Jona 3
3
Jona ŋa Uwumbɔr aah bui u pu na
1Uwumbɔr nan ki gir len Jona chee tibɔr, 2ki bui ke, “Li cha kitisakpeŋ Ninefa ni, ki ti di tibɔr ti m di tii si na tuk bi.” 3Jona nan kii Uwumbɔr aamɔb ki buen Ninefa, kitisakpeŋ ki u nan di iwiin itaa bɔ dii ki ponn ni ki ti saa kimɔk na. 4Jona nan piin ki bɔ dii kitiŋ ngbaan ponn ni, le waah chuun nwimɔn aasachuln na, le u mooni tuk binib ngbaan ke, “Joo cha ni iwiin imonko ilee na, Ninefa aatiŋ ga kuln.”
5Ninefa aanib nan tii naadii Uwumbɔr aah di tibɔr ti tuk bi na pu, le ki cha unii mɔk lul bumɔb; le binib mɔmɔk, bi ye biwankpadam ni bigiim na mɔmɔk nan peen tiwanpeenkaan ni saak kuub na ki mɔk ke bi kpeln baabimbin la.
6Ninefa aabɔr aah ŋun tibɔr ngbaan na, le u fii libɔrjal pu, ki chuu peer waanaan aawanpeenkaan, le ki di tiwanpeenkaan ni saak kuub na peen, le ki kal nfatan ponn ni. 7U nan moon tuk Ninefa aatiŋ aanib ke: “Tibɔr timina nyan ni ubɔr ni waaninkpiib chee la: Ubaa taa ji nibaa, binib mɔmɔk, ni inaa, ni ipiih taa ji nibaa ki taa nyu nibaa mu. 8Binib mɔmɔk peen tiwanpeenkaan ni saak kuub na ki di kina aawanpeenkaan paan tiwakor mu pu. Unii mɔk mee Uwumbɔr ni linimaln, ki di cha mbiin ni titunwanbir aabimbin. 9Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”
10Uwumbɔr nan kan baah ŋa pu na; u nan kan ke bi di cha baabiin aabimbin, kina pu le u kpeln waalandak kaa ki daa bitafal ke waah ba ga daa pu na.
Currently Selected:
Jona 3: xonB
Highlight
Copy
Compare
Share
Want to have your highlights saved across all your devices? Sign up or sign in
©1998, 2014 Wycliffe Bible Translators, Inc. All rights reserved.
