Jona 2
2
Jona aah mee limeel li na
1Jona nan bi ujan ngbaan aaponn ni taab le ki mee Udindaan Uwumbɔr ke:
2“Uwumbɔr, buyoonn nsui bii na le m yin si,
le aa kii maayim ngbaan.
M nan bi kitekpiitiŋ ni taab taab ki wii yin si ki ban nterm,
le aa ŋun maah yin pu na.
3Aa di mi mee lii taab taab, nnyusakpem aataab,
nin chee nnyun nan mann goln mi na,
le saanyunkpenn ti kpa mpɔɔn sakpen na fii labr m pu.
4M nan nyi ke aa nyan mi aanimbiin ni la,
le maan ki kan Saadichal li bi chain na.
5Nnyun nan biin m pu ki kpar mi,
nnyusakpem nan biin m pu kookoo a,
le nnyusakpem ponn ni aamoor biin n‑yil pu.
6M nan buen taab taab ŋijoo aataab,
ki ti fuu kitiŋ ki aabisamɔi lak n‑yoonn mɔmɔk na ni.
Ndindaan Uwumbɔr, sin le giin nyan ni mi taab taab ngbaan,
le m beenin kpa limɔfal.
7Uwumbɔr, buyoonn m dak ke
maamɔfal doo na, le m mee si,
le aa bi Saadichal li bi chain na ponn ni
ki ŋun maameel ngbaan.
8Binib bi dooni ŋiwaa ŋi kaa po kpa tinyoor tibaa na
yii saanimbaasaln.
9Le mma ga gaa ilahn pak si, m ga toor kitork tii si,
ki ŋa maah puu ke m ga ŋa pu na.
Limɔfal nyan ni Uwumbɔr chee la.”
10Le Uwumbɔr bui ujan ngbaan ke u ti wuln Jona lii limɔɔtambol pu, le u ŋa kina.
Currently Selected:
Jona 2: xonB
Highlight
Copy
Compare
Share
Want to have your highlights saved across all your devices? Sign up or sign in
©1998, 2014 Wycliffe Bible Translators, Inc. All rights reserved.
