Lev 15
15
Skwi ta sab ma vgha zgun ta niŋta ka mndu ta tsaɗ lu
1Ka Yawe nda i Musa nda Haruna mantsa: 2« Mnanawa mna ta la Israʼila: Ka mamu dər wati ma mndu ta mbəzaku vgha ni, nda na tsa mndu ya ka mndu ta tsaɗ lu. 3Dər ta mbəzaku vgha ni, dər ka ghuɗamba a tsi, nda nza tsa mndu ya ka mndu ta tsaɗ lu. 4Inda ghəzləŋ ta hanafta tsa mndu ta mbəzaku vgha ni ya ná, nda nza ka mndu ta tsaɗ lu. Inda skwi dzaʼa nzafta tsi tida guli, nda nza ka skwi ta tsaɗ lu. 5Ka ksaŋ ksa mndu ta ghəzləŋa ni, ghwaɓiŋta ni ta lgutha ni, ka mbazaghuta ni ta mbaza. Dzaʼa nza nza ka mndu ta tsaɗ lu ha ga hawu. 6Dər wati ma mndu ta nzafta ta skwi nzaf tsa mndu ta mbəzaku vgha ni ya, dzaʼa ghwaɓiŋ ghwaɓa ta lgutha ni, ka mbazaghuta ni ta mbaza. Dzaʼa nza nza ka mndu ta tsaɗ lu ha ga hawu. 7Dər wati ma mndu dzaʼa ksaŋtá vgha tsa mndu ta mbəzaku vgha ni ya, dzaʼa ghwaɓiŋ ghwaɓa ta lgutha ni, mbazaghuha ta mbaza. Dzaʼa nza nza ka mndu ta tsaɗ lu ha ga hawu. 8Ka tfanaf tfa tsa mndu ta mbəzaku vgha ni ya ta sərɗək ta mndu kul haɗ skwa tsaɗa tida, dzaʼa ghwaɓiŋ ghwaɓa tsa mndu ya ta lgutha ni, mbazaghuha ta mbaza. Dzaʼa nza nza ka mndu nda skwa tsaɗa tida ha ga hawu. 9Inda dughuruk dzaʼa nzafta tsa mndu ta mbəzaku vgha ni ya tida ma wawakwa ni ná, nda nza tsa dughuruk ya ka skwi ta tsaɗ lu. 10Ka ksaŋ ksa mndu ta skwi si mista ni, nda nza tsa mndu ya ka mndu ta tsaɗ lu ha ga hawu. Mndu dzaʼa klaftá tsa skwiha ya guli, ghwaɓiŋta ni ta lgutha ni, mbazaghuha ta mbaza. Dzaʼa nza nza ka mndu ta tsaɗ lu ha ga hawu. 11Ka ksaŋ ksa tsa mndu ta mbəzaku vgha ni ta mndu ta kul tsughwaliŋtá tsi ta dzva ni, ghwaɓiŋta tsa mndu ksaŋ lu ya ta lgutha ni, mbazaghuha ta mbaza. Dzaʼa nza nza ka mndu ta tsaɗ lu ha ga hawu. 12Inda huzla ka rɓisl ksaŋ tsa mndu ta mbəzaku vgha ni ya, pəsliŋta. Inda huzla ka udzu ksaŋ tsi, tsughwaliŋta.
13Ka ta haɗ vgha tsa mndu ya tata mbəzaku wu, tahula tsa, mbəɗafta ni ta fitik ndəfáŋ kada nzəglata tsi kul haɗ tsaɗa tida. Baɗ tsaya, ka ghwaɓiŋta tsi ta lgutha ni, mbazaghuha ta mbaza nda ima dzuɓay. Dzaʼa nza nza kul haɗ tsaɗa tida. 14Baɗ matghas fitik ya, hlafta ni ta kukuha his, ka zwana ghərbuʼ his a tsi, ŋa lagha ni ta kəma Yawe ta wa tumpula guyaku, ŋa vlaŋta ni ta mnda dra skwi ŋa Lazglafta. 15Dzaʼa vla vla mnda dra skwi ŋa Lazglafta ta ya turtuk ka skwa pla ghəŋ ŋa ɗawa pla dmaku, sani guli ka skwa pla ghəŋ ŋa dray tsuh tsuh. Mantsa ya dzaʼa slərɓanapta mnda dra skwi ŋa Lazglafta ta zughu ta kəma Yawe, dabga tsa mbəzakwa vgha ni ya.
16Ka saghu kwana vgha mndu, dzaʼa mbazaghu mbaza ta mbaza ɗina. Dzaʼa nza nza ka mndu ta tsaɗ lu ha ga hawu. 17Inda lgut, ka huta bukwa a tsi, dzaʼa ksaŋta tsa kwana vgha ya, dzaʼa ghwaɓiŋ ghuɓa. Dzaʼa nza nza ka skwi ta tsaɗ lu ha ga hawu.
18Ka hana hana mndu nda marakw, dzaʼa mbazaghu mbaza həŋ ta mbaza. Dzaʼa nza nza həŋ ka gwal ta tsaɗ lu ha ga hawu. »
Skwi ta sab ma vgha marakw ta niŋta ka marakw ta tsaɗ lu
19« Ka ta mbaɗa zuʼi ta marakw, dzaʼa nza nza ka marakw ta tsaɗ lu ka fitik ndəfáŋ. Ka ksaŋ ksa dər wati ma mndu, dzaʼa nza nza ka mndu ta tsaɗ lu ha ga hawu. 20Inda skwi ta hanafta tsi tida ma tsa nzakwa ni nda zuʼi tida ya, nda nza ka skwi ta tsaɗ lu. Inda skwi nzaf tsi tida guli, nda nza ka skwi ta tsaɗ lu. 21Ka ksaŋ ksa mndu ta ghəzləŋa ni, ghwaɓiŋta ni ta lgutha ni, ka mbazaghuta ni ta mbaza. Dzaʼa nza nza ka mndu ta tsaɗ lu ha ga hawu. 22Ka ksaŋ ksa mndu ta skwi si nzaf tsi tida ná, dzaʼa ghwaɓiŋ ghwaɓa ta lgutha ni, mbazaghuha ta mbaza. Dzaʼa nza nza ka mndu ta tsaɗ lu ha ga hawu. 23Ka mamu sana skwi ta tsa ghəzləŋ ya, ka ta tsa skwi si nzaf tsi tida ya a tsi, tsa ksaŋ mndu ta tsa skwi ya, dzaʼa nza nza ka mndu ta tsaɗ lu ha ga hawu. 24Ka hana hana mndu nda tsa marakw ya, ka ksaŋtá tsa zuʼi tida ya ta vgha ni, dzaʼa nuna tsa mndu ya ka mndu ta tsaɗ lu ka fitik ndəfáŋ, inda ghəzləŋ dzaʼa hanafta tsi tida, dzaʼa nzakway ka skwi ta tsaɗ lu.
25Marakw ya ta mbaɗa zuʼi tida ha fitik kidaghi, ma fitika ni a wu, ka ka malaptá tsi ta fitik má dzaʼa hlata tsi tida a tsi ná, dzaʼa nza nza ka marakw ta tsaɗ lu inda tsa fitik ta mbaɗ tsi mista ni ya. Nda nza ka marakw ta tsaɗ lu manda ya ma tsa fitik ta sagha zuʼi tida tazlay ya. 26Inda ghəzləŋ dzaʼa hanafta tsi tida ma tsa fitika nzakwa zuʼi tida ya, dzaʼa nzakway tsa ghəzləŋ ya manda ghəzləŋ ma sagha zuʼi tida. Inda skwi dzaʼa nzafta tsi tida guli, dzaʼa nuna ka skwi ta tsaɗ lu, manda ya ma fitik nzakwa zuʼi tida ya. 27Ka ksaŋ ksa mndu dzaʼa ksaŋta həŋ, nda nza ka mndu ta tsaɗ lu. Dzaʼa ghwaɓiŋ ghwaɓa ta lgutha ni, ka mbazaghuta ni ta mbaza. Dzaʼa nza nza ka mndu ta tsaɗ lu ha ga hawu.
28Ka nda hla mbaɗa zuʼi tida katsi, dzaʼa mbəɗaf mbəɗa ta fitik ndəfáŋ. Tahula tsaya, dzaʼa nzakway kul haɗ skwa tsaɗa tida. 29Baɗ matghasa fitik, dzaʼa hlaf hla ta kukuha his, ka zwana ghərbuʼha his a tsi, ka hladaghata da mnda dra skwi ŋa Lazglafta ta wa tumpula guyaku. 30Dzaʼa vla vla mnda dra skwi ŋa Lazglafta ta sani ŋa pla ghəŋ ŋa ɗawa pla dmaku, sani ya guli ŋa pla ghəŋ ŋa dray tsuh tsuh. Mantsa ya dzaʼa slərɓanapta mnda dra skwi ŋa Lazglafta ta zughu ta kəma Yawe, dabga tsa zuʼi sagha tida ta niŋta ka marakw ta tsaɗ lu ya.
31Ka gavanaghuta kuni ta la Israʼila, ka nzaghuta həŋ kətsaʼu nda skwi ta niŋtá həŋ ka gwal ta tsaɗ lu, dá rwutá həŋ dabga niŋta taŋ ka skwi ta tsaɗ lu ta həga tumpula ɗa mataba taŋ. 32Tsaya tva skwi ŋa magay nda mndu ta mbəzaku vgha ni: Mndu saghu kwana vgha ni ka niŋta ka mndu ta tsaɗ lu, 33nda marakw ma fitika mbaɗa zuʼi tida, dər wa tsi ta mbəzaku vgha ni: Dər marakw ka dər zgun a tsi, mantsa ya zgun guli ta hanata nda marakw ma nzakwa ni ta tsaɗ lu, » kaʼa.
Currently Selected:
Lev 15: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
