Sab 2

Yatá Musa

1Ka sliʼaftá sana mndu mataba la Levi ka klaftá makwa mataba la taŋ. 2Ka zlghaftá tsa makwa ya ta huɗi, ka yatá tsi ta zwaŋa zgun. Kəʼa kəʼa ná, ɗina tsa zwaŋ ya, ka klaftá tsi ka ɗifanata ka tili hkən. 3Ta nghə tsi ná, lavgliŋ a ta ɗifglanata wu, ka klaftá tsi ta tughba gaf lu nda suʼit. Ka zlərɓaptá tsi ta huɗa ni nda kwalta, nda ya nda ndəfáŋ. Ka klaftá tsi ta tsa zwaŋ ya ka famta mida, ka laghu da famta ma zaŋwafiha ta wa ghwa Nil. 4Ka nzaktá makuma ni ma tsa zwaŋ ya manda a, ka ngha skwi dzaʼa magaku nda tsi.

5Ka laha makwa Firʼawna da ghwa da mbaza ni. Ka wawaku sana kuʼaha ta pghay ta wawakwa taŋ ta wa tsa ghwa ya. Kəʼa ka tsa makwa mgham ya ná, ka nghaŋtá tsi ta tughba ma zaŋwafiha, ka ghunaftá tsi ta kurɗa ni da klanakta. 6Ka gunanaftá tsi, ka nghaŋtá tsi ta zwaŋa zgun ta taw mida. « Aya! » kaʼa, ka ksaŋtá tsi ka hiɗahiɗa, kaʼa mantsa: « Zwaŋa la Hebru ya, » kaʼa. 7Ka makuma ni ma tsa zwaŋ ya nda makwa Firʼawna mantsa: « Ka dzaʼa yu hgaghaktá marakw mataba miʼa la Hebru ŋa say ni ta uʼa ŋa na zwaŋ na ŋa glaghata ra? » kaʼa. 8Ka makwa Firʼawna nda tsi mantsa: « La! » kaʼa. Ka laghu tsa makwa ya da hgagaghatá ma ni ma tsa zwaŋ ya. 9Ka makwa Firʼawna nda tsa marakw ya mantsa: « Kla ta na zwaŋ na, ka sa ka ta uʼa ŋa ni da manaka ɗa, dzaʼa plagha pla yu ta nisəla gha, » kaʼa. Ka klaghatá tsa marakw ya ta tsa zwaŋ ya, ka vla uʼa ni ŋa ni. 10Glavata tsa zwaŋ ya, ka klaftá ma ni ka klədanaghatá makwa Firʼawna. Ka nutá tsa zwaŋ ya ka ŋa ni. Ka tsanaftá tsi ta hga ni ka Musa, kaʼa mantsa: « Ma imi klagapta yu, » kaʼa.

Hwayaghata Musa ta haɗika Midyaŋ

11Ma sana fitik, nda gla Musa ka duhwal tama, ka sliʼaftá tsi ka labi da nghanaghatá zwana ma ni la Hebru. Ka nghanatá tsi ta blakwa slna fanagha lu ta həŋ ŋa magay ka mbraku. Ka nghaŋtá tsi guli ta sana mnda la Masar ta dza sani mataba zwana ma ni la Hebru. 12Ka naghapta Musa, ngha a ta mndu wu. Ka dzatá tsi ta tsa mnda la Masar ya ka lamta ma wutak. 13Ga mahtsima ni, ka vrəgladaghatá Musa, ka nghaŋtá tsi ta la Hebru his ta lmu guli. Kaʼa nda tsa mndu ta gatá gwaɗa ya mantsa: « Kabgawu ta kəl ka ka dza zwaŋama gha na? » kaʼa. 14Ka tsa mndu ya nda tsi mantsa: « Wa ta faghamta ka mala ŋni ŋa tsa guma ta ghəŋa aŋni na? Ari ta kumay a ka ta dzihata manda tsa dzata gha ta mnda la Masar ya guli na? » kaʼa. Ka Musa ma ghəŋa ni mantsa: « A nda sna lu ta skwi maga yu, » kaʼa. Ka ksaftá zləŋ. 15Ka snanaghatá tsi ta Firʼawna, ka zbə tsi ta tvi ŋa dzata. Ama ka hwaygadanaghutá Musa ta Firʼawna ka laghu tsi nzata ta haɗika Midyaŋ. Ɓhadaghata ni da hada, ka lagha tsi da nzata ta wa vavrəm.

16Tsaw mamu sana mnda dra skwi ŋa Lazglafta ma Midyaŋ, ndəfáŋ kwagha ni. Ka lagha tsa kuʼaha ya da zakamtá imi ma tsughaŋ, ŋa say rina fisika da taŋ. 17Ama ka sliʼadaghatá sanlaha ma gwal ngha rini ka ŋawa tsa kuʼaha ya. Ka sliʼaftá Musa ka lagha ka katatá həŋ, ka sasuŋtá tsi guli ta imi ta rina taŋ. 18Ka sliʼaftá tsa kuʼaha ya, ka vraghuta dzagha slanaghatá da taŋ Rəghuʼel. Kaʼa nda həŋ mantsa: « Nya kəl kuni ka vrakta tewtew gita na? » kaʼa. 19Ka həŋ mantsa: « Sana mnda la Masar ya ta kataŋnata da sanlaha ma gwal ngha rini, ka va zakamtá tsi guli ta imi, ka sasuŋtá rini, » ka həŋ. 20Kaʼa nda kwagha ni mantsa: « Ga tsa mndu ya na? Nya kul hgaktá kuni ɓa? Lawa hgakta ŋa za skwa zay, » kaʼa. 21Ka lagha Musa nzata ga taŋ. Ka vlaŋtá tsi ta makwa ni Tsifura ŋa nzakway ka markwa taŋ. 22Ka yanatá tsi ta zwaŋa zgun. Ka Musa mantsa: « Gersum dzaʼa tsanafta yu ta hga ni, manda mnay kazlay “mayəm” kəʼa ya, kabga ma mayəm yu hadna, » kaʼa.

Snaŋta Lazglafta ta waha la Israʼila

23Tahula luta vaku kaɗ ka skwi mida tama, ka mtutá mghama Masar. Ka ŋaɗ la Israʼila ta ghəŋ, ka wahu, ka ɗawa katu ta ghəŋa datá vgha taŋ ma ga vuʼa, ta maga slna mbraku. Ka ɓhatá tsa waha taŋ ya da Lazglafta. 24Ka snaŋta Lazglafta ta tsa waha taŋ ya. Ka havaktá Lazglafta ka dzratá wa ni nda Abraham, nda ya nda Izak, nda ya nda Yakubu. 25Ka nghanaghatá Lazglafta ta la Israʼila. Ka snaŋtá Lazglafta ta nzakwa taŋ.

Currently Selected:

Sab 2: xed

Highlight

Copy

Compare