Ding Dalit 111
111
Ing Kapurian king Ginu
1Purian ya ing Ginu!
King mabilug kung pusu pasalamatan ke ing Ginu
king kapulungan ning balen na.
2Ding dapat ning Ginu tutu lang makapagmulala;
buri da lang pakaintindian ding kareti matula.
3Mitmung dangalan at kamalan ing sabla nang daraptan,
at ing kabanalan na manatili kapilan man.
4Ding makapagmulalang depat na kekatamu paganaka na la, maganaka ya at malunusan.
5Dinan na lang pamangan ding ating takut king Ginu;
e ne kakalinguan kapilan man itang pangaku#111:5 King Hebreo: kasunduan o tipan. na.
6Pepakit na king keyang balen ing upaya na;
binie no karela ding gabun da ring dayuan.
7King sabla nang daraptan tapat ya at makatuliran;
ayasahan lang sabla nang kautusan.
8Manatili la kapilan man,
uling tutu la at makatuliran.
9Binie na ing kaligtasan, karing memalen na,
at karela ginawa yang alang anggang kasunduan.
Banal ya at mayupaya ing lagyu na.
10 # Job 28:28; Kas 1:7; 9:10. Ing ating takut king Ginu ya ing pasimula king kabiasnan;
dirinan na lang mayap a pamanalastas ding mamintu karing utus na.
Purian ya kapilan pa man.
Currently Selected:
Ding Dalit 111: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
