Bɔa 34
34
Gbɛpɛpɛɛ dafuɔ
(Iko 10.1-5)
1Dii òɛ̀: Gbɛpɛpɛɛ kɛ mɛn pla lá a káauɔwa, mí yã pɔ ku a káau pɔ ń wìwiwaɔ kɛ̃má. 2Sɔukɛ kɔɔkɔɔ, ní dɛdɛ Sinai gbɛwa, ní mɔ ǹ zɛ ma aɛ a musu. 3Gbɛ̃e su mɔnnɔo. Wasu gbɛ̃e e guei gbɛpiwa seo. Baa sã ge zu su mɔ pɔblei a saɛo. 4Mɔizi gbɛpɛpɛɛ ã̀ mɛn pla lá a káauɔwa. À fɛ̀lɛ kɔɔkɔɔ, ɔ̃ à dɛ̀dɛ Sinai gbɛpiwa, a gbɛpɛpɛɛ mɛn plapiɔ kũa lá Dii òɛwa. 5Dii pìla tɛlu guu, à zɛ̀ aà saɛ, àlɛ azĩa tɔ́ o. 6Kɛ́ Dii lɛ́ gɛ̃ aà aɛ, à a tɔ́ ò à mɛ̀: Dii, Dii Lua Wɛ̃nadɔ̃nɛde Suuuden ma ũ. Ma pɔ lí pa kpaao, má gbɛ̃kɛ ń naaio vĩ zɔ̃ɔ. 7Máɔ gbɛ̃kɛ vĩ ń gbɛ̃́ɔ e an bui lɛ́waɛ, mí ń yãvãiɔ kɛ̃má ń ń tàaeɔ ń ń duunao. Ãma mili to taaede bɔ pão. Mi maeɔ yãvãi wi ń nɛɔ musu ń ń tɔũnaɔ ń ń sĩwɛnaɔ ń ń sɔ̃kpaɛɔɛ.#Bɔa 20.5-6; Nao 14.18 8Mɔizi kùlɛɛ̀, à wùlɛ a gbɛɛu gɔ̃̀ɔ 9à mɛ̀: Dii, lá n ma wɛgwà, gɛ́wanɔ. Baa kɛ́ gbɛ̃́piɔ swã gbãa, suuukɛwanɔ wá yãvãiɔ ń wá duunaɔ yãmusu, ní wá sɛ́ n gbɛ̃́ɔ ũ.
Lua bàa kua ń Isailiɔ
(Bɔa 23.14-19; Iko 7.1-5, 16.1-17)
10Dii mɛ̀: Ma bàa aɔ kuánɔɛ. Má yãbɔnsaɛ pɔ gbɛ̃e i kɛ buie guu dũniau yãao kɛ á baade pii wáa. Bui pɔ liaaáziɔ i ma yãkɛa e, asa má yã pɔ a to vĩa ń kṹ kɛ á yãmusu. 11Àɔ yã pɔ má òɛ́ gbã kũa, mí Amɔleɔ yaɛ́ ń Kanaaɔ ń Hitiɔ ń Pɛliziɔ ń Hiviɔ ń Yebusiɔ. 12À laaika! Á lɛ́ su àɔ ku busu pɔ álɛ gɛ́ gɛ̃ui deɔ yãuo, kɛ́ ásu mɔkpa ázĩaɛo yãi. 13À ń sa'okĩiɔ gboo, í ń gbɛ pɔ aa pɛ̀lɛɔ wiwi, í Asetaati lí pɔ aa pɛ̀lɛɔ zɔ̃zɔ̃. 14Ásuli kulɛ dii pãleɛo, asa ma Dii ma tɔ́n Sisaao, mili sí sàao. 15À laaika! Á lɛ́ su líɔ ku busupideɔ yãuo, asa tó aalɛ gbãsĩkɛ ń ń tãaɔ, aalɛ sa'omá, aa á sisi à ń sa'onɔɔ sońnɔɛ. 16Ásuli nɔsɛ á nɛɔnɛ ń guuo, asa tó an nɛnɔɛɔ lɛ́ gbãsĩkɛ ń tãaɔ yãmusu, aa tó á nɛɔ gbãsĩkɛńnɔ sɔ̃ɛ. 17Ásuli mɔkasa tãa ũo.
18Àli Kaaso dikpɛkɛ. Àli kaaso e gɔɔ sopla mɔ pɔ wì mɛ Abibu guu, lá má dìlɛɛ́wa, asa mɔpiu ɔ̃ a bɔlɛ Egipi. 19Á nɛgɔ̃ɛ sɛ̃iaɔá ma pɔɔnɛ pii ń á pɔtuo nɛsana sɛ̃iaɔ pii, zu ge pɔkelenaɔ. 20Àli zaa'ĩn nɛ sɛ̃ia bo ń são. Tó i boo, à a waa fĩ à dɛ. Àli á nɛgɔ̃ɛ sɛ̃iaɔ bo. Gbɛ̃e suli mɔ́ ma kĩi ɔgiio. 21Àli zĩkɛ gɔɔ soolo, íli kãmabo a gɔɔ sopladezĩ, baa kpasekɛ̃gɔɔ ge pɔkɛkɛgɔɔn nò.
22Àli Pãteko dikpɛkɛ gɔɔ pɔ a na buapɔkaauɔ kɛkɛawa. Àli Pɔkãaa dikpɛkɛ wɛ̃̀ laaawa. 23Gɔ̃ɛ pii lí mɔ́ ma Dii á Isailiɔ Lua kĩi wɛ̃̀ do guu gɛ̃n aaɔ̃. 24Má buipãleɔ yaɛ́, mí á busu zɔ̃lɛ kãfĩɛ́. Gbɛ̃e a wɛɛlɛ à á busu siwá gɔɔ pɔ álɛ mɔ́ ma Dii á Lua kĩi wɛ̃̀ do guu gɛ̃n aaɔ̃o. 25Ásuli pɔsɛa kpaa sãnu ń sa'obɔ auoo. Ásuli Gɛ̃amusu sa'onɔɔ dilɛ gu dɔwào. 26Àli mɔ́ ma Dii á Lua kpɛ́u ń á buapɔkaauɔ. Ásuli blenɛ nɔ̀ɔ kuu ń a da yɔ̃'ioo.
27Ɔ̃ Dii ò Mɔiziɛ: Yãpiɔ kɛ̃́ láu, asa ma baakuannɔ ń Isailiɔ yãɔn we. 28Mɔizi ku ń Diio we e gɔɔ bla fãanɛ ń gwãasĩnao pɔblesai imisai. Ɔ̃ Dii a baakuańnɔyã mɛn kwiɔ kɛ̃̀ gbɛpɛpɛɛɔwa.
Mɔizi oa tɛkɛa
29Mɔizi pìla Sinai gbɛwa, a gbɛpɛpɛɛ mɛn pla pɔ ikoyã kɛ̃awàɔ kũa. A dɔ̃ kɛ́ a oa lɛ́ tɛkɛ a yã'oa ń Diio yãio. 30Kɛ́ Aalona ń Isailiɔ aa aà è mpii, aà oa lɛ́ tɛkɛ, aa vĩakɛ̀ sɔ̃aaaziɛ. 31Ɔ̃ Mɔizi ń sisì. Aalona ń gbɛ̃zɔ̃ɔɔ ɛ̀a mɔ̀ aà kĩi, ɔ̃ à yã'ònɛ́. 32Bee gbɛa Isailiɔ sɔ̃̀aazi mpii, ɔ̃ à yã pɔ Dii dìlɛɛ Sinai gbɛ musu ònɛ́ pii. 33Kɛ́ à yã'ònɛ́ a làa, à salanakù a oaa. 34Tó à gɛ̃̀ yã'oi Diiɛ, ì salana go e àɔ bɔ. Tó à bɔ̀, ì yã pɔ Dii dìlɛɛ o Isailiɔnɛ pii, 35ɔ̃ aaì e aà oa lɛ́ tɛkɛ. Mɔizi ì ɛa salana ku a oaa e à ɛa àɔ gɛ̃ yã'oi Diiɛ.#2 Kln 3.7-17
Currently Selected:
Bɔa 34: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 34
34
Gbɛpɛpɛɛ dafuɔ
(Iko 10.1-5)
1Dii òɛ̀: Gbɛpɛpɛɛ kɛ mɛn pla lá a káauɔwa, mí yã pɔ ku a káau pɔ ń wìwiwaɔ kɛ̃má. 2Sɔukɛ kɔɔkɔɔ, ní dɛdɛ Sinai gbɛwa, ní mɔ ǹ zɛ ma aɛ a musu. 3Gbɛ̃e su mɔnnɔo. Wasu gbɛ̃e e guei gbɛpiwa seo. Baa sã ge zu su mɔ pɔblei a saɛo. 4Mɔizi gbɛpɛpɛɛ ã̀ mɛn pla lá a káauɔwa. À fɛ̀lɛ kɔɔkɔɔ, ɔ̃ à dɛ̀dɛ Sinai gbɛpiwa, a gbɛpɛpɛɛ mɛn plapiɔ kũa lá Dii òɛwa. 5Dii pìla tɛlu guu, à zɛ̀ aà saɛ, àlɛ azĩa tɔ́ o. 6Kɛ́ Dii lɛ́ gɛ̃ aà aɛ, à a tɔ́ ò à mɛ̀: Dii, Dii Lua Wɛ̃nadɔ̃nɛde Suuuden ma ũ. Ma pɔ lí pa kpaao, má gbɛ̃kɛ ń naaio vĩ zɔ̃ɔ. 7Máɔ gbɛ̃kɛ vĩ ń gbɛ̃́ɔ e an bui lɛ́waɛ, mí ń yãvãiɔ kɛ̃má ń ń tàaeɔ ń ń duunao. Ãma mili to taaede bɔ pão. Mi maeɔ yãvãi wi ń nɛɔ musu ń ń tɔũnaɔ ń ń sĩwɛnaɔ ń ń sɔ̃kpaɛɔɛ.#Bɔa 20.5-6; Nao 14.18 8Mɔizi kùlɛɛ̀, à wùlɛ a gbɛɛu gɔ̃̀ɔ 9à mɛ̀: Dii, lá n ma wɛgwà, gɛ́wanɔ. Baa kɛ́ gbɛ̃́piɔ swã gbãa, suuukɛwanɔ wá yãvãiɔ ń wá duunaɔ yãmusu, ní wá sɛ́ n gbɛ̃́ɔ ũ.
Lua bàa kua ń Isailiɔ
(Bɔa 23.14-19; Iko 7.1-5, 16.1-17)
10Dii mɛ̀: Ma bàa aɔ kuánɔɛ. Má yãbɔnsaɛ pɔ gbɛ̃e i kɛ buie guu dũniau yãao kɛ á baade pii wáa. Bui pɔ liaaáziɔ i ma yãkɛa e, asa má yã pɔ a to vĩa ń kṹ kɛ á yãmusu. 11Àɔ yã pɔ má òɛ́ gbã kũa, mí Amɔleɔ yaɛ́ ń Kanaaɔ ń Hitiɔ ń Pɛliziɔ ń Hiviɔ ń Yebusiɔ. 12À laaika! Á lɛ́ su àɔ ku busu pɔ álɛ gɛ́ gɛ̃ui deɔ yãuo, kɛ́ ásu mɔkpa ázĩaɛo yãi. 13À ń sa'okĩiɔ gboo, í ń gbɛ pɔ aa pɛ̀lɛɔ wiwi, í Asetaati lí pɔ aa pɛ̀lɛɔ zɔ̃zɔ̃. 14Ásuli kulɛ dii pãleɛo, asa ma Dii ma tɔ́n Sisaao, mili sí sàao. 15À laaika! Á lɛ́ su líɔ ku busupideɔ yãuo, asa tó aalɛ gbãsĩkɛ ń ń tãaɔ, aalɛ sa'omá, aa á sisi à ń sa'onɔɔ sońnɔɛ. 16Ásuli nɔsɛ á nɛɔnɛ ń guuo, asa tó an nɛnɔɛɔ lɛ́ gbãsĩkɛ ń tãaɔ yãmusu, aa tó á nɛɔ gbãsĩkɛńnɔ sɔ̃ɛ. 17Ásuli mɔkasa tãa ũo.
18Àli Kaaso dikpɛkɛ. Àli kaaso e gɔɔ sopla mɔ pɔ wì mɛ Abibu guu, lá má dìlɛɛ́wa, asa mɔpiu ɔ̃ a bɔlɛ Egipi. 19Á nɛgɔ̃ɛ sɛ̃iaɔá ma pɔɔnɛ pii ń á pɔtuo nɛsana sɛ̃iaɔ pii, zu ge pɔkelenaɔ. 20Àli zaa'ĩn nɛ sɛ̃ia bo ń são. Tó i boo, à a waa fĩ à dɛ. Àli á nɛgɔ̃ɛ sɛ̃iaɔ bo. Gbɛ̃e suli mɔ́ ma kĩi ɔgiio. 21Àli zĩkɛ gɔɔ soolo, íli kãmabo a gɔɔ sopladezĩ, baa kpasekɛ̃gɔɔ ge pɔkɛkɛgɔɔn nò.
22Àli Pãteko dikpɛkɛ gɔɔ pɔ a na buapɔkaauɔ kɛkɛawa. Àli Pɔkãaa dikpɛkɛ wɛ̃̀ laaawa. 23Gɔ̃ɛ pii lí mɔ́ ma Dii á Isailiɔ Lua kĩi wɛ̃̀ do guu gɛ̃n aaɔ̃. 24Má buipãleɔ yaɛ́, mí á busu zɔ̃lɛ kãfĩɛ́. Gbɛ̃e a wɛɛlɛ à á busu siwá gɔɔ pɔ álɛ mɔ́ ma Dii á Lua kĩi wɛ̃̀ do guu gɛ̃n aaɔ̃o. 25Ásuli pɔsɛa kpaa sãnu ń sa'obɔ auoo. Ásuli Gɛ̃amusu sa'onɔɔ dilɛ gu dɔwào. 26Àli mɔ́ ma Dii á Lua kpɛ́u ń á buapɔkaauɔ. Ásuli blenɛ nɔ̀ɔ kuu ń a da yɔ̃'ioo.
27Ɔ̃ Dii ò Mɔiziɛ: Yãpiɔ kɛ̃́ láu, asa ma baakuannɔ ń Isailiɔ yãɔn we. 28Mɔizi ku ń Diio we e gɔɔ bla fãanɛ ń gwãasĩnao pɔblesai imisai. Ɔ̃ Dii a baakuańnɔyã mɛn kwiɔ kɛ̃̀ gbɛpɛpɛɛɔwa.
Mɔizi oa tɛkɛa
29Mɔizi pìla Sinai gbɛwa, a gbɛpɛpɛɛ mɛn pla pɔ ikoyã kɛ̃awàɔ kũa. A dɔ̃ kɛ́ a oa lɛ́ tɛkɛ a yã'oa ń Diio yãio. 30Kɛ́ Aalona ń Isailiɔ aa aà è mpii, aà oa lɛ́ tɛkɛ, aa vĩakɛ̀ sɔ̃aaaziɛ. 31Ɔ̃ Mɔizi ń sisì. Aalona ń gbɛ̃zɔ̃ɔɔ ɛ̀a mɔ̀ aà kĩi, ɔ̃ à yã'ònɛ́. 32Bee gbɛa Isailiɔ sɔ̃̀aazi mpii, ɔ̃ à yã pɔ Dii dìlɛɛ Sinai gbɛ musu ònɛ́ pii. 33Kɛ́ à yã'ònɛ́ a làa, à salanakù a oaa. 34Tó à gɛ̃̀ yã'oi Diiɛ, ì salana go e àɔ bɔ. Tó à bɔ̀, ì yã pɔ Dii dìlɛɛ o Isailiɔnɛ pii, 35ɔ̃ aaì e aà oa lɛ́ tɛkɛ. Mɔizi ì ɛa salana ku a oaa e à ɛa àɔ gɛ̃ yã'oi Diiɛ.#2 Kln 3.7-17
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.