Sab 25
25
Skwiha ŋa magaftá həga tumpul
1Ka Yawe nda Musa mantsa: 2« Mnana mna ta la Israʼila ka tskaɗifta həŋ mbəhuha. Da inda gwal dzaʼa vlay nda ŋuɗuf turtuk dzaʼa tskaɗifta kuni. 3Tsa skwiha dzaʼa kuni tskiɗifta da həŋ ya ná, wya həŋ: Nda dasu, nda kfura tsedi, nda ghuva tili, 4nda sləvdzi ka kubwalkubwal, nda ya ka dva ghuz, nda ya ka dva ghəlez, nda liŋ kulefeɗ, nda swida gu, 5nda hutaha maŋazak dvap lu, nda hutaha ɗina ɗina, nda udza kwehi, 6nda rɗa zaytuŋ ŋa da pitirlaha, nda urdi ŋa laɓay nda rɗa fata ka ŋa Yawe, nda urdi zɗa ziʼakwa ni ŋa dray nda dra, 7nda palaka uniks, nda sanlaha ma palaha nda bla nda bla ŋa wirtsaptá ifut#25:7 Ifut na: Tsaya sana lgut kwapeh kwapeh ta habana lu nda zuʼi ta badzaga ta badzaga ta fanaghata gwal ta dra skwi ŋa Lazglafta ta ghəŋa lguta taŋ. nda ya ta zliba ghuva. 8Ka magaɗifta la Israʼila ta vli nda ghuɓa ŋa nzata ɗa mataba taŋ. 9Ka magafta kuni ta tsa həga tumpul ya nda inda huzla mida tani manda va ya dzaʼa maraghata yu. »
Akwata dzratá wi
10« Ka tsafta həŋ ta akwati nda udza kwehi ka graftá slrakwa ni ka saŋtimitər dərmək nda hisambsak hutaf mida, bughwata ni guli ka saŋtimitər ndəfáŋ mbsak hutaf mida, slada ni guli ka saŋtimitər ndəfáŋ mbsak hutaf mida. 11Ka zlərɓafta ka nda dasu ghenen ta huɗa ni nda hula ni tani. Ka ɓluŋta ka ta wa ni nda dasu. 12Ka nwapta ka ta gidaŋha fwaɗ ka dasu, ŋa ndeʼafta gha ta səlaha ni fwaɗ guli, his təvu ya slərpu his təvu ya slərpu. 13Ka fifiɗafta ka ta sandlaŋha udza kwehi, ka zlərɓata nda dasu. 14Ka dzadzamta ka ta tsa sandlaŋha ya da tsa gidaŋha ta slərpuha tsa akwati ya ŋa klay tida. 15Ka nzakwa tsa sandlaŋha ya ma tsa gidaŋha tsa akwati ya, haɗ lu dzaʼa tshigiŋta wa. 16Ka pghamta ka ma tsa akwati ya ta klamha dzratá wi dzaʼa vlaghata yu.
17Ka magafta ka ta paɗuwa vla pla dmaku ka dasu ghenen. Slrakwa ni ka saŋtimitər dərmək nda hisambsak hutaf mida. Bughwata ni guli, ka saŋtimitər ndəfáŋ mbsak hutaf mida. 18Ka tsatsafta ka ta kerubaha#25:18 Kerubaha: Mndərga sana duhwalha Lazglafta ta ngha skwiha nda ghuɓa his ka dasu. Nda dasu pəslap lu nda guduma dzaʼa tsatsafta ka ta həŋ ta wa slərpuha tsa paɗuwi ya his. 19Ka magafta ka ta kerubaha his pal ta wa ya slərpu, pal ta wa ya slərpu. Ka magafta kuni ta tsa kerubaha ya ka skwa turtuk nda tsa paɗuwi ya ta tsa slərpuha ni his ya. 20Ka zlatagata tsa kerubaha ya ta zlambak nda ta luwa, ka bukwanaghatá tsa paɗuwi ya nda tsa zlambakha taŋ ya, ka nzata taŋ mbəŋ ya mbəŋ ya, ka dzadzagatá ghəŋ nda təv tsa paɗuwa vla pla dmaku ya. 21Ka pghamta ka ma tsa akwati ya ta klamha dzratá wi ta dzaʼa vlaghata yu ya. Ka fuŋta ka ta tsa paɗuwi ya ta wa tsa akwati ya. 22Hada ta ghəŋa tsa paɗuwa vla pla dmaku ya dzaʼa guyakwa u ma takataka tsa kerubaha his ta tsa akwata dzratá wi ya. Hada dzaʼa mnaghata yu ta inda zlahuha ɗa ŋa la Israʼila. »
Tabəla buradi ta vəl lu ŋa Yawe
23« Ka tsafta ka ta tabəl nda udza kwehi: Ka mitər turtuk slrakwa ni, ka saŋtimitər hutaf mbsak bughwata ni, ka saŋtimitər ndəfáŋ mbsak slada ni. 24Ka zlərɓafta ka nda dasu ghenen. Ka ɓluŋta ka ta wa ni nda dasu. 25Ka maguŋta ka ta skwi taɓta pehwata dzvu ta wa ni ka wanafta, ka maguŋta ka ta dasu ta wa ni ka wanafta guli. 26Ka magafta ka ta gidaŋha fwaɗ ka dasu. Ka pghafta ka ta tsa gidaŋha ya ta vata slərpuha ni fwaɗ ta tsa səlaha ni fwaɗ ya. 27Ndusa nda tsa skwi pehwa ta wanafta ya, dzaʼa nzakwa tsa gidaŋha ya ŋa ŋaŋanatá sandlaŋha ŋa kla tsa tabəl ya. 28Ka fifiɗafta ka ta sandlaŋha udza kwehi, ka zlərɓata ka nda dasu. Ta həŋ dzaʼa kla lu ta tsa tabəl ya. 29Ka magafta ka ta kliwtirha, nda leghwaha, nda hurdzukha, nda kwapha, ŋa slranatá skwi. Nda dasu ghenen dzaʼa magafta ka ta həŋ. 30Ka pghafta ka ta tsa tabəl ya ta buradi dzaʼa vlihata lu ŋa nzakwa ni ta kəma ɗa ŋa ɗekɗek. »
Sundula pitirla ka dasu
31« Ka magafta ka ta sundula pitirla nda dasu ghenen. Tida tida dzaʼa taɗagapta ka nda guduma ta səla ni, nda sundula ni, nda ŋulaŋha ni, nda mazalha ni, nda vzlizlaha ni ka skwa turtuk. 32Mkuʼ dzaʼa taɗagapta ka ta zligamaha ta slrəpuha ni. Hkən zligama təv ya, hkən zligama təv ya. 33Ta inda tsa zligamaha ya ná, hkən hkən hkən dzaʼa nzakwa ŋulaŋha ni manda ŋa fwa amanda nda mazalha ni, nda vzlizla ni ya. 34Ta tsa sundula pitirla ya ná, fwaɗ nzakwa ŋulaŋha ni manda ŋa fwa amanda nda mazalha ni, nda vzlizla ni ya tani. 35Pal pal pal dzaʼa nzakwa mazal mista vla nzagwatá tsa zligamaha hkən ya. Mantsa ya dzaʼa nzakwa həŋ ta tsa zligamaha mkuʼ ya. 36Tsa mazalha ni nda zligamaha ni ya ná, ka skwa turtuk nda tsi dzaʼa nzakwa həŋ. Inda ni ná, nda guduma dzaʼa taɗagapta lu ta həŋ ka dasu ghenen. 37Ka magafta ka ta pitirlaha ndəfáŋ tida, ka tsafta lu ta vu ta pitirlaha nda təv ŋa tsuwaɗakay ni ta vli nda ta kəma ni. 38Lmislha ni nda hutayha ni ya guli ná, ka dasu ghenen dzaʼa nzakwa həŋ. 39Inda tsa huzlaha ya ná, nda kiluʼ a dasu ghenen hkən mbsak hutaf mida dzaʼa slarafta lu ta həŋ. 40Ka famta ka ma ghəŋ ɗina, ka magata ka ta tsa slna ya manda va na ta maraghata yu ta na ghwá#Slg 7:44; Heb 8:7. na. »
Currently Selected:
Sab 25: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
