Rum 2

Guma Lazglafta

1Kagha mndu ya ta nzakway ta tha mndu, dər waká, haɗ ka nda pslaftawi baɗu guma wu, kabga ma tsa tsay ta tsə kagha ta guma ta sanlaha ya ná, ta tsə ta ghəŋa gha ka. Tsa kagha ta tsanaghatá guma ta mndu ya ná, ta magay kagha ta va tsa skwiha ya. 2Nda sna amu kazlay: Ta tva ni tsanaghata Lazglafta ta guma ta ghəŋa gwal ta maga skwiha mantsa ya kəʼa. 3Kagha mndu ya ta tsanaghatá guma ta ghəŋa gwal ta maga skwiha mantsa ya, wya ta magay magay kagha kay guli. Ta grə ka ná, dzaʼa ndap nda ka ma guma Lazglafta rki na? 4Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na? 5Ma tsa təŋatá ghəŋa gha ya, ka kwalaghutá ka ta mbəɗanaftá nzakwa gha ya ná, guma ɓasatá ŋuɗufa Lazglafta ta tɗanakta ka ta ghəŋa gha. Dzaʼa ksaf ksa guma ta kagha, baɗu ɓasafta Lazglafta ta ŋuɗuf ta ghəŋa mnduha, ŋa tsanaghatani ta guma nda tva ni ta inda mndu. 6« Ŋa vlaŋta ni ta nisəla inda mndu taɓta sla ni maga#2:6 Ngha ta Zabura 62:13, nda Mahdihdi 24:12. tsi. » 7Ŋa gwal ta gɗata ta maga skwiha ɗina ɗina ŋa mutsa glaku nda sgit, nda hafu ŋa kɗekedzeŋ ya, dzaʼa vlaŋ vla Lazglafta ta nzaku nda hafu ŋa kɗekedzeŋ ta həŋ. 8Ŋa gwal ta ga sidi nda Lazglafta, ka kwalaghutá sna kahwathwata ka laghu da maga ghwaɗaka skwiha ya ná, dzaʼa ghuzlanaŋghuzla Lazglafta ta iri ta həŋ. 9Inda mndu ta maga ghwaɗaka skwi, dzaʼa ghuzlanaŋghuzla Lazglafta ta iri. Ŋa zlrafta ta la *Yahuda karaku, ka da sagha ta la *Grek. 10Ama ŋa gwal ta maga skwiha ɗina ɗina ya, dzaʼa vlaŋ vla Lazglafta ta glaku nda sgit nda zɗaku ta həŋ. Ŋa zlrafta ta la Yahuda karaku, kada sagha ta la Grek guli. 11Mantsa ya ná, haɗ Lazglafta ta gala mndu wa.

12Inda gwal ta maga dmaku kul haɗ zlaha Musa da həŋ, dzaʼa rwaku həŋ dər má haɗ tsa zlahu ya da həŋ. Inda gwal ta maga dmaku, mamu tsa zlahu ya da həŋ guli, nda tsa zlahu ya dzaʼa tsanaghata lu ta guma ta həŋ. 13Gwal ta snatá tsa zlaha Musa ya a gwal ta nzakway tɗukwa da Lazglafta wu, ama gwal ta nzakway ta ksa slna manda ya kum tsa zlahu ya gwal ta nzakway tɗukwa da Lazglafta. 14Gwal kul nzakway ka la Yahuda ná, sna a həŋ ta zlaha Musa wu, tsaw baɗu sani, ta magay həŋ ta skwi manda ya ta kum tsa zlahu ya. Haɗ zlahu da həŋ wu, vərɗa hahəŋ ta nzakway ka tsa zlahu ya. 15Tsaya tama ná, slna taŋ ta maraŋta kazlay: Tsa skwi ta kum zlahu ta magay lu ya ná, nda vinda ma ŋuɗufa taŋ guli manda tsaya ŋa taŋ. Ta ndanay həŋ baɗu ma sani kazlay: Skwi ɗina maga yu, skwi ɗina a maga yu wu kəʼa. 16Tsaya tama, manda na *Lfiɗa Gwaɗa ta mnə yu na, manda tsaya dzaʼa nzakwa tsi baɗu dzaʼa ghunagata Lazglafta ta *Yesu *Kristi ŋa tsanaghatá guma ta ghəŋa inda skwi nda ɗifa ma ŋuɗufa mnduha ya.

Kwalaghuta la Yahuda ta snatá zlahu

17Kagha ta mnay kazlay: La *Yahuda iʼi kəʼa ta dihaftá vgha ta zlaha Musa, ta ghərɓaku ta Lazglafta, 18nda sna yu ta skwi ta kum Lazglafta ka ka, nda sna yu ta skwi ɗina ma snaŋta ɗa ta zlaha Musa ka ka, 19nda fa ghəŋa gha kazlay: Prək iʼi ka dzugwa gwal nda ghulpa kəʼa. Tsuwaɗaka gwal ma grusl yu ka ka ta ndanay, 20mnda tagha skwi ŋa gwal kul snaŋtá skwi yu ka ka, mnda taghanaftá skwi ta zwani yu, kabga taghaɗif tagha Zlaha Musa ta inda skwi nda kahwathwata tani ka ka. 21Mantsa nzakwa ni, ta tagha skwi yu ŋa sanlaha ka ka, tagha a ka ŋa ghəŋa gha rki? Ɗina a ghali wu ka kagha ta mnay, tata ghali kagha kay guli. 22Ɗina a hliri wu ka kagha ta mnay, tata hliri kagha kay guli. Husiha husa skwa wuyay ka ka, tata ghalay kagha ta skwi ma həga skwa wuyay. 23Ta ghərɓaku kagha ta nzakwa zlaha Musa mamu da kagha, ta maga a kagha ta tsa skwi ta kum zlahu ya kay guli wa. Razanaf a ka ta Lazglafta nda tsa ra? 24Tsaya kəl lu ka vindafta ma deftera Lazglafta kazlay: Ta gwaɗa ta kaghuni ta kəl gwal kul nzakway ka la Yahuda ka raza Lazglafta kəʼa#2:24 Ngha ta Izekiyel 36:20, Isaya 52:5..

25Mantsa nzakwa ni, ka ta magay kuni ta skwi ta kum zlahu katsi, ta tva ni tsa tsatá fafaɗa ghuni ya. Ala ka si nda tsa fafaɗa gha, ta maga a ka ta skwi ta kum zlahu wu katsi, nda nza ka manda mndu kul tsaku fafaɗa ni. 26Lagha mndu kul tsaku fafaɗa ni ka maga skwi ta kum zlaha Lazglafta ní, haɗ Lazglafta dzaʼa ngha tsa mndu ya manda mndu nda tsa fafaɗa ni ra? 27Ya wya tsa mndu ya ná, haɗ lu ta tsa fafaɗ ma nzakwa mndəra taŋ wu, ama ta magay ta skwi ta kum zlahu. Haɗ tsa mndu ya dzaʼa tsaghaghatá guma ta kagha mndu ta kwalaghutá maga skwi ta kum zlahu ya ra? Ta wya kay guli, mamu vindatá zlaha Musa da kagha, nda tsa fafaɗa gha guli. 28Vərɗa mnda la Yahuda ná, tsa ta nghaku tsakwam ya a wa. Vərɗa tsatá fafaɗ guli ná, tsa tsa lu ta nghaku miviɗani ya a wa. 29Vərɗa mnda la Yahuda ná, ma ŋuɗuf nzakwa ni. Vərɗa tsatá fafaɗ guli ná, ma ŋuɗuf. Skwi ta vlata Sulkum ná, zlahu ya vindaf lu nda vinda a wa. Vərɗa mnda la Yahuda ná, da Lazglafta ta mutsa tsatsi ta ghubaku, da mndu a wa.

Currently Selected:

Rum 2: xed

Highlight

Copy