai vĩ seasai, i kɛ figi lípi yã ɔ̃ á kɛ adoo. Baa tó á ò sĩ̀sĩɛ beeɛ aà azĩa sɛ zu isiau, a kɛɛ.#Mat 17.20 22Tó á Lua naai vĩ, pɔ pɔ á gbɛ̀awà wabikɛa guu pii, á eɛ.
Yesu laa a ikoi
(Maa 11.27-33; Luk 20.1-8)
23Yesu gɛ̃̀ Lua ua, àlɛ yãdanɛ́. Ɔ̃ sa'onkiaɔ ń gbɛ̃zɔ̃ɔɔ mɔ̀ aa aà là aa mɛ̀: Iko kpele nlɛ yãpiɔ kɛòi? Demɛ n gba ikopii? 24Ɔ̃ Yesu wèmá à mɛ̀: Mapi sɔ̃ má yã mɛndo gbɛawá. Tó á òmɛɛ, ɔ̃ má iko pɔ malɛ yãpiɔ kɛò oɛ́. 25Dé iko Zãa gbɛ̃́ɔ da'ilɛkɛ̀òi?#Mat 3.6 Lua pɔ yã̀, ge gbɛ̃nazĩna pɔɛ? Ɔ̃ aa lɛkpàaĩ aa mɛ̀: Tó wa mɛ̀ Lua pɔɛ, a wá la bɔyãi wi Zãa yãsio ni. 26Tó wa mɛ̀ gbɛ̃nazĩna pɔɛ sɔ̃, wá bila vĩa vĩ, asa ampii aa Zãa ãnabikɛ sìɛ. 27Ɔ̃ aa wè Yesuwa aa mɛ̀: Wá dɔ̃o. Ɔ̃ Yesu ònɛ́: Mapi sɔ̃ má iko pɔ malɛ yãpiɔ kɛò oɛ́o.
Nɛ gbɛ̃ɔn plaɔ
28Ɔ̃ Yesu mɛ̀: Gbɛ̃e mɛ́ nɛgɔ̃ɛnaɔ vĩ gbɛ̃ɔn pla. Ɔ̃ a ò Wooɛ: Gɛ zĩkɛi bua gbã. 29Woo mɛ̀: Má gɛ́o. Ɔ̃ à nɔsɛlìlɛ gbɛzã, à gɛ̀. 30Maepi gɛ̀ a ò Seɛ màa lɔ. Ɔ̃ Se mɛ̀: Too. Kási isu gɛ̀o. 31Á è kpelewai? Gbɛ̃ɔn plapiɔ guu, an demɛ a mae pɔeã kɛ̀i? Aa mɛ̀: Wooɛ. Ɔ̃ Yesu ònɛ́: Sĩana malɛ oɛ́: Ɔsinaɔ ń kaaluaɔ gɛ̃ kpala pɔ Lua kpà guu á ãa. 32Asa Zãa mɔ̀ à zɛ́ susu ɔlɔ̀ɛ́, i aà yãsio. Ɔsinaɔ ń kaaluaɔ mɛ́ aa aà yãsì. Baa ń bee eao i nɔsɛlilɛ gbɛzã a aà yãsìo.
Vɛ̃ɛbu zĩkɛnaɔ
(Maa 12.1-12; Luk 20.9-18)
33À yãpãle ma lɔ. Uabelee mɛ́ ku a vɛ̃ɛbu vĩ, à kaadài à ɛyɔ̃̀ a guu vɛ̃ɛ'ibɔkĩi ũ, à gbadà.#Isa 5.1-2 Ɔ̃ à a vɛ̃ɛbupi nà zĩkɛnaɔnɛ ń ɔzĩ, ɔ̃ à fɛ̀lɛ ń táo. 34Kɛ́ vɛ̃ɛkɔzɔ̃zɔ̃gɔɔ kà, ɔ̃ à a iwaɔ zĩ̀ zĩkɛnapiɔwa aa a vɛ̃ɛ asea siɛ. 35Ɔ̃ zĩkɛnapiɔ aà iwaɔ kũ̀kũ, aa ń gbɛ̃do gbɛ̃̀, aa ń gbɛ̃do dɛ̀, aa ń gbɛ̃do pàpa ń gbɛo wa dɛ̀. 36Uabelepi ɛ̀a à iwa pãleɔ zĩ̀,#2 Lad 36.15 an dasi dɛ gbɛ̃kaauɔla, ɔ̃ aa kɛ̀nɛ́ màa lɔ. 37Gbɛzã ɔ̃ à a nɛ zĩ̀má à mɛ̀: Aa ma nɛ yãda. 38Kɛ́ zĩkɛnapiɔ nɛpi è, aa òkɔ̃ɛ: Tubiblenan kee. Wà aà dɛ, bú i gɔ̃wɛ̃ɛ. 39Ɔ̃ aa aà kũ̀ bɔ̀ò kaau aa dɛ̀. 40Tó budepi sù, kpelewa a kɛ zĩkɛnapiɔnɛi? 41Aa wèwà aa mɛ̀: A gbɛ̃́ pãsĩpiɔ dɛdɛ pãsĩpãsĩɛ, i búpi na zĩkɛn pãle pɔ aa a asea kpawa a gɔɔwaɔnɛ ń ɔzĩ. 42Ɔ̃ Yesu ònɛ́: I yãɛ bee kyokɛ luayãtaalauo le?
Gbɛ pɔ ɛ̃bonaɔ pãkpài
mɛ́ gɔ̃̀ gbɛɔ mide ũ.
Dii mɛ́ bee kɛ̀
ɔ̃ à kɛ̀wɛ̃ɛ yãbɔnsaɛ ũ.#Soũ 118.22-23
43Ayãmɛto malɛ oɛ́: Wa kpala pɔ Lua kpà siwá, wi gbɛ̃́ pɔ aa a asea kpawàɔ kpau. 44Gbɛ̃́ pɔ lɛ̀lɛ gbɛpiwa, ade a wiwiɛ. Tó gbɛpi sì gbɛ̃́wa sɔ̃, a ade ulɔɛ.
45Kɛ́ sa'onkiaɔ ń Falisiɔ Yesu yãlɛɛũanɛ́piɔ mà, aa dɔ̃̀ kɛ́ ń yã àlɛ o. 46Ɔ̃ aalɛ zɛwɛɛlɛ wà aà kṹ, ãma aa vĩakɛ̀ bilaɛ, kɛ́ wà aà dìlɛ ãnabi ũ yãi.
Currently Selected:
Mat 21: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Mat 21
21
Gbãakpaa Yesuzi Yelusalɛũ
(Maa 11.1-26; Luk 19.28-48; Zãa 12.12-22)
12Kɛ́ aa kà kãi ń Yelusalɛũo, aa kà Bɛfaze wɛ̃lɛ pɔ ku Kukpɛ sĩsĩpɔlɛu, ɔ̃ Yesu a iwa gbɛ̃ɔn plaɔ zĩ̀ 2a ònɛ́: À gɛ́ wɛ̃lɛ pɔ kalɛ á aɛ kee guu. Tó a gɛ̃, á zaa'ĩna e dɔa ń a nɛo wegɔ̃ɔ. À polo suòmɛɛ. 3Tó gbɛ̃e á lá, kpelewa ni, í mɛ Dii mɛ́ ye an mɔaoi, a ń gbaɛɛ̀ tia. 4A dɛ màa, yã pɔ ãnabi ò paa yãiɛ à mɛ̀:
5O Siɔnadeɔnɛ
an kia mɛ́ lɛ́ mɔ́ ń kĩi.
Aà nɔ̀sɛ niɛ, a di zaa'ĩn bɔlɔ kpɛ.#Zkl 9.9
6Iwapiɔ gɛ̀ aa kɛ̀ lá Yesu ònɛ́wa. 7Aa sù ń zaa'ĩnapio ń a nɛo, aa ń ulaɔ kpàlɛmá, ɔ̃ Yesu dìkpɛ. 8Gbɛ̃́ dasideɔ lɛ́ ń ulaɔ kpalɛ zɛ́u,#2 Kia 9.13 gbɛ̃eɔ lɛ́ lá zɔ̃ wàlɛ kpalɛ zɛ́u lɔ. 9Bila pɔ dɔaaaɛ̀ ń gbɛ̃́ pɔ tɛ́ aà kpɛɔ lɛ́ wiilɛ aalɛ mɛ:
Gbãakɛ, Davidi Bui!
Baaade gbɛ̃́ pɔ lɛ́ mɔ́ ń Dii tɔ́o!
Wà gbãakpaaazi à zɔ̃ luawa.#Soũ 118.25-26
10Kɛ́ Yesu gɛ̃̀ Yelusalɛũ, wɛ̃lɛ lòo, gbɛ̃pii lɛ́ mɛ: Dén gbɛ̃́ bee ũi? 11Bila mɛ̀: Ãnabi Yesuɛ. À bɔ̀ Nazalɛti, Galile busuuɛ.
Yesu gɛa Lua ua
(Maa 11.15-19; Luk 19.45-48; Zãa 2.13-22)
12Yesu gɛ̃̀ Lua ua, à laayianaɔ ń laalunaɔ yà à ń bɔlɛ pii. À ɔlɛũkpakɛnaɔ taabũnuɔ ń felenyianaɔ kilaɔ fuangbà. 13A ònɛ́: Wa kɛ̃̀, wali o ma kpɛ́ɛ luasisikpɛ,#Isa 56.7 ɔ̃ á kɛ̀ gbɛ̃blenaɔ tòo ũ.#Zel 7.11
14Vĩ̀aɔ ń kɔ̃̀ɔɔ mɔ̀ aà kĩi Lua ua we, ɔ̃ à ń gbãgbã. 15Kɛ́ sa'onkiaɔ ń Mɔizi ikoyãdanɛdeɔ yãbɔnsaɛ pɔ àlɛ kɛɔ è, mɛ́ aa mà nɛɔ lɛ́ wiidɔwà Lua ua aalɛ mɛ, gbãakɛ Davidi Bui, ɔ̃ an pɔ pà. 16Aa òɛ̀: Ń mà lá aalɛ oa? Yesu wèmá à mɛ̀: Ao! Kɛ́ Lua dà nɛɔnɛ ń nɛ yɔ̃minaɔ aa a taasilɛ, i a kyokɛo le?#Soũ 8.3 17Ɔ̃ à bɔ̀ wɛ̃lɛu à ń tó we, à tà ii Bɛtani.
Yesu figi lí kaa
(Maa 11.12-14, 11.20-24)
18Kɛ́ gu dɔ̀ kɔɔkɔɔ, à ɛ̀a àlɛ su wɛ̃lɛdau, ɔ̃ nɔana lɛ́ aà dɛ. 19À figi lí è zɛ́lɛ, ɔ̃ à sɔ̃̀i, i nɛ ewào, sema lá pã. Ɔ̃ a ò lípiɛ: Ńyɔ̃ nɛ'i bau lɔo. Wegɔ̃ɔ lípi giigàga. 20Kɛ́ aà iwaɔ è, ɔ̃ à bɔ̀ ń saɛ aa mɛ̀: Bɔyãi figi lípi giigàga màa gɔ̃̀ɔi? 21Yesu wèmá à mɛ̀: Sĩana malɛ oɛ́, tó á Lua naai vĩ seasai, i kɛ figi lípi yã ɔ̃ á kɛ adoo. Baa tó á ò sĩ̀sĩɛ beeɛ aà azĩa sɛ zu isiau, a kɛɛ.#Mat 17.20 22Tó á Lua naai vĩ, pɔ pɔ á gbɛ̀awà wabikɛa guu pii, á eɛ.
Yesu laa a ikoi
(Maa 11.27-33; Luk 20.1-8)
23Yesu gɛ̃̀ Lua ua, àlɛ yãdanɛ́. Ɔ̃ sa'onkiaɔ ń gbɛ̃zɔ̃ɔɔ mɔ̀ aa aà là aa mɛ̀: Iko kpele nlɛ yãpiɔ kɛòi? Demɛ n gba ikopii? 24Ɔ̃ Yesu wèmá à mɛ̀: Mapi sɔ̃ má yã mɛndo gbɛawá. Tó á òmɛɛ, ɔ̃ má iko pɔ malɛ yãpiɔ kɛò oɛ́. 25Dé iko Zãa gbɛ̃́ɔ da'ilɛkɛ̀òi?#Mat 3.6 Lua pɔ yã̀, ge gbɛ̃nazĩna pɔɛ? Ɔ̃ aa lɛkpàaĩ aa mɛ̀: Tó wa mɛ̀ Lua pɔɛ, a wá la bɔyãi wi Zãa yãsio ni. 26Tó wa mɛ̀ gbɛ̃nazĩna pɔɛ sɔ̃, wá bila vĩa vĩ, asa ampii aa Zãa ãnabikɛ sìɛ. 27Ɔ̃ aa wè Yesuwa aa mɛ̀: Wá dɔ̃o. Ɔ̃ Yesu ònɛ́: Mapi sɔ̃ má iko pɔ malɛ yãpiɔ kɛò oɛ́o.
Nɛ gbɛ̃ɔn plaɔ
28Ɔ̃ Yesu mɛ̀: Gbɛ̃e mɛ́ nɛgɔ̃ɛnaɔ vĩ gbɛ̃ɔn pla. Ɔ̃ a ò Wooɛ: Gɛ zĩkɛi bua gbã. 29Woo mɛ̀: Má gɛ́o. Ɔ̃ à nɔsɛlìlɛ gbɛzã, à gɛ̀. 30Maepi gɛ̀ a ò Seɛ màa lɔ. Ɔ̃ Se mɛ̀: Too. Kási isu gɛ̀o. 31Á è kpelewai? Gbɛ̃ɔn plapiɔ guu, an demɛ a mae pɔeã kɛ̀i? Aa mɛ̀: Wooɛ. Ɔ̃ Yesu ònɛ́: Sĩana malɛ oɛ́: Ɔsinaɔ ń kaaluaɔ gɛ̃ kpala pɔ Lua kpà guu á ãa. 32Asa Zãa mɔ̀ à zɛ́ susu ɔlɔ̀ɛ́, i aà yãsio. Ɔsinaɔ ń kaaluaɔ mɛ́ aa aà yãsì. Baa ń bee eao i nɔsɛlilɛ gbɛzã a aà yãsìo.
Vɛ̃ɛbu zĩkɛnaɔ
(Maa 12.1-12; Luk 20.9-18)
33À yãpãle ma lɔ. Uabelee mɛ́ ku a vɛ̃ɛbu vĩ, à kaadài à ɛyɔ̃̀ a guu vɛ̃ɛ'ibɔkĩi ũ, à gbadà.#Isa 5.1-2 Ɔ̃ à a vɛ̃ɛbupi nà zĩkɛnaɔnɛ ń ɔzĩ, ɔ̃ à fɛ̀lɛ ń táo. 34Kɛ́ vɛ̃ɛkɔzɔ̃zɔ̃gɔɔ kà, ɔ̃ à a iwaɔ zĩ̀ zĩkɛnapiɔwa aa a vɛ̃ɛ asea siɛ. 35Ɔ̃ zĩkɛnapiɔ aà iwaɔ kũ̀kũ, aa ń gbɛ̃do gbɛ̃̀, aa ń gbɛ̃do dɛ̀, aa ń gbɛ̃do pàpa ń gbɛo wa dɛ̀. 36Uabelepi ɛ̀a à iwa pãleɔ zĩ̀,#2 Lad 36.15 an dasi dɛ gbɛ̃kaauɔla, ɔ̃ aa kɛ̀nɛ́ màa lɔ. 37Gbɛzã ɔ̃ à a nɛ zĩ̀má à mɛ̀: Aa ma nɛ yãda. 38Kɛ́ zĩkɛnapiɔ nɛpi è, aa òkɔ̃ɛ: Tubiblenan kee. Wà aà dɛ, bú i gɔ̃wɛ̃ɛ. 39Ɔ̃ aa aà kũ̀ bɔ̀ò kaau aa dɛ̀. 40Tó budepi sù, kpelewa a kɛ zĩkɛnapiɔnɛi? 41Aa wèwà aa mɛ̀: A gbɛ̃́ pãsĩpiɔ dɛdɛ pãsĩpãsĩɛ, i búpi na zĩkɛn pãle pɔ aa a asea kpawa a gɔɔwaɔnɛ ń ɔzĩ. 42Ɔ̃ Yesu ònɛ́: I yãɛ bee kyokɛ luayãtaalauo le?
Gbɛ pɔ ɛ̃bonaɔ pãkpài
mɛ́ gɔ̃̀ gbɛɔ mide ũ.
Dii mɛ́ bee kɛ̀
ɔ̃ à kɛ̀wɛ̃ɛ yãbɔnsaɛ ũ.#Soũ 118.22-23
43Ayãmɛto malɛ oɛ́: Wa kpala pɔ Lua kpà siwá, wi gbɛ̃́ pɔ aa a asea kpawàɔ kpau. 44Gbɛ̃́ pɔ lɛ̀lɛ gbɛpiwa, ade a wiwiɛ. Tó gbɛpi sì gbɛ̃́wa sɔ̃, a ade ulɔɛ.
45Kɛ́ sa'onkiaɔ ń Falisiɔ Yesu yãlɛɛũanɛ́piɔ mà, aa dɔ̃̀ kɛ́ ń yã àlɛ o. 46Ɔ̃ aalɛ zɛwɛɛlɛ wà aà kṹ, ãma aa vĩakɛ̀ bilaɛ, kɛ́ wà aà dìlɛ ãnabi ũ yãi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.