Mak 12

Sana ghwaɗaka mnda vwaha inabi

Mat 21:33-46, Luk 20:9-19

1Mantsa, ka nzatá *Yesu ka mna gwaɗa ŋa taŋ nda mahdihdi, kaʼa mantsa: « Mamu sana mndu ta sliʼafta ka laghu da ŋaɓaftá fuha inabi ndər ndər ndər ma vwaha ni, ka ŋamtá tsi ma dzugur. Ka laptá tsi ta vli ŋa ɗitsa yakwa ni. Ka bamtá tsi nduk nda dumbi nda slra tani mida ŋa nzakwa mnda nghay#12:1 Gray nda Isaya 5:1-2.. Tahula kɗiŋta ni ta payanatá tsa vwaha ni ya ɗina, ka fanamtá tsi ma dzvu ta gwal hvay. Ka sliʼaftá tsi ka laghu dista luwa. 2Sagha fitika ɗaga yakwa ni, ka ghunadaghatá tsi ta sana kwalva ni slanaghatá tsa gwal ta hvay ya ŋa mutsanafta taŋ ta ŋa ni ma yakwa tsa inabi ya. 3Lagha ni, ɗiŋ ksaf ksa həŋ ka ɗgaptá, ka vriŋta kul vlaŋta. 4Ka ghunəgladaghatá tsi ta sana kwalva slanaghatá həŋ guli, ka tatanaghatá həŋ ta ghəŋ ka rarazata. 5Ka ghunəgladaghatá tsa mnda vwah ya ta mahkəna kwalva, ka dzatá həŋ nda dza ta tsaya. Ka ghunəgladaghatá tsa mnda vwah ya ta sanlaha ma kwalvaha guli, ka ɗgaptá həŋ nda ɗgatá sanlaha, ka pslatá həŋ nda psla ta sanlaha. 6Ga va tsa mndu ya, mamu pɗakwa zwaŋa ni turtuktuk ta ɗvu tsi ma hya ŋuɗufa ni, ka kɗiŋtá tsi ta ghunadapta da tsa mnduha ya kazlay: Dzaʼa hulay həŋ tahula ta na zwaŋa ɗa na kəʼa. 7Ka sliʼafta tsa zwaŋ ya ka lagha slanaghatá həŋ. “Ya wana tsa mndu dzaʼa za həga ya kay! Sawa ka dzatá mu, ŋa zay amu ta tsa həga ya!” Ka tsa gwal ta hva tsa vwah ya mataba taŋ. 8Ɗiŋ ksaf ksa həŋ ka dzata, ka vzidiŋtá həŋ ta mbla ni diʼiŋ nda tsa fuha inabi ya.

9« Ndana tama, nu dzaʼa mag da ni ma tsa vwaha fuha inabi ya? Dzaʼa lagha la, ŋa zaɗanata ni ta tsa mnduha ta hva ma tsa vwah ya, ŋa vlaŋta ni ta tsa fuha inabi ya ta sanlaha ma mnduha. 10Ta dzaŋaf a kaghuni ta vindata ni ma deftera Lazglafta manda ya kəʼa ta mnay ra? “Tsa pala wuɗidiŋ gwal ta ba həga ya, tsaya ta nuta ka vərɗa palaka tughwa həga. 11Tsaya ná, Lazglafta ta ɗvaftá nzakwa tsa pala ya ka vərɗa palaka tughwa həga. Skwa ndərmimay nzakwa ni ta wa ira amu!#12:11 Ngha ta Zabura 118:22-23.” » kaʼa.

12Tsatsafta tsa maliha ya ná, ta ghəŋa taŋ ta gwaɗa Yesu ta tsa gwaɗa ya. Ka zbə həŋ ta tva ksafta, ama ka zlanatá həŋ ka laghwa taŋ kabga zləŋa gwaɗa da mnduha.

Gwaɗa ta ghəŋa pla dzumna

Mat 22:15-22, Luk 20:20-26

13Ka ghunaftá həŋ ta sanlaha mataba la *Farisa nda mnduha Hiridus,#12:13 Ngha ta Mata 3:6. ŋa dzaʼa gwaɗa nda Yesu, kada ɗakwatsafta lu ta gwaɗa ma wa ni ŋa ksafta. 14Wya ka həŋ lagha mnay ŋa ni: « Maləma ɗa, nda sna ŋni kazlay: Dar gwaɗa ta mnə kagha kəʼa, haɗ kagha ta zləŋa ira mnduha wu, kabga haɗ ghuya gha nda mndu ta ghərɓakwa ni wa. Vərɗa nzaku manda ya ta kum Lazglafta ta tagh kagha. Ta kumay ŋni ta ɗawaŋtá gwaɗa da kagha: Ma zlaha Lazglafta ná, nda ra re, ra a wa ka pla dzumna ŋa mgham dagala ma Ruma na? Dzaʼa plər pla a wa ŋni na? » ka həŋ. 15« Kabgawu ta kəl kuni ka dzəgha iʼi na? » Ka *Yesu zlghanaftá wi ta həŋ, kabga nda sna ta tsa maɗgwirmaɗgwira taŋ ya. « Klagaghawa kla ta tsa kwaɓu ya ka nghanata yu, » kaʼa. 16Ka klanaktá həŋ turtuk. Ka ɗawaŋtá Yesu da həŋ. Kaʼa mantsa: « Nda wa grafta lu ta na skwi tsaf lu tida na na? Ŋa wa na hgu tida na guli? » kaʼa nda həŋ. « Ŋa mgham Sezar ya, » ka həŋ. 17Ka Yesu nda həŋ mantsa: « Vlaŋwa mgham Sezar ta ya ta nzakway ka ŋa mgham Sezar, vlaŋwa Lazglafta ta ya ta nzakway ka ŋa Lazglafta, » kaʼa nda həŋ. Ka ndərmim həŋ katakata ta tsa zlgha wa ni ya.

Ɗaway ta ghəŋa sliʼagabta ma mtaku nda hafu

Mat 22:23-33, Luk 20:27-40

18Ka sliʼadaghatá la *Sadukiya slanaghata *Yesu guli. Hahəŋ ná, gwal ta mnay kazlay: Haɗ sliʼagabta mndu ma mtaku wu#12:18 Gray nda Slna gwa ghunay 23:8. kəʼa ya həŋ. Ka ɗawaŋtá həŋ da tsi, ka həŋ nda tsi mantsa: 19« Maləma ɗa, wya ka Musa vindaŋnafta: “Ka mamu mndu mtu zwaŋama ni ka zlaŋtá markwa taŋ, ya a ta zwaŋ nda tsa marakw ya wu katsi, wunanaghata tsa zwaŋama ni ta ndiri ya ta tsa wadga ni ya, ŋa yanatani ta zivir ta tsa zwaŋama ni ta mtuta ya,”#12:19 Ngha ta Sabi 20:1-17 nda Vrafta ta Zlahu 5:6-22, 25:5-10 nda Zlrafta 38:8. kaʼa.

20« Tsaw ghalya, si mamu zwana mandəfáŋ həŋ ma da taŋ. Si ka klaftá zumali ma həŋ ta marakw, ka mtutá tsa mndu ya ta yana a lu ta zwaŋ wa, 21ka wunanaghatá tsa mahisa zwaŋ ya ta tsa wadgu ya, ka mtutá tsaya guli, yana a lu ta zwaŋ wa. Mantsa ya tsa mahkəna zwaŋ ya guli. 22Inda tsa zwani ya ndəfáŋ ndəfáŋ, ka raftá həŋ ta tsa marakw ya, kul haɗ ya ta yatá zwaŋ nda tsi. Tahula rwuta tsa zwani ya ndəfáŋ ndəfáŋ, ka mtuta tsa marakw ya guli. 23Mantsa tama ní, baɗu sliʼagabta ma mtaku nda hafu ní, ŋa wa ŋa wa dzaʼa nzakwa tsa marakw ya mataba taŋ baɗu tsaya tama, ya wya klaf kla həŋ demdem ta tsa marakw ya ka markwa taŋ? » ka həŋ nda tsi. 24Ka Yesu zlghanaftá wa ni ta həŋ mantsa: « Ta nanay kuni ta ghəŋ. Kabgawu kəl yu ka mnay mantsa? Sna a kuni ta skwi nda vinda ma gwaɗa Lazglafta wu, sna a kuni ta mbrakwa Lazglafta guli wa. 25Tahula sliʼagapta ma mtaku nda hafu ná, ta haɗ kluvtá vgha i marakw nda zəʼal wu, dzaʼa nza nza həŋ manda duhwalha Lazglafta ta luwa. 26Ta ghəŋa gwaɗa ta vragapta ma mtaku nda hafu ya ná, ta dzaŋaf a kuni ta tsa vli ta ghəŋa mubuk nda vu tida ma deftera Musa ya ra? Ka Lazglafta nda Musa hada na: “Iʼi Lazglafta Abraham, iʼi Lazglafta Izak, iʼi Lazglafta Yakubu,#12:26 Ngha ta Sabi 3:2, 6, 15-16.” kaʼa. 27Hahəŋ ná, ta nda hafu həŋ, kabga Lazglafta ná, Lazglafta gwal nda rwa a wu, ama Lazglafta gwal nda hafu ya. Ta nanay kuni ta ghəŋa ghuni katakata, » ka Yesu nda həŋ.

Ɗaway ta ghəŋa mali mataba zlahu

Mat 22:34-40, Luk 10:25-28

28Ma tsa vli ya, mamu sana mndu mataba gwal tagha zlahu ŋa mnduha ta sna tsa skwi ta zlərɗ i *Yesu nda la *Sadukiya ya. Nghay ni ná, ɗina tsa zlghatá wa Yesu ŋa taŋ ya. Ka sliʼafta tsi ka gavadaghata ta vata Yesu da ɗawaŋta. Kaʼa mantsa: « Wati mali ma inda zlahuha na? » kaʼa. 29Ka Yesu nda tsi mantsa: « Wya mali mida: Snawa ɓa la Israʼila! Mgham ta nzakway ka Lazglafta ná, tsatsi turtuktuk Mgham. 30Mantsa tama, ka ɗvuta ka ta Mgham ta nzakway ka Lazglafta gha nda hya hya ŋuɗufa gha, nda inda hafa gha, nda inda ndana gha, nda inda mbrakwa gha.#12:29-30 Ngha ta Vrafta ta Zlahu 6:4, 5. 31Wya mahisa ni: “Ka ɗvuta ka ta mnda səla manda va ɗvuta gha ta ghəŋa gha.#12:31 Ngha ta Levi 19:18.” Mataba inda zlahuha ná, haɗ zlahu ta malaghutá tsaha ya wa, » kaʼa.

32Ka tsa mndu ta tagha zlahu ŋa mnduha ya nda tsi mantsa: « Zɗa tsa mghama ɗa. Kahwathwata tsa mnə ka kazlay: Turtuktuk Lazglafta kəʼa ya, haɗ sani ɗekɗek ta ghəŋa tsatsi#12:32 Gray nda Vrafta ta Zlahu 4:35. wa. 33Haɗ taɓta ɗvuta mndu ta Lazglafta ni nda hya hya ŋuɗufa ni, nda inda ndana ni, nda inda mbrakwa ni, nda ɗvuta ni ta mnda səla manda va ɗvuta ni ta ghəŋa ni wa. Malaghu mala tsaya ta ghəŋa skwi nda səla ta drafta lu tsuh tsuh ta gwir. Malaghu mala guli ta planatá ghəŋ ta plu lu nda hamata skwiha nda ya nda rini#12:33 Gray nda Huseya 6:6. ta vlaŋta lu manda ya ɗawaŋ zlahu, » ka tsa mndu ya. 34Nghanata Yesu ta tsa zlgha wa ni ya ná, mamu ɗifil mida. Kaʼa nda tsi mantsa: « Diʼiŋaghu a ka nda ga mghama Lazglafta wa, » kaʼa. Haɗ mndu ta dərglaftá ŋuɗuf ka ɗawgəltá vli da tsi tahula tsa wa.

Zwaŋa Dawuda Kristi ra?

Mat 22:41-46, Luk 20:41-44

35Ka kəɗ *Yesu ta tagha skwi ŋa mnduha ma həga Lazglafta. Wya kaʼa ta mnay: « Kurki gwal tagha zlahu ŋa mnduha ta mnay kazlay: *Kristi ná, zwaŋa Dawuda ya kaʼa na? 36Ya wya ka vərɗa Dawuda pghafər Sulkum nda ghuɓa mnata:

“Ka Mgham Lazglafta mnanatá Mghama ɗa na:

Nza nza gha nda ga zeghwa ɗa ha ka sagha fitik dzaʼa niŋta

yu ta ghumaha gha ka skwa diŋlay gha,#12:36 Ngha ta Zabura 110:1.” kaʼa.

37Ya “Mghama ɗa ka,” ka vərɗa Dawuda ta hgay ní, wa kəʼa nzəglaku ka zwaŋa ni tama? » kaʼa guli. Tsa skwi ta tagh Yesu ya na, zɗəgana zɗa ta tsa dəmga ta snay ya.

Planaghatá vu ta gwal tagha zlahu

Mat 23:1-36, Luk 20:45-47

38Wya kaʼa nda həŋ ma tsa skwi ta tagh tsi ya. « Ɗaswa ka kuni nda gwal tagha zlahu ŋa mnduha! Hahəŋ ná, nda lgutha zutututa zɗəganata wawaku ta həŋ. Zɗəgana zɗa ganaghatá zgu ta həŋ ta luma. 39Ta zbay həŋ ta vla nzaku ta kəma ma həga ta kəl lu ka tagha skwa la *Yahuda. Vla nzaku ɗina ta zbə hahəŋ ma vla za skwa zay guli. 40Hahəŋ gwal ta dghwaɗguduŋtá skwa la wadgu. Zɗəgana zɗa slriŋtá maga duʼa ta həŋ ta kəma mnduha ŋa ghubaŋtá həŋ. Dzaʼa tsanagha tsa lu ta guma ta həŋ katakata, » kaʼa.

Vla skwa markwa wadgu ka pɗu

Luk 21:1-4

41Tahula tsa, ka nzatá *Yesu mbəŋ nda akwata pgha tsedi ma həga Lazglafta, ka nghay ka mnduha ta pgha tsedi dida. Nda ndəgha la gadghəl ta va pghadatá tsedi. 42Ka lagha sana markwa wadgu ka pɗu guli, ka pghadatá tsi ta aneni his kul slaghuta ka sana skwi. 43Mantsa tama, ka hagaŋtá Yesu ta duhwalha ni, kaʼa nda həŋ mantsa: « Kahwathwata ka yu ta mnaghunata, tsedi pghada ya markwa wadgu ya da ya skwi ya ná, mal ŋa ni ka ŋa pɗakwa mnduha, 44kabga sanlaha ná, ma fərta tani da həŋ klaʼata həŋ ka pghadata. Ama tsa marakw ya ná, kɗavakta skwi ma ŋa zay ni ga taŋ klaf tsatsi ka pghadata, » kaʼa.

Currently Selected:

Mak 12: xed

Highlight

Copy

Compare