Ding Dalit 35
35
Ing Panalangin ning Taung Maniawad Saklolu
1O Ginu, keka sanang talakaran kakung piamanuan;
ding makipate kaku keka la sanang labanan.
2Kuanan meng sandata mu't kalasag,
at saupan mu ku sanang agad.
3Talnan meng kekang tandus at palakul, laban karing kaku tatagal;
kaku, O Ginu, sabian mu king ika ing talapagligtas ku.
4Mipakarine la sa at milako puri ding sablang bisang makamate kaku;
pasiyatras la sa at isip magulu ding ating e mayap a tangka kaku!
5Maging anti la sanang sepu a ipaid na ning angin,
at isambulat ning tubud mung anghel.
6Bustan mung talusad ya, at dalumdum ing dalan da
kabang ing kekang anghel panagalan na la.
7King alang sangkan buri da kung dakpan,
kinulkul lang malalam ba ra kung patayan;
e ku man balu ing sangkan.
8King e ra kamalayan dugpa sana karela ing kasiran;
king inumang dang lambat sana ila ding marakap,
king gewa rang kulkul ila sana ding manakbag!
9Oneng aku tumula ku king Ginu,
tumula ku uling linigtas na ku.
10King mabilug kung pangatau sabian ku,
Ginu, ninu ing kalupa mu?
Ding maina keka lang sasagipan ketang masikan karela,
at ing pakakalulu king manalipusta king bie na.
11Ding malaram a testigu linto la,
at e katutuan ing kaku bibintang da.
12E mayap ing yablas da king dapat kung mayap;
iti tutu kung panamdaman.
13Inyang masakit la diname#35:13 King Hebreo: mimalan kung saku. ku karela,
at pati king pamangan menaguanta;#35:13 King Hebreo: mig-ayunu.
alang tuknang ing panalangin ku para karela.
14Uling kapatad at kakaluguran ing turing ku karela;
linakad kung mitmung lungkut,
anti ku waring kewalan ima.
15Inyang aku ing misakitan#35:15 King Hebreo: mitakid. migsaya la pang e makanyan-kanyan;
mitipun-tipun la ba ra kung insultuan.
King e ku kamalayan
pinyira da kung alang tuknang.
16Pisunu-sunu da ku at gewang karelang pikaylian;
pititigis da lang ipan da kaku!
17O Ginu, angga ka kapilan na mu makalawe?
Iligtas mu ku kaniting kakung kaligaligan,
ing bie ku kareting leon a mabagsik.
18Kanita libutad ding dakal a taung makapulung,
purian da ka at pasalamatan.
19 # Dalit 69:4; Jn 15:25. E mu paintulut tumula lang kakung kalaban
ngening ala kung kasalanan.
E mu sa paburen ing pikindatan da
ku detang alang sangkan mua kaku.
20E la biasang magsalita king kapayapan;
ding taung payapa ila pang karelang panyiran.
21Asbuk da agad dang kukulisak,
Ah, ah, mebante ka;
miyadia ka, ikit da ka!
22Ika ing testigu king malilyari, O Ginu;
e ka sa magmaklak-maklakan kaku;
e ka sa lalaut kaku.
23Kimut na ka at idipensa mu ku,
O Dios ku at Ginu ko; kakung dangalan kekang talakaran.
24O Ginu, ibie mu kakung katuliran uling makatuliran ka,
at e mu paintulut karing kakung kalaban ing lunto ku karelang kalibakan.
25E mu paburen isipan da at sabian,
Oyni ing panayan tamo!
at e mu paintulut sabian da, Simbut ta ne, ikit na!
26Pamakarine mu la at guluan a isip
ding matula king kabilian kung gipit.
Mipakarine la sana't milako dangalan detang migmaragul kaku.
27Oneng kulisak lang matula detang king katuliran ku magnasa;
sabian dang alang patna, Purian ya ing Ginu,
uling buri na ing makakayap kaku.
28At kakung sabian ing kekang kayapan;
ika ing kakung purian aldo o bengi man.
Currently Selected:
Ding Dalit 35: PmPV
Highlight
Share
Compare
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
