Ding Dalit 78
78
Ing Dios at ing Balen Na
1Makiramdam ka, O balen ku,
king kakung tuturu;
itingid mung kekang panamdam karing amanung kakung sabian.
2 # Mt 13:35. Ing asbuk ku magsalita ya king kapamilatan ning talimhaga,
at ibulalag ku lang lihim a aral a milihim king milabas a panaun;
3itang sablang dimdam ta na at balu
a tiru ding makatua tamu.
4E tamu kailangan lilihim karing kekatamung lahi,
nune kailangan tamung ilipat at sabian karing tutuking lahi
ing sikanan ning Ginu, at ding makapagmulalang bage depat na.
5Kang Jacob minie yang kautusan;
penabilin na karing kekatamung makatua
king ituru lang kautusan na karing karelang anak.
6Kanita abalu da la naman ding tutuking lahi,
at pati na ding daratang a lahi.
Ila man ituru da la karing maging anak da,
7kanita king Dios ibili ra ing kapanayan da,
at e ra kalinguan ing dapat ning Dios,
nune tupad lang parati king kautusan na.
8Kanita e la mangari karing karelang makatua;
king Dios e la maging masias a buntuk at lahing mapaglaban;
maging lahi lang matatag at manatiling tapat king Dios.
9Pakasandata la ngan ding anak nang Efraim,
oneng king aldo ning pamakilaban ginulut la ngan.
10E la tinupad king kasunduan da king Dios,
at e la bisang tuntun king keyang kautusan.
11Kelinguan da lang bage depat na,
ding dakal a mala a pepakit na karela.
12 # Exo 7:8—12:32. Ginawa yang mala ing Dios king akakit ding makatua ra
karin Ehipto, king kapatagan karin Zoan.
13 # Exo 14:21, 22. Pinitna ne ing dagat at karin na la pepadalanan,
at ing danum mengaring pader a matas.
14 # Exo 13:21, 22. Neng aldo kapamilatan ning biga ya ing tinaid karela,
at neng bengi kapamilatan ning aping masala.
15Binangal na lang batu king ilang;
dininan na lang dakal a inuman antimo waring meyakua king kalalaman.
16 # Kab 16:1—19:22. # Exo 17:1-7; Bilang 20:2-13. Pepasibul yang batis karing batu,
at minagus ing danum antimo ing ilug.
17Makanyan man king Dios sindu ra ing e tupad king kaburian na;
keta king disyerto lebanan de ing Kakataskatasan.
18 # Exo 16:2-15; Bilang 11:4-23, 31-35. Seria deng piniubukan ing Dios
king pamaniawad pamangan a karelang kapad.
19Angga king ing Dios lepastangan de pa.
Ngara, Agyu na kata waring pakanan keting ilang;
keti king disyerto, nanung malyari nang ayampang?
20Wa, ya itang mikpuk king batu,
at ing danum sinibul lapo-lapo.
Oneng agyu na kata kayang dinan tinape at karning apangan tamo?
21Mimua ya ing Ginu inyang dimdam na la.
Milablab anting api ing mua na kang Jacob at king Israel,
22uling e la bisang manalig;
e la bisang maniwala king iligtas na la.
23Makanyan man ing Ginu minutus ya king biga,
at inutus nang ibuklat lang pasbul ning banua.
24 # Kab 16:20-29; Jn 6:31. Pepauran yang manna ban apangan da,
at dininan nong tinape#78:24 King Hebreo: mannaibat banua.
25Inya ing tau king pamangan ding anghel mengan ya,
labis-labis ing pamangan a binie na karela.
26Pepatiup ne ing angin ning aslagan,
at ing angin ning mauli king uli ning upaya na.
27Ing pamangan para karela anting alipugpug nang pepauran,
at peparatang yang dakal a ayup a kasing dakal ning balas king pampang ning dagat.
28Pepagpa na la king pepagkampuan da,
at makapadurut karing karelang tolda.
29Mengan la ding tau at kinabsi la,
uling binie na karela ing pamangan a buri da.
30Oneng bayu ra ikuang apanusigan ing danup ning atian,
kabang king asbuk atyu pa ing pamangan,
31ing mua ning Dios mikalatang,
at ding pekamasikan karela gisan na lang pete,
at ding magaling nang kayanakan ning Israel.
32Agyamang makanyan na ing milyari,
sinulung da pa mu rin ing karelang pamikasala;
karing milagru#78:32 O kaya: mala. pilit lang e bisang meniwala.
33Inya pitlud nang anting pangisnawa ing bie ra,
at bildug na karela ing biglang parusa.
34Inyang atin neng paten karela
ding aliwa kanita king Dios linapit la;
migbalik la lub at taimtim sinisi la.
35Aganaka ra king ing Dios ya ing talaingat,#78:35 King Hebreo: roka.
king ing Dios a Kakataskatasan ya ing Talapagligtas da.
36Oneng ing amanung sinabi ra pawang kalaraman;
pamagkunwari ing atyu karela.
37 # Dapat 8:21. Uling ding pusu ra e la tapat;
king kasunduan da king Dios e la mu rin tinupad.
38Makanyan man, ing Dios a mapaglunus
pepatawaran na la at kinabus.
Maralas nang pipigilan ing mua na,
at ing kasbu na.
39Aganaka na king tau la mu,
mengari lang tiup ning angin a lalabas at kaybat mawala.
40E mu makatapilan ing lebanan de karin king ilang,
at king disyerto sigatan de kapanamdaman!
41Ing Dios ulit-ulit deng paniubukan,
at ing Banal ning Israel karela yang pepalungkutan.
42Ing maragul nang upaya karelang kelinguan,
at itang aldo a linigtas na la karing karelang kalaban;
43inyang dinapat yang milagru karin Ehipto, king kapatagan ning Zoan.
44 # Exo 7:17-21. Gewa nang daya ing danum da
ring karelang ilug ban ala lang ainum.
45 # Exo 8:20-24; Exo 8:1-6. Peparala yang dakal a lango ban pasakitan da la ring tau Ehipto;
pepalto yang tugak a misna karakal ban marangle karela yang siran.
46 # Exo 10:12-15. Sepakan nang ulad ing tenam da,
at pengan da ring durun itang mitagan a mikabunga.
47 # Exo 9:22-25. Ing uran-lipat naman pepagpa na karing ubas a tenam da;
ding karelang tanaman a sikomoro pete na la king dimla.
48Ding karelang baka mete la ngan king yelung peparatang na;
ding karelang tupa't kambing king kildap la mituran.
49Bignus na karela ing bigsikan na,
ing kamua na at kasbu;
mengari lang pulutung ding anghel a tinubud nang makamate karela.
50E na pinigil ing mua nang mikakalabkab,
e na la linigtas king kamatayan
at karing salut karin no gisan.
51 # Exo 12:29. Ding pangane karin Ehipto pete na la ngan,
ding sablang pangane ibat king lahi nang Ham.
52 # Exo 13:17-22. Kaybat liwal neng anting tupa ing balen na,
at tinaid anting kawan king ilang.
53 # Exo 14:26-28. Tinaid na lang mitmung kaingatan, inya e la mitakutan,
kabang ding karelang kalaban king dagat la mitakpan!
54 # Exo 15:17; Jos 3:14-17. Dela na la king bansa nang banal;
karing bunduk a simbut na.
55 # Jos 11:16-23. Penabi na lang memalen karin,
at pirakerake na at pepabandi karing tribu ning Israel; ing gabun ding memalen karin
at ding tuknangan da pepatuknang na la karela.
56 # Ukum 2:11-15. Makanyan man piniubukan de't lebanan ing Dios a Kakataskatasan;
e la memintu karing utus na.
57Peinggulutan de at meging taksil la pa antimo ding makatua ra;
e la apagkatiwalan antimo ing baluktut a pana.
58Pepamua re ing Dios karing santuaryung telakad da para karing karelang idolo,
peparatangan de pangalalu karing dios-diosan a karelang simban.
59Ikit ning Dios iti, at ing mua na mikalatang;
ing Israel lubus neng likuan.
60 # Jos 18:1; Jer 7:12-14; 26:6. Ing tuknangan na karin Silo,
ing tuknangan na libutad ding memalen na likuan na la.
61 # 1 Sam 4:4-22. Pepaburen neng mebihag ing Kaban ning Kasunduan,#78:61 O kaya: Tipan.
ing tanda ning kayupayan na at kaligayan menabu ya karing kalaban.
62Pepaburen na lang pete ra ding karelang kalaban
uling kemuan ne ing sarili nang bansa.
63Megisan la ding lalaki rang kayanakan king labanan,
inya ala lang katulid a asawa ding karelang kadalagnan.
64Pati karelang pari mete la ngan king pataram,
at ding karelang mebalu e la mekapaniambitan.
65Mengari ya ing Ginu king taung biglang migising;
kalupa ning taung mikapali king ininum nang alak.
66Pepayatrasan na lang kalaban,
makarine ing karelang pangasambut, at iti alang kapupusan.
67Oneng tinggian ne ing lahi nang Jose;
ing lahi nang Efraim e nia naman buri
68nune ing lahi nang Juda ya ing pinili na,
at ing Bunduk ning Zion a tune nang pakamalan.
69Karin ing Templo na telakad ne;
kalupa ning tuknangan na karin banua;
gewa neng tutung matatag kalupa ning yatu.
70 # 1 Sam 16:11, 12; 2 Sam 7:8; 1 Cro 17:7. Pinili ne i David a talasuyu na,
at king pamagpastul tupa karin ne kinua.
71Ibat king pamagpastul karing tupa gewa neng ari ning Israel
at pastul ding memalen na.
72Iningat na lang David king mitmung katapatan;
pemahalan na la king ganap a kabiasnan.
Currently Selected:
Ding Dalit 78: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
