Bɔa 11

Egipi nɛgɔ̃ɛ sɛ̃iaɔ gagaa

1Dii ò Mɔiziɛ yãa à mɛ̀: Má ĩada Falaɔ̃wa ń Egipi busuo gɛ̃n do lɔ, i gbasa à á gbaɛ. Tó àlɛ á gbaɛ, a á yáɛ fa! 2O gbɛ̃́ɔnɛ an baade, gɔ̃ɛ ń nɔɛo pii, aa ãnusu pɔɔ ń vua pɔɔ gbɛa Egipi gbɛ̃́ pɔ ku ń saɛɔwa. 3Má tó Egipiɔ Isailiɔ wɛgwa. Mɔizi sɔ̃, a bɛɛɛ vĩ Egipi Falaɔ̃ iwaɔ ń a gbɛ̃́ɔnɛɛ.

4Ɔ̃ Mɔizi ò Falaɔ̃ɛ: Dii mɛ̀, gwãasĩn wɛɛdo á pã Egipi busua, 5Egipi nɛgɔ̃ɛ sɛ̃iaɔ i gaga pii sɛa za Falaɔ̃ pɔ zɔ̃lɛa báawa nɛwa e à gɛ pɛ nɔɛ zĩkɛna pɔ aaì wisilɔɔ pɔwa ń pɔtuo nɛsana sɛ̃iaɔ pii. 6Bubua gbãa a da Egipia gupiiu, a taa i kɛ yãao, mɛ́ a kɛ bau lɔo. 7Kási Isailiɔ guu baa gbɛ̃ a gbodɔ gbɛ̃nazĩna ge pɔtuowao, kɛ́ ǹ e ǹ dɔ̃ Dii Egipiɔ dɔ̃kɔ̃ɛ ń Isailiɔɛ yãi. 8N iwaɛ beeɔ mɔ ma kĩi pii, aai kulɛmɛɛ, aai mɛ mà gɛ́ ń ma gbɛ̃́ɔ pii. Bee gbɛa sa mí gɛ́. Ɔ̃ Mɔizi bɔ̀ Falaɔ̃ kĩi ń pɔfɛ̃ zɔ̃ɔo.

9Dii ò Mɔiziɛ yãa à mɛ̀: Falaɔ̃ a n yãmao, kɛ́ ma dabudabukɛaɔ e dasikũ Egipi yãi. 10Mɔizi ń Aalonao dabudabupiɔ kɛ̀ Falaɔ̃ aɛ pii, ɔ̃ Dii aà swãfɛ̃̀. À gì Isailiɔ gbaɛi aa bɔlɛ a busuu.

Currently Selected:

Bɔa 11: Boo2024

Highlight

Copy