Bɔa 39
39
Sa'onaɔ pɔkasaɔ
(Bɔa 28.1-43)
1Aa pɔkasa pɔ wì zĩkɛò zwãakpɛu tã̀ ń babuunao ń bagaaluladeo ń wɔ̃ɔtɛ̃nao. Aa pɔkasa pɔ Aalona ali sɔ̃ò Diizi zɔ̃̀ɛ̀ lɔ, lá Dii dìlɛ Mɔiziɛwa.
2Aa sa'o'ula zɔ̃̀ ń pɔlɛ pɔ wa tã̀ ń bataɛao ń vuao ń babuunao ń bagaaluladeo ń wɔ̃ɔtɛ̃nao. 3Aa vua gbɛ̃̀gbɛ̃ à gɔ̃̀ fɛlɛfɛlɛnnɔ, ɔ̃ aa pàapaa ba ũ aa gɔ̃inakɛ̀ò baabaawa ń babuunao ń bagaaluladeo ń wɔ̃ɔtɛ̃nao. 4Aa sa'o'ulapi zɔ̃̀ bakangãu ũɛ. 5Aa asana tã̀, kɛ́ wali dɔ sa'o'ulapia ń sa'o'ula pɔlɛ doũpio ń bataɛao ń babuunao ń bagaaluladeo ń wɔ̃ɔtɛ̃nao, lá Dii dìlɛ Mɔiziɛwa. 6Aa Isaili buiɔ tɔ́ kɛ̃̀ onisi gbɛɔwa lá wì wɛ̃sãkɛ̃ nɔamblebɔwa, ɔ̃ aa dàda a kũbɔ pɔ wa kɛ̀ ń vuao guu. 7Aa pɛ̀pɛ sa'o'ulapi ba pɔ wa kà a gãuɔwa Isaili buiɔ yãdɔngugbɛɔ ũ, lá Dii dìlɛ Mɔiziɛwa.
8Aa bɔɔloonnɔɛ zɔ̃̀, aa gɔ̃inakɛ̀wà. Aa tã̀ lá aa sa'o'ula tã̀wa ń pɔlɛ doũ pɔ wà sa'o'ulapi zɔ̃̀òpio ń bataɛao ń vuao ń babuunao ń bagaaluladeo ń wɔ̃ɔtɛ̃nao. 9Bɔ̀ɔpi gbã̀a ń a yaasao sáaɛ ɔtã dodo. 10Aa zãblèwà ń gbɛ̀ bɛɛɛdeɔ dɔɔ siiɔ̃. A dɔɔ sɛ̃ia saadɔani ń topazao ń ɛmɛlodio. 11A dɔɔ plaade tiikɔazi ń safiio ń diamao. 12A dɔɔ aaɔ̃de belili ń agatao ń amɛtisio. 13A dɔɔ siiɔ̃de kisoliti ń onisio ń yasepeo. Aa ń dadà a kũbɔ pɔ aa kɛ̀ ń vuaopiɔ guu. 14Gbɛpiɔ mɛn kuɛplaɛ Isaili buiɔ tɔ́ lɛu. Wà tɔ́piɔ kɛ̃̀ gbɛpiɔwa dodo, lá wì wɛ̃sãkɛ̃ nɔamblebɔwa.
15Aa vua tɛ̃ɛtɛ̃ɛ tã̀ bɔ̀ɔpi pɔ ũ, a tãa dɛ lan balɛɛnawa. 16Aa gbɛkũbɔ tãanaɔ pì ń vuao bɔɔloonnɔɛpi pɔɔ ũ lɔ mɛn plapla, ɔ̃ aa tãanapiɔ dɔ̀dɔ bɔ̀ɔpi swãɔwa musu. 17Aa balɛɛna mɛn plapiɔ dɔ̀dɔ bɔ̀ɔ tãana mɛn plapiɔwa, 18ɔ̃ aa balɛɛnapiɔ lɛ doɔ dɔ̀dɔ gbɛkũbɔ pɔ ku bakangãuwaɔwa. 19Aa vua tãana mɛn pla pãleɔ pì, aa ń dɔdɔ̀ bɔ̀ɔpi swãɔwa zĩlɛ oi, aa nà sa'o'ulapiwa. 20Aa vua tãana pãleɔ pì mɛn pla lɔ, aa ń dɔdɔ̀ sa'o'ulapi aɛ oi a pɛkĩi saɛ zĩlɛ oi asana musu. 21Aa bɔ̀ɔ tãanaɔ ń sa'o'ula tãanapiɔ dɔ̀kɔ̃wa ń babuuna tãao, bɔ̀ɔpi líɔ dɔa sa'o'ulapi asanawa, kɛ́ asuli go sa'o'ulawao yãi, lá Dii dìlɛ Mɔiziɛwa.
22Aa ulatao pɔ wali sa'o'ulapi daò zɔ̃̀ ń zwãa búunao. 23Aa sa'o'ulapi fɔ̃̀ guoguo a nɔ̀ɛ ũ, ɔ̃ aa a nɔ̀ɛpi lɛ́ mibà, kɛ́ asu bɔbɔo yãi. 24Aa gbɛafu bɛ gɔ̃inakɛ̀ ulataopi lɛ́wa aa lìai ń babuunao ń bagaaluladeo ń wɔ̃ɔtɛ̃nao ń bataɛao. 25Aa ãnanaɔ pì ń vua tɛ̃ɛtɛ̃ɛo, aa lòoloo ulataopi lɛ́wa gbɛafu bɛpiɔ zãnguo, 26ãnanan kɛ, gbɛafu bɛn kɛ, ãnanan kɛ, gbɛafu bɛn kɛ. Màa aa ulataopi lɛ́ kɛ̀kɛ aa lìai à pɛ̀ɛ, wili da wàliɔ sa'ozĩkɛò, lá Dii dìlɛ Mɔiziɛwa.
27Aa ulataoɔ zɔ̃̀ ń baabaao Aalona ń a nɛɔnɛ. 28Aa tulu ń fùa gbã̀aɔ zɔ̃̀ ń baabaao lɔ, ɔ̃ aa soologeseɔ zɔ̃̀ ń pɔlɛ pɔ wa tã̀ ń bataɛao. 29Aa asana kɛ̀ ń pɔlɛ pɔ wa tã̀ ń bataɛao, aa gɔ̃inakɛ̀wà ń babuunao ń bagaaluladeo ń wɔ̃ɔtɛ̃naoɛ, lá Dii dìlɛ Mɔiziɛwa. 30Aa mɔpɛpɛɛna pɔ ì Aalona dilɛ Dii pɔ ũ kɛ̀ ń vua tɛ̃ɛtɛ̃ɛo, ɔ̃ aa yãkɛ̃̀wà, lá wì wɛ̃sãkɛ̃ nɔamblebɔwa, aa mɛ̀: Dii pɔɛ a zɛ́i. 31Aa vuapɛpɛɛnapi nà tulupiwa ń babuuna tãao, lá Dii dìlɛ Mɔiziɛwa.
Zwãakpɛ zĩ midɛa
(Bɔa 35.10-19)
32Màa wà zwãakpɛpi zĩkɛ̀ pii, wà a midɛ̀. Isailiɔ kpaaũkpɛpi kɛ̀ lá Dii dìlɛ Mɔiziɛwa. 33Aa mɔ̀ Mɔiziɛ ń zwãakpɛpio ń a pɔkeleɔ pii, ɔ̃n kɛ: A kũbɔɔ, a lipɛpɛɛɔ, a lipɔ̃ɔɔ, a lipɛlɛɔ, a zɛbɔɔ, 34sãsa báa pɔ wa kɛ̀kɛ tɛ̃ɛɛɔ, ayo báa pɔ wa kuaɔ, zwãa pɔ dɛ suuna ũ, 35ikoyã kpagolo ń a sɛliɔ ń a nɛtaɛo, 36taabũnu ń a pɔkeleɔ pii ń pɛ̃ɛ pɔ wì kalɛ Luaɛo, 37dau pɔ wa pì ń vua tɛ̃ɛtɛ̃ɛo ń a filia pɔ pɛpɛwàɔ, filia nisi, 38tulaleti katɛakĩi, nisi pɔ wì pɔ dilɛò à gɔ̃ Dii pɔ ũ, tulaleti gĩnana, kpɛ́pi lɛ́ zwãa, 39mɔgotɛ̃ sa'okĩi ń a mɔgotɛ̃ mɔyãayãanao ń a sɛliɔ ń a pɔkeleɔ pii, dàa ń a dibɔo, 40kaa zwãaɔ ń a lipɛlɛɔ ń a zɛbɔɔ, kaa lɛ́ zwãa ń a baɔ ń a kũbɔɔ, zwãakpɛ pɔ dɛ kpaaũkpɛ ũ zĩkɛpɔkeleɔ pii, 41zwãakpɛ zĩkɛpɔkasa pɔ wa tã̀ɔ, sa'ona Aalona pɔkasa pɔ àli sɔ̃ò Diiziɔ ń a nɛɔ sa'on pɔkasaɔ.
42Isailiɔ zĩ pɔ Dii dà Mɔiziɛ kɛ̀ pii. 43Ɔ̃ Mɔizi zĩpi gwàgwa, a è aa kɛ̀ lá Dii òɛwa, ɔ̃ à samaa'ònɛ́.
Currently Selected:
Bɔa 39: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 39
39
Sa'onaɔ pɔkasaɔ
(Bɔa 28.1-43)
1Aa pɔkasa pɔ wì zĩkɛò zwãakpɛu tã̀ ń babuunao ń bagaaluladeo ń wɔ̃ɔtɛ̃nao. Aa pɔkasa pɔ Aalona ali sɔ̃ò Diizi zɔ̃̀ɛ̀ lɔ, lá Dii dìlɛ Mɔiziɛwa.
2Aa sa'o'ula zɔ̃̀ ń pɔlɛ pɔ wa tã̀ ń bataɛao ń vuao ń babuunao ń bagaaluladeo ń wɔ̃ɔtɛ̃nao. 3Aa vua gbɛ̃̀gbɛ̃ à gɔ̃̀ fɛlɛfɛlɛnnɔ, ɔ̃ aa pàapaa ba ũ aa gɔ̃inakɛ̀ò baabaawa ń babuunao ń bagaaluladeo ń wɔ̃ɔtɛ̃nao. 4Aa sa'o'ulapi zɔ̃̀ bakangãu ũɛ. 5Aa asana tã̀, kɛ́ wali dɔ sa'o'ulapia ń sa'o'ula pɔlɛ doũpio ń bataɛao ń babuunao ń bagaaluladeo ń wɔ̃ɔtɛ̃nao, lá Dii dìlɛ Mɔiziɛwa. 6Aa Isaili buiɔ tɔ́ kɛ̃̀ onisi gbɛɔwa lá wì wɛ̃sãkɛ̃ nɔamblebɔwa, ɔ̃ aa dàda a kũbɔ pɔ wa kɛ̀ ń vuao guu. 7Aa pɛ̀pɛ sa'o'ulapi ba pɔ wa kà a gãuɔwa Isaili buiɔ yãdɔngugbɛɔ ũ, lá Dii dìlɛ Mɔiziɛwa.
8Aa bɔɔloonnɔɛ zɔ̃̀, aa gɔ̃inakɛ̀wà. Aa tã̀ lá aa sa'o'ula tã̀wa ń pɔlɛ doũ pɔ wà sa'o'ulapi zɔ̃̀òpio ń bataɛao ń vuao ń babuunao ń bagaaluladeo ń wɔ̃ɔtɛ̃nao. 9Bɔ̀ɔpi gbã̀a ń a yaasao sáaɛ ɔtã dodo. 10Aa zãblèwà ń gbɛ̀ bɛɛɛdeɔ dɔɔ siiɔ̃. A dɔɔ sɛ̃ia saadɔani ń topazao ń ɛmɛlodio. 11A dɔɔ plaade tiikɔazi ń safiio ń diamao. 12A dɔɔ aaɔ̃de belili ń agatao ń amɛtisio. 13A dɔɔ siiɔ̃de kisoliti ń onisio ń yasepeo. Aa ń dadà a kũbɔ pɔ aa kɛ̀ ń vuaopiɔ guu. 14Gbɛpiɔ mɛn kuɛplaɛ Isaili buiɔ tɔ́ lɛu. Wà tɔ́piɔ kɛ̃̀ gbɛpiɔwa dodo, lá wì wɛ̃sãkɛ̃ nɔamblebɔwa.
15Aa vua tɛ̃ɛtɛ̃ɛ tã̀ bɔ̀ɔpi pɔ ũ, a tãa dɛ lan balɛɛnawa. 16Aa gbɛkũbɔ tãanaɔ pì ń vuao bɔɔloonnɔɛpi pɔɔ ũ lɔ mɛn plapla, ɔ̃ aa tãanapiɔ dɔ̀dɔ bɔ̀ɔpi swãɔwa musu. 17Aa balɛɛna mɛn plapiɔ dɔ̀dɔ bɔ̀ɔ tãana mɛn plapiɔwa, 18ɔ̃ aa balɛɛnapiɔ lɛ doɔ dɔ̀dɔ gbɛkũbɔ pɔ ku bakangãuwaɔwa. 19Aa vua tãana mɛn pla pãleɔ pì, aa ń dɔdɔ̀ bɔ̀ɔpi swãɔwa zĩlɛ oi, aa nà sa'o'ulapiwa. 20Aa vua tãana pãleɔ pì mɛn pla lɔ, aa ń dɔdɔ̀ sa'o'ulapi aɛ oi a pɛkĩi saɛ zĩlɛ oi asana musu. 21Aa bɔ̀ɔ tãanaɔ ń sa'o'ula tãanapiɔ dɔ̀kɔ̃wa ń babuuna tãao, bɔ̀ɔpi líɔ dɔa sa'o'ulapi asanawa, kɛ́ asuli go sa'o'ulawao yãi, lá Dii dìlɛ Mɔiziɛwa.
22Aa ulatao pɔ wali sa'o'ulapi daò zɔ̃̀ ń zwãa búunao. 23Aa sa'o'ulapi fɔ̃̀ guoguo a nɔ̀ɛ ũ, ɔ̃ aa a nɔ̀ɛpi lɛ́ mibà, kɛ́ asu bɔbɔo yãi. 24Aa gbɛafu bɛ gɔ̃inakɛ̀ ulataopi lɛ́wa aa lìai ń babuunao ń bagaaluladeo ń wɔ̃ɔtɛ̃nao ń bataɛao. 25Aa ãnanaɔ pì ń vua tɛ̃ɛtɛ̃ɛo, aa lòoloo ulataopi lɛ́wa gbɛafu bɛpiɔ zãnguo, 26ãnanan kɛ, gbɛafu bɛn kɛ, ãnanan kɛ, gbɛafu bɛn kɛ. Màa aa ulataopi lɛ́ kɛ̀kɛ aa lìai à pɛ̀ɛ, wili da wàliɔ sa'ozĩkɛò, lá Dii dìlɛ Mɔiziɛwa.
27Aa ulataoɔ zɔ̃̀ ń baabaao Aalona ń a nɛɔnɛ. 28Aa tulu ń fùa gbã̀aɔ zɔ̃̀ ń baabaao lɔ, ɔ̃ aa soologeseɔ zɔ̃̀ ń pɔlɛ pɔ wa tã̀ ń bataɛao. 29Aa asana kɛ̀ ń pɔlɛ pɔ wa tã̀ ń bataɛao, aa gɔ̃inakɛ̀wà ń babuunao ń bagaaluladeo ń wɔ̃ɔtɛ̃naoɛ, lá Dii dìlɛ Mɔiziɛwa. 30Aa mɔpɛpɛɛna pɔ ì Aalona dilɛ Dii pɔ ũ kɛ̀ ń vua tɛ̃ɛtɛ̃ɛo, ɔ̃ aa yãkɛ̃̀wà, lá wì wɛ̃sãkɛ̃ nɔamblebɔwa, aa mɛ̀: Dii pɔɛ a zɛ́i. 31Aa vuapɛpɛɛnapi nà tulupiwa ń babuuna tãao, lá Dii dìlɛ Mɔiziɛwa.
Zwãakpɛ zĩ midɛa
(Bɔa 35.10-19)
32Màa wà zwãakpɛpi zĩkɛ̀ pii, wà a midɛ̀. Isailiɔ kpaaũkpɛpi kɛ̀ lá Dii dìlɛ Mɔiziɛwa. 33Aa mɔ̀ Mɔiziɛ ń zwãakpɛpio ń a pɔkeleɔ pii, ɔ̃n kɛ: A kũbɔɔ, a lipɛpɛɛɔ, a lipɔ̃ɔɔ, a lipɛlɛɔ, a zɛbɔɔ, 34sãsa báa pɔ wa kɛ̀kɛ tɛ̃ɛɛɔ, ayo báa pɔ wa kuaɔ, zwãa pɔ dɛ suuna ũ, 35ikoyã kpagolo ń a sɛliɔ ń a nɛtaɛo, 36taabũnu ń a pɔkeleɔ pii ń pɛ̃ɛ pɔ wì kalɛ Luaɛo, 37dau pɔ wa pì ń vua tɛ̃ɛtɛ̃ɛo ń a filia pɔ pɛpɛwàɔ, filia nisi, 38tulaleti katɛakĩi, nisi pɔ wì pɔ dilɛò à gɔ̃ Dii pɔ ũ, tulaleti gĩnana, kpɛ́pi lɛ́ zwãa, 39mɔgotɛ̃ sa'okĩi ń a mɔgotɛ̃ mɔyãayãanao ń a sɛliɔ ń a pɔkeleɔ pii, dàa ń a dibɔo, 40kaa zwãaɔ ń a lipɛlɛɔ ń a zɛbɔɔ, kaa lɛ́ zwãa ń a baɔ ń a kũbɔɔ, zwãakpɛ pɔ dɛ kpaaũkpɛ ũ zĩkɛpɔkeleɔ pii, 41zwãakpɛ zĩkɛpɔkasa pɔ wa tã̀ɔ, sa'ona Aalona pɔkasa pɔ àli sɔ̃ò Diiziɔ ń a nɛɔ sa'on pɔkasaɔ.
42Isailiɔ zĩ pɔ Dii dà Mɔiziɛ kɛ̀ pii. 43Ɔ̃ Mɔizi zĩpi gwàgwa, a è aa kɛ̀ lá Dii òɛwa, ɔ̃ à samaa'ònɛ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.