Sab 20

Zlahuha ghwaŋ

1Ka Lazglafta nda la Israʼila mantsa:

2« Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

3Yaha ka nda sanlaha ma lazglaftaha ba iʼi turtukwa ɗa#20:3 Ka gwaɗa Hebru ta mnay na: Yaha ka nda sanlaha ma lazglaftaha ta kəma ɗa..

4Ma tsaf ka ŋa ghəŋa gha ta skwa wuyay dər ka wu ka wu tsi ta gara vgha nda skwiha nda gaftək ta luwa, nda ya ndakalandala ta haɗik, nda ya ma imi mista haɗik. 5Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ. 6Ama ta maranaŋ mara yu ta zɗakwa ɗa ha ka lab ta dəmbuʼata zighiha ta gwal ta ɗvuta iʼi, ta sna zlahuha ɗa.

7Ma hgaŋ ka ta hga Yawe, Lazglafta gha ka bətbət. Iʼi Yawe ná, haɗ yu dzaʼa zlanata tsanaghatá guma ta mndu ta hga hga ɗa ka bətbət wa.

8Havap hava ka fitika Sabat ŋa nza kwa ni nda fa ka ŋa ɗa. 9Ma fitik mkuʼ, dzaʼa magata ka ta inda slnaha gha. 10Ama mandəfáŋa fitik ya ná, nda nza ka Sabat ŋa Yawe, Lazglafta gha. Ma mag ka ta dər wati ma slna, dər kagha, dər zwaŋa gha, dər makwa gha, dər kwalva gha, dər kurɗa gha, dər rina gha, dər mayəm ta nzaku mataba ghuni a tsi. 11Ma fitik mkuʼ magafta Yawe ta luwa, nda haɗik, nda imi, nda inda skwi ma həŋ, ka mbiʼaptá tsi ta vgha ni baɗ mandəfáŋ. Tsaya kəl Yawe ka tfanaghatá wi ta Sabat#Zlr 2:1-3; Sab 31:17., ka fatá tsi ka ŋa ni.

12Vlaŋ vla ta glaku ta i da gha, nda ma gha, kada slravaghata hafa gha ta haɗik dzaʼa vlaghata Yawe, Lazglafta gha#Vzl 27:16; Mat 15:4, 19:19; Mak 7:10, 10:19; Luk 18:20; Afi 6:2-3..

13Ma dza ka ta mnda səla#Zlr 9:6; Lev 24:17; Mat 5:21, 19:18; Mak 10:19; Luk 18:20; Rum 13:9; Yak 2:11..

14Ma hlə ka tiri#Lev 20:10; Mat 5:27, 19:18; Mak 10:19; Luk 18:20; Rum 13:9; Yak 2:11..

15Ma ghal ka ta ghali#Lev 19:11; Mat 19:18; Mak 10:19; Luk 18:20; Rum 13:9..

16Ma gə ka ta masləmtsəka tsakalawi ta ghəŋa sləvda gha#Sab 23:1; Mat 19:18; Mak 10:19; Luk 18:20; Rum 13:9..

17Ma harauʼa ka ta həga ga sləvda gha, ma haraʼu ka ta markwa sləvda gha, dər kwalva ni, dər kurɗa ni, dər sla ni, dər kəɗiha ni, dər inda skwa ni#Rum 7:7, 13:9., » kaʼa.

Hluta zləŋ ta la Israʼila

18Ta snay inda la Israʼila ta tsa ŋəzla luwa, nda ghudzaga duli ya. Ta nghay həŋ ta wuɗa luwa guli, nda kuɗumbulatá tsa ghwá ya ka ɗiŋ. Na nghay taŋ ta tsa skwiha ya, ka ghudzaku həŋ ta ghudzaku da zləŋ, ka nzaktá həŋ kətsaʼu diʼiŋ#Heb 12:18-19.. 19Ka həŋ nda Musa mantsa: « Kagha katsi gwaɗay ŋa ŋni, dzaʼa snagha sna ŋni. Ama ma gwaɗ Lazglafta ŋa ŋni da rwuta ŋni, » ka həŋ. 20Ama ka Musa nda mnduha mantsa: « Ma zləŋ kuni ta zləŋ! Sagha da dzəghaghunata Lazglafta ŋa ghuni ta zləŋay, kada kwala kuni ga dmaku, » kaʼa. 21Ka nzaktá mnduha kətsaʼu diʼiŋ, ta gavadaghatá Musa ndusa nda tsa kusay tɗik katakata nzam Lazglafta mida ya.

Zlahu ta ghəŋa skwa pla ghəŋ

22Ka Yawe nda Musa mantsa: « Wya skwi dzaʼa ka mnanatá la Israʼila: “Nda ngha vərɗa kaghuni ká yu gwaɗagata ka kaghuni daga ta luwa. 23Ma tsatsaf kuni ŋa ghəŋa ghuni ta sana lazglaftaha ka kfura tsedi nda ya ka dasu, ma magaɗiva kuni. 24Ka magaɗifta kuni ta gwir ka haɗik. Tida dzaʼa plihata kuni ta ghəŋ nda rina fisika ghuni, nda slaha ghuni, ŋa dray tsuh tsuh, nda pla ghəŋa zɗaku guli. Ma inda dər wati ma vli dzaʼa havaghunakta yu ta hga ɗa ya ná, dzaʼa sagha sa yu da kaghuni, ŋa tfaghunaghata ɗa ta wi. 25Ka dzihwaɗif dzihwa kuni ta gwir nda pala katsi, yaha kuni dzihwafta nda palaha fifiɗa kuni nda fifiɗa. Ta fiɗ kuni ya ná, dmanaf dma kuni nda tsa#Vzl 27:5-7; Yəh 8:31.. 26Yaha kuni dzihwaɗiftá gwir ya ta ŋlə lu nda ŋla tida, kada kwala lu ta nghadafta ka fərdiʼu a tsa mndu ta ŋlə tida ya,” » kaʼa.

Currently Selected:

Sab 20: xed

Highlight

Copy

Compare