Ding Dalit 96
96
Ing Dios, ing Ari ding Sablang Ari
(1 Cronica 16:23-33)
1Magkanta kayung bayung kanta king Ginu!
Magkanta ka king Ginu, O meto yatu!
2Magkanta kayu king Ginu at purian ye;
ibalita yu aldo-aldo ing pamagligtas na kekatamu!
3Ing kayupayan na karing bansa ibalita yu,
at ding makapagmulalang dapat na karing sablang tau.
4Uling ing Ginu maula ya, at dapat yang purian,
kailangan yang galangan maygit karing aliwang dios-diosan.
5Ding dios da ring paganu idolo la mu;
oneng ing linalang king banua ya ing Ginu.
6Makapadurut king Ginu ing ligaya at kamalan;
kayupayan at leguan ing atyu king keyang Templo.
7 # Dalit 29:1, 2. Purian ya ing Ginu, ikong sablang tau keti king yatu,
purian ing ligaya at kayupayan na!
8Purian ya ing maligaya nang lagyu;
king Templo na malaus kayu at ain ibie yu.
9King banal a gayak samban ya ing Ginu;
galgal ka arapan na, O meto yatu!
10Karing sablang bansa sabian yu: Ing Ginu ari ya.
Ya ing minie tetagan king yatu, inya e ya numanu;
king mitmung katuliran ukuman na lang sablang tau.
11Paburen yang tumula ing banua; paburen ing yatu magsaya ya,
at pati na ing dagat at ing sablang keyang sakup;
12paburen yung ding marangle at ding sablang tanam da tumula la!
Kanita ding sablang tanaman ning kagubatan
magkanta la uli ning tula ra,
13potang datang ya ing Ginu ban mag-ari king yatu.
Pamahalan no ding sablang tau king alang pamangabiran,
at king mitmung katuliran.
Currently Selected:
Ding Dalit 96: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
