Mat 1

Bui pɔ Yesu bɔ̀ ń guuɔ

(Luk 3.23-38)

1Davidi ń Ablahaũo bui Yesu Kilisi buibɔkĩin kɛ:

2Ablahaũ Izaaki ì,

Izaaki Yakɔbu ì,

Yakɔbu Yuda ì ń aà vĩiɔ ń aà dãunaɔ.

3Yuda Pɛlɛzi ń Zelao ì ń a na Tamaao,

Pɛlɛzi Ɛzɔ̃nɔ ì,

Ɛzɔ̃nɔ Alaũ ì.

4Alaũ Aminadabu ì,

Aminadabu Naasɔ̃ ì,

Naasɔ̃ Salamɔ ì,

5Salamɔ Bɔazu ì ń a na Lahabuo.

Bɔazu Ɔbɛdi ì ń a na Lutuo,

Ɔbɛdi Yɛse ì,

6ɔ̃ Yɛse ki Davidi ì.

Davidi Salomɔ ì ń Uli nao,

7Salomɔ Lɔbɔaũ ì,

Lɔbɔaũ Abia ì,

Abia Asa ì,

8Asa Yosafa ì,

Yosafa Yeholaũ ì,

Yeholaũ Ozia ì.

9Ozia Yoataũ ì,

Yoataũ Akazi ì,

Akazi Ezekia ì,

10Ezekia Manase ì,

Manase Amɔ ì,

Amɔ Yosia ì,

11Yosia Yɛkɔnia ì ń aà dãunaɔ gɔɔ pɔ wà gbɛ̃́ɔ kũ̀kũ wà tàńnɔ Babiloni.#2 Kia 24.14-16

12Taa ń gbɛ̃́ɔ Babiloni gbɛa ɔ̃ Yɛkɔnia Salatiɛli ì,

Salatiɛli Zolobabɛli ì,

13Zolobabɛli Abiudu ì,

Abiudu Ɛliakiũ ì,

Ɛliakiũ Azɔɔ ì.

14Azɔɔ Zadoki ì,

Zadoki Akiũ ì,

Akiũ Ɛliudu ì,

15Ɛliudu Ɛleazaa ì,

Ɛleazaa Matana ì,

Matana Yakɔbu ì,

16ɔ̃ Yakɔbu Maliama zã́ Yosɛfu ì.

Maliamapi mɛ́ Yesu pɔ wì mɛ Mɛsi ì.

17Za Ablahaũwa e à gɛ̀ pɛ̀ Davidiwa, kpaiɔ ń wueɔ ku gɛ̃o mɛndosaiɛ. Za Davidiwa e gɔɔ pɔ wà tà ń gbɛ̃́ɔ Babiloni, kpaiɔ ń wueɔ ku gɛ̃o mɛndosaiɛ. Za taa ń gbɛ̃́ɔ Babiloni e à gɛ̀ pɛ̀ Mɛsiwa, kpaiɔ ń wueɔ ku gɛ̃o mɛndosaiɛ.

Yesu Kilisi ia

(Luk 2.1-7)

18Lá wà Yesu Kilisi ìn kɛ: Aà da Maliamaá Yosɛfu nɔkpamaɛ. E àɔ gɛ́ zãkɛi, à nɔsì ń Lua Nisĩna gbãao. 19Aà gɔ̃kpama Yosɛfupiá gbɛ̃maaɛ, a ye widaawàio, ɔ̃ à zɛ̀ò á bɔ aà yãu asii guuɛ. 20Gɔɔ pɔ àlɛ laasookɛ yãpiwa, Dii malaikae bɔ̀ à mɔ̀wà nana guu a òɛ̀: Davidi bui Yosɛfu, nsu bilikɛ n nɔkpama Maliama sɛa yãmusuo, asa nɔ pɔ a sia bɔ̀ Lua Nisĩna kĩiɛ. 21A nɛ'i gɔ̃ɛ ũ, ní tɔkpaɛ̀ Yesu, asa aapi mɛ́ a a gbɛ̃́ɔ bɔ ń duuna guu. 22Bee kɛ̀ pii, kɛ́ yã pɔ Dii dà ãnabiɛ a ò e kɛ yãi à mɛ̀:

23Nɔɛ lɛso mɛ́ a nɔsi,

i nɛ'i gɔ̃ɛ ũ,

wi tɔkpaɛ̀ Emanuɛli.#Isa 7.14

Tɔ́pi mɛ̀ Lua kuwanɔ.

24Kɛ́ Yosɛfu vù, a kɛ̀ lá Dii malaikapi dìlɛɛwa, à a nɔpi sɛ̀. 25Ãma i aà dɔ̃ nɔɛ ũo e à gɛ̀ nɛgɔ̃ɛpi ìò. Ɔ̃ à tɔkpàɛ̀ Yesu.

Currently Selected:

Mat 1: Boo2024

Highlight

Copy