Ding Dalit 44
44
Ing Pamaniawad Ingat
1Inistoria da kekami, O Dios,
ding makatua mi ing makapagmulala mung depatan
kanitang karelang kapanaunan.
2Ika kanu ing mitabi karing dakal a paganu#44:2 King Hebreo: bansa. ban karelang gabun kekang pabandi
karing taung pinili mu;
ding paganu keka lang pepagdusan,
oneng ing kekang balen dininan meng kanawan.
3E re asamsam ing gabun a ita kapamilatan ding karelang espada
o king sikanan a atyu karela;
nune uli ning kekang kayupayan at sikanan,
at uling minantabe ka karela.
Iti kekang depatan uling keka lang kaluguran.
4Ika ing Ari ku at Dios ku;
ing papagtagumpe king kekang balen.#44:4 King Hebreo: Jacob.
5King saup mu deigan mi lang kekeng kalaban;
king lagyu mu simbut mi la ngan.
6E king kakung pana karin ku manalig o king kakung espada karin ku masagip.
7Ika ing migligtas kekami karing kalaban mi;
binigu mu lang masama kekami.
8King Dios e ke tinuknang babie kapurian at kapasalamatan king kapilan pa man.
9Ngeni likuan mu kami at pepasambut;
e na ka mamantabe karing kekeng sundalus.
10Pepayatrasan mu kami libutad ning labanan,
at kekaming pibandian simsam ding kalaban.
11Peintulut mung katatan da kami anting tupa, at karing bansang dayuan kinalat mu ke pa.
12Pisali meng sarili mung balen king malating alaga;
balamu tutu na keng alang kwenta.
13Ding sablang makapadurut a bansa akakit dang kekang gewa;
pikaylian da kami at pituya-tuya.
14Gewa mu keng kasebian da ring bansa;
karelang kaylian at paninsultuan.
15Menatili kung sira dangalan;
maibug kung mate king kamarinayan
16king pamanyumpa at pamag-insultu
ding kalaban at masama kaku.
17Iti ngan milyari agyang e ra ka kelinguan o e tinupad king tinatag mung kasunduan.
18Agyamang e ke meging taksil keka,
kautusan mu pemintuan mi la.
19Makanyan man likuan mu kami, at pepaburen karing mabagsik a animal
libutad ning makapal a karalumduman.
20Nung sakali mang king Dios tinuknang keng sinamba
o kaya menalangin king dios a aliwa,
21siguradung iti atuklasan mu,
uling balu mu laman ding pusu mi.
22 # Roma 8:36. Wa, uli mu papaten da kami patitingapun,
anti keng tupang karelang pupulkeruan.
23 Ginu, migising ka! Ba't matudtud ka?
Mibangun ka at e mu ke sa tatanggian#44:23 O kaya: sasakuil. kapilan man.
24Ba't sasalikutan mu kami?
Ba't kelinguan mu ing kekeng kasakitan at kekaming dusa?
25Oyni king gabun milugmuk kami;
king alikabuk makapase.
26Me keni at saupan mu kami!
Uli ning lugud mung e kukupas
ikami sana kekang iligtas!
Currently Selected:
Ding Dalit 44: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
