Popular Bible Verses from Sab 20

Share

« Iʼi ná, Yawe yu, Lazglafta gha ta klagaghapta ma ga vuʼa ma haɗika Masar. Yaha ka nda sanlaha ma lazglaftaha ba iʼi turtukwa ɗa.

Ma tsaf ka ŋa ghəŋa gha ta skwa wuyay dər ka wu ka wu tsi ta gara vgha nda skwiha nda gaftək ta luwa, nda ya ndakalandala ta haɗik, nda ya ma imi mista haɗik. Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Vlaŋ vla ta glaku ta i da gha, nda ma gha, kada slravaghata hafa gha ta haɗik dzaʼa vlaghata Yawe, Lazglafta gha.

Havap hava ka fitika Sabat ŋa nza kwa ni nda fa ka ŋa ɗa.

Ma hgaŋ ka ta hga Yawe, Lazglafta gha ka bətbət. Iʼi Yawe ná, haɗ yu dzaʼa zlanata tsanaghatá guma ta mndu ta hga hga ɗa ka bətbət wa.

Ma fitik mkuʼ, dzaʼa magata ka ta inda slnaha gha. Ama mandəfáŋa fitik ya ná, nda nza ka Sabat ŋa Yawe, Lazglafta gha. Ma mag ka ta dər wati ma slna, dər kagha, dər zwaŋa gha, dər makwa gha, dər kwalva gha, dər kurɗa gha, dər rina gha, dər mayəm ta nzaku mataba ghuni a tsi.

Ma harauʼa ka ta həga ga sləvda gha, ma haraʼu ka ta markwa sləvda gha, dər kwalva ni, dər kurɗa ni, dər sla ni, dər kəɗiha ni, dər inda skwa ni, » kaʼa.

Ma gə ka ta masləmtsəka tsakalawi ta ghəŋa sləvda gha.

Ma hlə ka tiri.

Ma dza ka ta mnda səla.

Ma ghal ka ta ghali.