Sab 26
26
Həga tumpul
1« Ta ghəŋa gwaɗa ta həga tumpul ya ná, ŋa magafta gha ta patakha ghwaŋ nda vəvɗatá sləvdza liŋ kulefeɗ, tsərslata ni nda sləvdzi ka kubwalkubwal, nda ya ka dva ghuz, nda ya ka dva ghəlez. Ka gagamta gwal ta vivɗa ta kerubaha mida guli. 2Slrakwa patak turtuk ya ná, ka mitər ghwaŋpəɗ fwaɗ katsi, bughwata ni guli ka mitər his. Ka gragra dzaʼa nzakwa inda tsa patakha ya. 3Dzaʼa hlaf hla lu ta patakha hutaf ka nzagwafta, hlafha lu ta sanlaha guli ta patakha hutaf ka nzagwafta. 4Ta sana slərpa turtuk ta kɗavakta ni təv ŋa nzugway ta tsa mahutafa patak ya ná, ka maguŋta ka ta ketsiŋha nda sləvdza kubwalkubwal. Manda tsaya dzaʼa maguŋta ka guli, təv kɗavakta tsa nzugwata ni hutaf ya guli. 5Mantsa tama, ŋa maguŋta gha ta ketsiŋha hutaf mbsak təv slərpa ta tsa patakha nzagwaf ka taŋtaŋ ya. Ketsiŋha hutaf mbsak guli ta slərpa tsaha nzagwaf ka mahisa ya, ŋa guyanata gha ta tsa ketsiŋha ya sani nda sani. 6Ka magafta ka ta skwiha hdeuʼhdeuʼ hutaf mbsak ka dasu. Ka nzagwanata ka ta tsa patakha ya nda tsa skwiha hdeuʼhdeuʼ ya sani nda sani ŋa nzakwa ni ka həga tumpul turtuk.
7Ka magafta ka ta patakha ghwaŋpəɗ ndeŋ nda swida gu, ŋa nzakwa ni ka tumpul ta ghəŋa həga tumpul. 8Slrakwa patak turtuk ná, mitər ghwaŋpəɗ hutaf katsi. Bughwata ni guli ná, ka mitər his katsi. Ka gragra dzaʼa nzakwa inda tsa patakha ghwaŋpəɗ ndeŋ ya. 9Ka hlafta ka ta patakha hutaf ka nzagwafta, hlafta ka guli ta patakha mkuʼ ka nzagwafta. Tsa mamkuʼ a tsa patak ya ná, ŋa guɓadanata gha nda ta kəma tsa həga tumpul ya. 10Ta sana slərpu turtuk ta tsa patakha hutaf taŋtaŋ ya ná, ŋa maguŋta gha ta ketsiŋha hutaf mbsak. Manda va tsaya dzaʼa maguŋta ka təv slərpa tsa sana mahisa patakha mkuʼ ya guli. 11Ka magafta ka ta skwiha hdeuʼhdeuʼ hutaf mbsak ka ghuva tili. Ka hahamta ka ta tsa skwiha hdeuʼhdeuʼ ya ma tsa ketsiŋha ya, ŋa guyanatá tsa tumpul ya ŋa nzakwa ni ka skwa turtuk. 12Tsa pɗakwa patakha dzaʼa malapta ka rita patak ya ná, dzaʼa hanada hana nda ta hula həga tumpul. 13Slrakwa tsa patakha ya guli ná, dzaʼa malap mala ka rita mitər ta tsa tumpul ka liŋ ya, ŋa hanadata ni ta slərpuha həga tumpul his, ŋa bukwamta. 14Ka magafta ka ta hutaha maŋazak dvap lu ŋa bukwamtá tsa həga tumpul ya. Magaf ka guli ta sana hutaha ɗina ɗina ŋa zləɓanaghata.
15Ka fifiɗafta ka ta katakuha udza kwehi ŋa ba həga tumpul, ŋa dzagwata nda dzagwa. 16Mitər hutaf dzaʼa nzakwa slrakwa kataku turtuk, saŋtimitər ndəfáŋ mbsak hutaf mida bughwata ni guli. 17Ka magafta ka ta tsa kataku ya ta dzvuha his ŋa gwaya sana nda sani. Mantsa ya dzaʼa magafta ka ta inda katakuha tsa həga tumpul ya. 18Ka fifiɗafta ka ta katakuha hisambsak ŋa ta slərpu nda təv suda tsa ŋa ba həga tumpul ya. 19Ka magafta ka ta tughuha fwaɗ mbsak ka kfura tsedi ŋa pghiŋta mista tsa katakuha hisambsak ya. Tughuha his ta mndəra kataku turtuk ŋa dihanatá tsa dzvuha his ya. Mantsa ya mista inda ni. 20Təv mahisa slərpa tsa həga tumpul nda təv mazlay ya guli ná, katakuha hisambsak, 21nda tughuha ni fwaɗ mbsak ka kfur tsedi, his his his dzaʼa nzakwa tughuha mista ni. 22Ka fifiɗaftá ka katakuha mkuʼ ŋa ta slərpa hula tsa həga tumpul ya nda təv dɗakwa fitika ni. 23Ka fifiɗafta ka ta katakuha his guli ŋa ta tuldiha nda ta hula tsa həga tumpul ya. 24Dzaʼa zləɓafta nda zləɓa lu ta həŋ daga ta mndər, ka hbanatá ghəŋa ni ɗina nda gidaŋ. Mantsa tsaya dzaʼa nzakwa tsi nda həŋ his his, ŋa nzakwa taŋ ka tuldiha his. 25Tsaya tama ná, tghas dzaʼa nzakwa tsa katakuha ni ya, ghwaŋpəɗ mkuʼ tughuha ni ka kfura tsedi his his his mista inda kataku.
26Ka fifiɗafta ka hutaf ta həndilha udza kwehi ŋa hbanatá tsa katakuha həga tumpul ya nda təv slərpu turtuk. 27Ka fifiɗafta ka hutaf ta həndilha, ŋa hbanatá tsa katakuha həga tumpul ya, nda təv sana slərpu turtuk guli. Ka fifiɗafta ka hutaf guli ta həndilha, ŋa hbanatá tsa katakuha həga tumpul ya, nda ta hul, nda təv mazu. 28Tsa həndil ma takataka ya ná, dzaʼa dzadap dza lu ma takataka tsa katakuha ya dikw ta kɗavakta ni ta sana slərpu. 29Ka zlərɓafta ka nda dasu ta tsa katakuha nda tsa həndilha ya. Nda dasu dzaʼa magafta ka ta gidaŋha dzaʼa ŋaŋanatá həndilha. 30Ka bafta ka ta tsa həga tumpul ya manda va na maragha yu ta na ghwá na.
31Ka magafta ka ta zlala nda sləvdzi ka kubwalkubwal, nda ya ka dva ghuz, nda ya ka dva ghəlez nda tsərslata vəvɗatá sləvdza liŋ kulefeɗ. Ka gagamta gwal ta vivɗa ta kerubaha mida guli. 32Ka hbapta ka ta guguɗiha udza kwehi fwaɗ zlərɓata ni nda dasu, nda hdeuʼhdeuʼha ka dasu, dzaʼa didihanata lu ta tughuha fwaɗ ka kfura tsedi. 33Nda mista tsa skwiha hdeuʼhdeuʼ ya dzaʼa hbiŋta ka ta tsa zlala ya. Dzaʼa kladamta nda ta hula tsa zlala ya ka ta akwata dzratá wi. Tsa zlala ya dzaʼa dgaghunaptá vli nda ghuɓa, nda vli ta ghuɓuta. 34Ka fafta ka ta paɗuwa vla pla dmaku ta akwata dzratá wi, ma tsa vli ta ghuɓuta ya. 35Ka fata ka ta tabəl nda ta kəma zlala ma tsa vli nda ghuɓa ya nda ta slərpu ma tsa həga tumpul ya nda ga mazlay. Ka fata ka guli ta pitirlaha mbəŋ nda tsa tabəl ya nda ta slərpu təv maghura. 36Ka magafta ka ta laɓle ŋa ta wa tva lam da tsa həga tumpul ya nda sləvdzi ka kubwalkubwal, nda ya ka dva ghuz, nda ya ka dva ghəlez nda tsərslata vəvɗatá sləvdza liŋ kulefeɗ, gwal ta vivɗa dzaʼa gagamta. 37Ka fifiɗafta ka ta guguɗiha udza kwehi hutaf ŋa hbaptá tsa laɓle ya. Ka zlərɓata həŋ ka nda dasu. Ka dasu ká hdeuʼhdeuʼha taŋ guli. Ka nwapta ŋa tsa tughuha hutaf ya ta ghuva tili. »
Currently Selected:
Sab 26: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
