Bɔa 35
35
Gbadaa zwãakpɛdɔa yãmusu
(Bɔa 25.1-9, 39.32-43)
1Mɔizi Isailiɔ kã̀aa pii, a ònɛ́: Yã pɔ Dii dìlɛ àɔ kɛn kɛ: 2Àli zĩkɛ gɔɔ soolo, a gɔɔ soplade iɔ dɛɛ́ Dii pɔ ũ a zɛ́i. Kãmabogɔɔɛ. Gbɛ̃́ pɔ zĩkɛ̀ zĩbeezĩ à gàɛ. 3Baa tɛ́ ásuli ká á bɛ kãmabogɔɔzĩo.
4Mɔizi ò Isailiɔnɛ pii à mɛ̀: Yã pɔ Dii dìlɛn kɛ: 5À gbada Diiɛ ń pɔ pɔ á vĩo. Lá à gbɛ̃́ pɔ gbà, aà da Diiɛ màa, vua ge ãnusu ge mɔgotɛ̃ 6ge babuuna ge bagaalulade ge wɔ̃ɔtɛ̃na ge zwãa ge blekã 7ge sãsa báa pɔ wa kɛ̀kɛ tɛ̃ɛɛ ge ayo báa totoa ge lɛpusia lí 8ge filia nisi ge pɔ gĩnana pɔ wì nisi pɔ wì pɔ dilɛò à gɔ̃ Dii pɔ ũ ń tulaletio kɛòɔ 9ge onisi ge gbɛ̀ bɛɛɛde pɔ wa zĩkɛò sa'o'ula ń aà bɔɔloonnɔɛowaɔ.
10Á gbɛ̃́ pɔ gɔ̃i vĩ pii aà mɔ zĩ pɔ Dii dìlɛ kɛ. 11Zwãakpɛ ń a báao ń a zwãa pɔ wa kuao, a mɔkoolonaɔ, a lipɛpɛɛɔ, a lipɔ̃ɔɔ, a lipɛlɛɔ, lipɛlɛpi zɛbɔɔ, 12kpagolo ń a lipɔ̃ɔɔ ń a nɛtaɛo ń a zwãa pɔ wa kpaio, 13taabũnu ń a lipɔ̃ɔɔ ń a taɔ ń a pɛ̃ɛ pɔ wa kpa Diiwaɔ, 14dau ń a pɔkeleɔ ń a filiaɔ ń a nisio, 15tulaleti katɛakĩi ń a lipɔ̃ɔɔ, nisi pɔ wì pɔ dilɛò à gɔ̃ Dii pɔ ũ, tulaleti, zwãakpɛ kpɛɛlɛ zwãa, 16sa pɔ wì a pɔ katɛu à tɛkũ okĩi ń a mɔyãayãana pɔ wa pi ń mɔgotɛ̃o ń a lipɔ̃ɔɔ ń a pɔkeleɔ, mɔgotɛ̃ dàa ń a dibɔo, 17kaa zwãaɔ ń a lipɛlɛɔ ń lipɛlɛpi zɛbɔɔ, kaa lɛ́ zwãa, 18zwãakpɛ kũbɔɔ, kaa kũbɔɔ ń a baɔ, 19pɔkasa pɔ wa tã̀ wali da wà zwãakpɛpi zĩkɛòɔ, pɔkasa pɔ sa'ona Aalona ali sɔ̃ò Diiziɔ ń pɔ pɔ aà nɛɔ lí da aaɔ Dii gbagbaòɔ.
20Isailiɔ gò Mɔizi kĩi mpii, 21ɔ̃ gbɛ̃́ pɔ à ń pɔ gbà, aa yãpi sɛ̀ ń nɔsɛmɛndooɔ gbadà Diiɛ ń kpaaũkpɛ pɔɔ ń a zĩkɛbɔɔ ń sa'onaɔ pɔkasaɔ. 22Gbɛ̃́ pɔ yeiɔ, gɔ̃ɛɔ ń nɔɛɔ pii, aa mɔ̀ ń yabaaɔ ń swãliɔ ń tãanaɔ ń zãɔ ń nɔamblebɔ pɔ wa pì ń vuaoɔ pii. An pii aa ń vuaɔ kpà Diiwaɛ. 23Gbɛ̃́ pɔ aa babuuna ń bagaaluladeo ń wɔ̃ɔtɛ̃nao vĩ ge baabaa ge blekã ge sãsa báa pɔ wa kɛ̀kɛ tɛ̃ɛɛɔ ge ayo báaɔ pii, aa mɔ̀ò. 24Gbɛ̃́ pɔ aalɛ gbada Diiɛ ń ãnusuo ń mɔgotɛ̃oɔ mɔ̀ò lɔ. Gbɛ̃́ pɔ aa lɛpusia lí vĩ wà zĩkɛbɔɔ kɛòɔ mɔ̀ò lɔ. 25Nɔɛ pɔ aa pɔtãa gɔ̃i vĩɔ mɔ̀ ń babuunaɔ ń bagaaluladeɔ ń wɔ̃ɔtɛ̃naɔ ń baabaao. 26Nɔɛ pɔ à ń pɔ gbà mɛ́ aa gɔ̃i vĩɔ blekã tã̀. 27Gbɛ̃zɔ̃ɔɔ mɔ̀ ń osoɔ ń gbɛ̀ bɛɛɛdeɔ, kɛ́ wà zĩkɛò sa'o'ula ń aà bɔɔloonnɔɛowa. 28Aa mɔ̀ lɔ ń filia nisio ń nisi pɔ wì pɔ dilɛò à gɔ̃ Dii pɔ ũ pɔ gĩnanaɔ ń tulaleti pɔɔ. 29Isaili pɔ aa yãpi sɛ̀ ń nɔsɛmɛndooɔ mɔ̀ ń zĩ pɔ Dii dà Mɔiziɛpi pɔɔ, aa Dii gbà.
Bezalɛli ń Ɔɔliabuo
(Bɔa 31.1-11)
30Ɔ̃ Mɔizi ò Isailiɔnɛ: Dii Uli nɛ Bezalɛli, Hulu tɔũna Yuda bui sɛ̀, 31a tò a Nisĩna dìɛ̀, ɔ̃ à ɔ̃nɔ ń gɔ̃io ń dɔ̃ao vĩ ɔzĩ pii yãmusu. 32A vua zĩ dɔ̃ ń ãnusu zĩo ń mɔgotɛ̃ zĩo ń gɔ̃inakɛa pɔwao 33ń gbɛ̀ bɛɛɛde ãao ń a daa pɔuo ń li'ãao, ɔzĩ pii lé. 34Dii aà gbà zɛ́ lɔ aà ɔzĩpiɔ danɛ́. À Aisama nɛ Ɔɔliabu, Dã bui gbà zɛ́ màa lɔ. 35A tò ɔ̃nɔ pànɛ́ aa ɔzĩ pii kɛ ń gɔ̃inakɛawao ń zwãatãao ń kɔɔkɛ̃a zwãawao ń babuunao ń bagaaluladeo ń wɔ̃ɔtɛ̃nao. Aa ɔzĩ bee taaɔ kɛa dɔ̃ piiɛ ń a gɔ̃inakɛaɔ.
Currently Selected:
Bɔa 35: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 35
35
Gbadaa zwãakpɛdɔa yãmusu
(Bɔa 25.1-9, 39.32-43)
1Mɔizi Isailiɔ kã̀aa pii, a ònɛ́: Yã pɔ Dii dìlɛ àɔ kɛn kɛ: 2Àli zĩkɛ gɔɔ soolo, a gɔɔ soplade iɔ dɛɛ́ Dii pɔ ũ a zɛ́i. Kãmabogɔɔɛ. Gbɛ̃́ pɔ zĩkɛ̀ zĩbeezĩ à gàɛ. 3Baa tɛ́ ásuli ká á bɛ kãmabogɔɔzĩo.
4Mɔizi ò Isailiɔnɛ pii à mɛ̀: Yã pɔ Dii dìlɛn kɛ: 5À gbada Diiɛ ń pɔ pɔ á vĩo. Lá à gbɛ̃́ pɔ gbà, aà da Diiɛ màa, vua ge ãnusu ge mɔgotɛ̃ 6ge babuuna ge bagaalulade ge wɔ̃ɔtɛ̃na ge zwãa ge blekã 7ge sãsa báa pɔ wa kɛ̀kɛ tɛ̃ɛɛ ge ayo báa totoa ge lɛpusia lí 8ge filia nisi ge pɔ gĩnana pɔ wì nisi pɔ wì pɔ dilɛò à gɔ̃ Dii pɔ ũ ń tulaletio kɛòɔ 9ge onisi ge gbɛ̀ bɛɛɛde pɔ wa zĩkɛò sa'o'ula ń aà bɔɔloonnɔɛowaɔ.
10Á gbɛ̃́ pɔ gɔ̃i vĩ pii aà mɔ zĩ pɔ Dii dìlɛ kɛ. 11Zwãakpɛ ń a báao ń a zwãa pɔ wa kuao, a mɔkoolonaɔ, a lipɛpɛɛɔ, a lipɔ̃ɔɔ, a lipɛlɛɔ, lipɛlɛpi zɛbɔɔ, 12kpagolo ń a lipɔ̃ɔɔ ń a nɛtaɛo ń a zwãa pɔ wa kpaio, 13taabũnu ń a lipɔ̃ɔɔ ń a taɔ ń a pɛ̃ɛ pɔ wa kpa Diiwaɔ, 14dau ń a pɔkeleɔ ń a filiaɔ ń a nisio, 15tulaleti katɛakĩi ń a lipɔ̃ɔɔ, nisi pɔ wì pɔ dilɛò à gɔ̃ Dii pɔ ũ, tulaleti, zwãakpɛ kpɛɛlɛ zwãa, 16sa pɔ wì a pɔ katɛu à tɛkũ okĩi ń a mɔyãayãana pɔ wa pi ń mɔgotɛ̃o ń a lipɔ̃ɔɔ ń a pɔkeleɔ, mɔgotɛ̃ dàa ń a dibɔo, 17kaa zwãaɔ ń a lipɛlɛɔ ń lipɛlɛpi zɛbɔɔ, kaa lɛ́ zwãa, 18zwãakpɛ kũbɔɔ, kaa kũbɔɔ ń a baɔ, 19pɔkasa pɔ wa tã̀ wali da wà zwãakpɛpi zĩkɛòɔ, pɔkasa pɔ sa'ona Aalona ali sɔ̃ò Diiziɔ ń pɔ pɔ aà nɛɔ lí da aaɔ Dii gbagbaòɔ.
20Isailiɔ gò Mɔizi kĩi mpii, 21ɔ̃ gbɛ̃́ pɔ à ń pɔ gbà, aa yãpi sɛ̀ ń nɔsɛmɛndooɔ gbadà Diiɛ ń kpaaũkpɛ pɔɔ ń a zĩkɛbɔɔ ń sa'onaɔ pɔkasaɔ. 22Gbɛ̃́ pɔ yeiɔ, gɔ̃ɛɔ ń nɔɛɔ pii, aa mɔ̀ ń yabaaɔ ń swãliɔ ń tãanaɔ ń zãɔ ń nɔamblebɔ pɔ wa pì ń vuaoɔ pii. An pii aa ń vuaɔ kpà Diiwaɛ. 23Gbɛ̃́ pɔ aa babuuna ń bagaaluladeo ń wɔ̃ɔtɛ̃nao vĩ ge baabaa ge blekã ge sãsa báa pɔ wa kɛ̀kɛ tɛ̃ɛɛɔ ge ayo báaɔ pii, aa mɔ̀ò. 24Gbɛ̃́ pɔ aalɛ gbada Diiɛ ń ãnusuo ń mɔgotɛ̃oɔ mɔ̀ò lɔ. Gbɛ̃́ pɔ aa lɛpusia lí vĩ wà zĩkɛbɔɔ kɛòɔ mɔ̀ò lɔ. 25Nɔɛ pɔ aa pɔtãa gɔ̃i vĩɔ mɔ̀ ń babuunaɔ ń bagaaluladeɔ ń wɔ̃ɔtɛ̃naɔ ń baabaao. 26Nɔɛ pɔ à ń pɔ gbà mɛ́ aa gɔ̃i vĩɔ blekã tã̀. 27Gbɛ̃zɔ̃ɔɔ mɔ̀ ń osoɔ ń gbɛ̀ bɛɛɛdeɔ, kɛ́ wà zĩkɛò sa'o'ula ń aà bɔɔloonnɔɛowa. 28Aa mɔ̀ lɔ ń filia nisio ń nisi pɔ wì pɔ dilɛò à gɔ̃ Dii pɔ ũ pɔ gĩnanaɔ ń tulaleti pɔɔ. 29Isaili pɔ aa yãpi sɛ̀ ń nɔsɛmɛndooɔ mɔ̀ ń zĩ pɔ Dii dà Mɔiziɛpi pɔɔ, aa Dii gbà.
Bezalɛli ń Ɔɔliabuo
(Bɔa 31.1-11)
30Ɔ̃ Mɔizi ò Isailiɔnɛ: Dii Uli nɛ Bezalɛli, Hulu tɔũna Yuda bui sɛ̀, 31a tò a Nisĩna dìɛ̀, ɔ̃ à ɔ̃nɔ ń gɔ̃io ń dɔ̃ao vĩ ɔzĩ pii yãmusu. 32A vua zĩ dɔ̃ ń ãnusu zĩo ń mɔgotɛ̃ zĩo ń gɔ̃inakɛa pɔwao 33ń gbɛ̀ bɛɛɛde ãao ń a daa pɔuo ń li'ãao, ɔzĩ pii lé. 34Dii aà gbà zɛ́ lɔ aà ɔzĩpiɔ danɛ́. À Aisama nɛ Ɔɔliabu, Dã bui gbà zɛ́ màa lɔ. 35A tò ɔ̃nɔ pànɛ́ aa ɔzĩ pii kɛ ń gɔ̃inakɛawao ń zwãatãao ń kɔɔkɛ̃a zwãawao ń babuunao ń bagaaluladeo ń wɔ̃ɔtɛ̃nao. Aa ɔzĩ bee taaɔ kɛa dɔ̃ piiɛ ń a gɔ̃inakɛaɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.