Ding Dalit 1
1
ING MUMUNANG LIBRU
(Dalit 1—41)
Ding Tune Mapalad
1Mapalad ya ing taung e makiramdam
king tuturu ding e mayap a dapat,
at e makikiabe king dapat ding makasalanan o makikiluklukan karetang alang Dios a katawan.
2Matula na lang pamintuan ding kautusan ning Ginu,
at keya lang pagaralan#1:2 O kaya: pibulebulayan. aldo o bengi man.
3 # Jer 17:8. Mengari ya king tanaman a tutubu lele ning danuman,
at mamunga ya king keyang kapanaunan.
Sagiwa lang parati ding keyang bulung;
magtagumpe sabla nang daraptan.
4Oneng ding taung makasalanan e la makanyan;
sepu la waring pipaid-paid ning angin.
5Potang datang ing pamanukum na taung e mayap mitalakad ali la;
mikawani la ding makasalanan king katipunan ding makatuliran.
6Ingatan ne ning Ginu ing taung makatuliran,
oneng ing taung makasalanan miras ya king kapahamakan.
Currently Selected:
Ding Dalit 1: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
