Bɔa 38
38
Sa'okĩi kɛa
(Bɔa 27.1-8)
1Aa lɛpusia lí ã̀ sa pɔ wì a pɔ katɛu à tɛkũ okĩi kɛbɔ ũ. A gbã̀a gãsĩsuu sɔo, a yaasa lɔ gãsĩsuu sɔo. A gbã̀a ń a yaasao sáaɛ, a lɛsĩ sɔ̃, gãsĩsuu aaɔ̃. 2Aa pì ń kɔbaɔ mɛn siiɔ̃ gɔ̃̀ɔɛ gola ń golao, ɔ̃ aa mɔgotɛ̃ kùlɛ sa'okĩipiwa. 3Aa a pɔkeleɔ pì ń mɔgotɛ̃oɛ, a ooɔ ń a pɛɛluɔ ń a au'ɛlɛbɔɔ ń a sàáɔ ń a tɛsibɔɔ pii. 4Aa mɔyãayãana pì ń mɔgotɛ̃o aa sɔ̀lɔ sa'okĩipi ziɛ, aa fɛ̀lɛò musu e sa'okĩipi guo. 5Aa mɔgotɛ̃ zã pì mɛn siiɔ̃, aa dɔ̀dɔ mɔyãayãanapi golaɔwa a sɛliɔ pɔ ũ. 6Lɛpusia lí ɔ̃ aa ã̀ a sɛlipiɔ ũ, aa kpà ń mɔgotɛ̃o. 7Aa a sɛlipiɔ sɔ̀lɔsɔlɔ zãpiɔu sa'okĩipi kpɛla ń a kpɛleo a sɛbɔ ũ. Aa sa'okĩipi kɛ̀ ń lipɛpɛɛɔ, mɛ́ a ɛ vĩ zòoloo.
8Aa dàa ń a dibɔo pì ń mɔgotɛ̃o. Aa pì ń nɔɛ pɔ aaì zĩkɛ kpaaũkpɛ kpɛɛlɛɔ díiɔɛ.
Zwãakpɛ kaadaa
(Bɔa 27.9-19)
9Ɔ̃ aa kaadà. Gɛɔmidɔkĩi oi a gbã̀a gãsĩsuu basɔo. A zwãa pɔ wa tã̀ ń bataɛao vĩ 10ń lipɛlɛɔ mɛn bao ń mɔgotɛ̃ zɛbɔɔ mɛn bao. Aa lipɛlɛ mɔkoolonaɔ ń a mɔpɔ̃ɔɔ pì ń ãnusuoɛ. 11Gugbãntoo oi a gbã̀a gãsĩsuu basɔo màa lɔ. A lipɛlɛɔ vĩ mɛn bao ń mɔgotɛ̃ zɛbɔɔ mɛn bao. Aa lipɛlɛ mɔkoolonaɔ ń a mɔpɔ̃ɔɔ pì ń ãnusuoɛ. 12Naa bɛ'aɛ oi a yaasa gãsĩsuu blakwi, mɛ́ a lipɛlɛɔ vĩ mɛn kwi ń a zɛbɔɔ mɛn kwi. Aa lipɛlɛ mɔkoolonaɔ ń a mɔpɔ̃ɔɔ pì ń ãnusuoɛ. 13Naa gukpɛ oi a yaasa gãsĩsuu blakwiɛ. 14Zwãa gãsĩsuu gɛ̃o ku kaa lɛ́ ɔplaai ń a lipɛlɛɔ mɛn aaɔ̃ ń a zɛbɔɔ mɛn aaɔ̃. 15Zwãa gãsĩsuu gɛ̃o ku kaa lɛ́ ɔzɛɛi lɔ ń a lipɛlɛɔ mɛn aaɔ̃ ń a zɛbɔɔ mɛn aaɔ̃. 16Kaapi zwãaá pɔlɛ pɔ wa tã̀ ń bataɛaoɛ. 17Lipɛlɛ zɛbɔɔá mɔgotɛ̃ɛ, mɛ́ lipɛlɛ mɔkoolonaɔ ń a mɔpɔ̃ɔɔá ãnusuɛ. Aa lípiɔ ń a lipãaɔ kpà ń ãnusuo pii. 18Kaapi lɛ́ zwãa gbã̀a gãsĩsuu baoɛ, a lɛsĩ gãsĩsuu sɔo lan kaa zwãawa. Aa kɛ̀ ń pɔlɛ pɔ wa tã̀ ń bataɛaoɛ, aa gɔ̃inakɛ̀wà ń babuunao ń bagaaluladeo ń wɔ̃ɔtɛ̃nao. 19Kaa lɛ́pi lipɛlɛɔ vĩ mɛn siiɔ̃ ń mɔgotɛ̃ zɛbɔɔ mɛn siiɔ̃. Lipɛlɛpiɔ mɔkoolonaɔá ãnusuɛ, mɛ́ wà lípiɔ ń a lipãaɔ kpà ń ãnusuo pii. 20Zwãakpɛ kũbɔɔ ń kaa pɔ lìai kũbɔɔá mɔgotɛ̃ɛ pii.
Mɔ pɔ wà zwãakpɛ zĩkɛ̀ò
21Mɔ pɔ wà ikoyã zwãakpɛ kɛ̀ò gbia lɛ́n kɛ: Mɔizi ò sa'onkia Aalona nɛ Itamaaɛ aà o Levi buiɔnɛ, ɔ̃ aa mɔpiɔ yɔ̃̀ kilowa. 22Yuda bui Uli nɛ Bezalɛli, Hulu tɔũna yã pɔ Dii dìlɛ Mɔiziɛ kɛ̀ pii. 23Dã bui Aisama nɛ Ɔɔliabu kuaanɔ. Aapi sɔ̃, ɔzĩkɛnaɛ, mɛ́ ì gɔ̃inakɛ pɔɔwa lɔ, mɛ́ ì kɔɔkɛ̃ baabaawa ń babuunao ń bagaaluladeo ń wɔ̃ɔtɛ̃nao. 24Vua pɔ wà mɔ̀ò Diiɛ wà luakukĩi zĩkɛ̀ò gbia kà tɔnu do, lá wà a gbia lɛ́ dìlɛ luakukĩiwa. 25Ãnusu pɔ wa kpà naokɛgɔɔ gbia kà tɔnu aaɔ̃ ń kĩnio, lá wà a gbia lɛ́ dìlɛ luakukĩiwa. 26Wà ãnusu sì baade miwa bɛka dodo. Bɛka do galaũ sooloɛ, lá wà a gbia lɛ́ dìlɛ luakukĩiwa. Gɔɔ pɔ wà ń naokɛ̀ wà ɔ̃api sì gbɛ̃́ pɔ kà wɛ̃̀ bao ge aa dɛaɔwa. Aa gbɛ̃ɔn ɔaasɔsɔo lɛɛ ɔaa aaɔ̃ ń ɔaa gɛ̃o ń plao ń basoplakwioɛ (603 550). 27Ãnusu pɔ wà luakukĩi ń a suunao zɛbɔɔ pìò gbia kà tɔnu aaɔ̃. Zɛbɔpi mɛn basɔoɔ gbia tɔnu aaɔ̃ɛ. A mɛndo gbia kà kilo baakwi. 28Ãnusu tɔnu kĩni pɔ gɔ̃̀ ɔ̃ wà lipɛlɛ kũbɔɔ kɛ̀ò ń mɔpɔ̃ɔɔ, ɔ̃ wà fùa kùò lípiɔwa lɔ.
29Mɔgotɛ̃ pɔ wà mɔ̀ò Diiɛ gbia kà tɔnu pla ń kĩnio. 30Mɔgotɛ̃pi ɔ̃ wà kpaaũkpɛ kpɛɛlɛ zɛbɔɔ pìò ń sa'okĩio ń a mɔyãayãanao ń sa'okĩipi pɔkeleɔ pii 31ń kaa pɔ liai lipɛlɛ zɛbɔɔ ń kaa lɛ́ lipɛlɛ zɛbɔɔ ń zwãakpɛ kũbɔɔ pii ń kaa pɔ liai kũbɔɔ pii.
Currently Selected:
Bɔa 38: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 38
38
Sa'okĩi kɛa
(Bɔa 27.1-8)
1Aa lɛpusia lí ã̀ sa pɔ wì a pɔ katɛu à tɛkũ okĩi kɛbɔ ũ. A gbã̀a gãsĩsuu sɔo, a yaasa lɔ gãsĩsuu sɔo. A gbã̀a ń a yaasao sáaɛ, a lɛsĩ sɔ̃, gãsĩsuu aaɔ̃. 2Aa pì ń kɔbaɔ mɛn siiɔ̃ gɔ̃̀ɔɛ gola ń golao, ɔ̃ aa mɔgotɛ̃ kùlɛ sa'okĩipiwa. 3Aa a pɔkeleɔ pì ń mɔgotɛ̃oɛ, a ooɔ ń a pɛɛluɔ ń a au'ɛlɛbɔɔ ń a sàáɔ ń a tɛsibɔɔ pii. 4Aa mɔyãayãana pì ń mɔgotɛ̃o aa sɔ̀lɔ sa'okĩipi ziɛ, aa fɛ̀lɛò musu e sa'okĩipi guo. 5Aa mɔgotɛ̃ zã pì mɛn siiɔ̃, aa dɔ̀dɔ mɔyãayãanapi golaɔwa a sɛliɔ pɔ ũ. 6Lɛpusia lí ɔ̃ aa ã̀ a sɛlipiɔ ũ, aa kpà ń mɔgotɛ̃o. 7Aa a sɛlipiɔ sɔ̀lɔsɔlɔ zãpiɔu sa'okĩipi kpɛla ń a kpɛleo a sɛbɔ ũ. Aa sa'okĩipi kɛ̀ ń lipɛpɛɛɔ, mɛ́ a ɛ vĩ zòoloo.
8Aa dàa ń a dibɔo pì ń mɔgotɛ̃o. Aa pì ń nɔɛ pɔ aaì zĩkɛ kpaaũkpɛ kpɛɛlɛɔ díiɔɛ.
Zwãakpɛ kaadaa
(Bɔa 27.9-19)
9Ɔ̃ aa kaadà. Gɛɔmidɔkĩi oi a gbã̀a gãsĩsuu basɔo. A zwãa pɔ wa tã̀ ń bataɛao vĩ 10ń lipɛlɛɔ mɛn bao ń mɔgotɛ̃ zɛbɔɔ mɛn bao. Aa lipɛlɛ mɔkoolonaɔ ń a mɔpɔ̃ɔɔ pì ń ãnusuoɛ. 11Gugbãntoo oi a gbã̀a gãsĩsuu basɔo màa lɔ. A lipɛlɛɔ vĩ mɛn bao ń mɔgotɛ̃ zɛbɔɔ mɛn bao. Aa lipɛlɛ mɔkoolonaɔ ń a mɔpɔ̃ɔɔ pì ń ãnusuoɛ. 12Naa bɛ'aɛ oi a yaasa gãsĩsuu blakwi, mɛ́ a lipɛlɛɔ vĩ mɛn kwi ń a zɛbɔɔ mɛn kwi. Aa lipɛlɛ mɔkoolonaɔ ń a mɔpɔ̃ɔɔ pì ń ãnusuoɛ. 13Naa gukpɛ oi a yaasa gãsĩsuu blakwiɛ. 14Zwãa gãsĩsuu gɛ̃o ku kaa lɛ́ ɔplaai ń a lipɛlɛɔ mɛn aaɔ̃ ń a zɛbɔɔ mɛn aaɔ̃. 15Zwãa gãsĩsuu gɛ̃o ku kaa lɛ́ ɔzɛɛi lɔ ń a lipɛlɛɔ mɛn aaɔ̃ ń a zɛbɔɔ mɛn aaɔ̃. 16Kaapi zwãaá pɔlɛ pɔ wa tã̀ ń bataɛaoɛ. 17Lipɛlɛ zɛbɔɔá mɔgotɛ̃ɛ, mɛ́ lipɛlɛ mɔkoolonaɔ ń a mɔpɔ̃ɔɔá ãnusuɛ. Aa lípiɔ ń a lipãaɔ kpà ń ãnusuo pii. 18Kaapi lɛ́ zwãa gbã̀a gãsĩsuu baoɛ, a lɛsĩ gãsĩsuu sɔo lan kaa zwãawa. Aa kɛ̀ ń pɔlɛ pɔ wa tã̀ ń bataɛaoɛ, aa gɔ̃inakɛ̀wà ń babuunao ń bagaaluladeo ń wɔ̃ɔtɛ̃nao. 19Kaa lɛ́pi lipɛlɛɔ vĩ mɛn siiɔ̃ ń mɔgotɛ̃ zɛbɔɔ mɛn siiɔ̃. Lipɛlɛpiɔ mɔkoolonaɔá ãnusuɛ, mɛ́ wà lípiɔ ń a lipãaɔ kpà ń ãnusuo pii. 20Zwãakpɛ kũbɔɔ ń kaa pɔ lìai kũbɔɔá mɔgotɛ̃ɛ pii.
Mɔ pɔ wà zwãakpɛ zĩkɛ̀ò
21Mɔ pɔ wà ikoyã zwãakpɛ kɛ̀ò gbia lɛ́n kɛ: Mɔizi ò sa'onkia Aalona nɛ Itamaaɛ aà o Levi buiɔnɛ, ɔ̃ aa mɔpiɔ yɔ̃̀ kilowa. 22Yuda bui Uli nɛ Bezalɛli, Hulu tɔũna yã pɔ Dii dìlɛ Mɔiziɛ kɛ̀ pii. 23Dã bui Aisama nɛ Ɔɔliabu kuaanɔ. Aapi sɔ̃, ɔzĩkɛnaɛ, mɛ́ ì gɔ̃inakɛ pɔɔwa lɔ, mɛ́ ì kɔɔkɛ̃ baabaawa ń babuunao ń bagaaluladeo ń wɔ̃ɔtɛ̃nao. 24Vua pɔ wà mɔ̀ò Diiɛ wà luakukĩi zĩkɛ̀ò gbia kà tɔnu do, lá wà a gbia lɛ́ dìlɛ luakukĩiwa. 25Ãnusu pɔ wa kpà naokɛgɔɔ gbia kà tɔnu aaɔ̃ ń kĩnio, lá wà a gbia lɛ́ dìlɛ luakukĩiwa. 26Wà ãnusu sì baade miwa bɛka dodo. Bɛka do galaũ sooloɛ, lá wà a gbia lɛ́ dìlɛ luakukĩiwa. Gɔɔ pɔ wà ń naokɛ̀ wà ɔ̃api sì gbɛ̃́ pɔ kà wɛ̃̀ bao ge aa dɛaɔwa. Aa gbɛ̃ɔn ɔaasɔsɔo lɛɛ ɔaa aaɔ̃ ń ɔaa gɛ̃o ń plao ń basoplakwioɛ (603 550). 27Ãnusu pɔ wà luakukĩi ń a suunao zɛbɔɔ pìò gbia kà tɔnu aaɔ̃. Zɛbɔpi mɛn basɔoɔ gbia tɔnu aaɔ̃ɛ. A mɛndo gbia kà kilo baakwi. 28Ãnusu tɔnu kĩni pɔ gɔ̃̀ ɔ̃ wà lipɛlɛ kũbɔɔ kɛ̀ò ń mɔpɔ̃ɔɔ, ɔ̃ wà fùa kùò lípiɔwa lɔ.
29Mɔgotɛ̃ pɔ wà mɔ̀ò Diiɛ gbia kà tɔnu pla ń kĩnio. 30Mɔgotɛ̃pi ɔ̃ wà kpaaũkpɛ kpɛɛlɛ zɛbɔɔ pìò ń sa'okĩio ń a mɔyãayãanao ń sa'okĩipi pɔkeleɔ pii 31ń kaa pɔ liai lipɛlɛ zɛbɔɔ ń kaa lɛ́ lipɛlɛ zɛbɔɔ ń zwãakpɛ kũbɔɔ pii ń kaa pɔ liai kũbɔɔ pii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.