Zaburi 138
138
Kushukuru kwa kauli ya Mola
Zaburi ya Daudi.
1Omi núkutukuza, Mola,
kwa moyo wangu piya.
Mbere ya milungu
nikwimba núkutukuza.
2Nukwinamira nyumba yako takatifu
na níshukuru zina rako,
kwa pendo rako rakwaminika
pamoja na kauli yako.
Kamana kurikurisa julu ya piya vinu
zina rako na usemi wako.
3Suku yanukutajire, uwe kunijibu;
kunipa nguvu mmoyo mwangu.
4Piya mafalume wa mulumwengu‑mu
wákushukuru, Mola,
konta wasikira kuhusu tamaa zako.
5Wakwimba kuhusu vyaatendire Mola,
wakwamba: “Kikulu ndi utukufu wa Mola!”
6Ingawa Mola kawa julu,
iye áwawona sawari kinu,
ila wenye kuridãi
awejiwa ari baidi.
7Ingawa niwa mmashaka,
úsunga mainsha angu.
Olosa nkono wako
ka nyongo ya maaduwi wangu,
na nkono wako nriro úninusuru.
8Uwe #138:8 Kiebraniya: “Mola”. útimiza anzima yako kwangu omi.
He Mola, pendo rako rakwaminika rírimba daima;
usitipuke kisumo ca kazi ya makono ako!
Currently Selected:
Zaburi 138: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
