Job 42
42
Kilala nang Job ing Kamalian Na
1Mekibat ya i Job king Ginu. Ngana:
2Balu ku, Ginu, ing agawa mu ing heganagana,
at alang makasagka king nanumang kekang tangka.
3 # Job 38:2. Kitang mu nung ba't masikan ku lub mangutang king kekang kabiasnan
samantalang metung ku mung taung ala namang beluan.
Migsalita ku karing bage a e ku aintindian,
karing bage tutung pagmumulalan a e ku aintindian.
4 # Job 38:3. Sinabi mu ing makiramdam ku kabang magsalita ka,
at pakikuanan kung apakibatan ku la ding kekang kutang.
5Kanitang minuna ing balu ku mu keka ya ing dimdam ku karing aliwa,
oneng ngeni ikit da ka ding sarili kung mata.
6Inya tutu kung pagmarinayan ing heganagana kung sinabi,
at sisisian ku king alikabuk at abu.
Kapupusan
7Ngana ning Ginu kang Elipaz kayari nang migsalita kang Job, Mua ku keka at karing adua mung kakaluguran, uling e kayu migsalita king katutuan tungkul kanaku antimo ing gewa ning talasuyu kung i Job. 8Ngeni, magdala kayung pitung baka at pitung tupang lalaki kang Job, at iyain yu lang ain-sakripisyu para karing sarili yu. Ipanalangin na kayung Job at tanggapan ku ing panalangin na at e ku gawan kekayu itang mangaintulid kekayu. E kayu migsalita king katutuan tungkul kanaku a antimo ing gewa nang Job.
9Gewa da ri Elipaz, Bildad, at Zofar ing sinabi na karela ning Ginu at pekiramdaman ning Ginu ing panalangin nang Job.
Gewa neng Pasibayung Mabandi ning Ginu i Job
10 # Job 1:1-3. Kaybat na lang penalangin Job ding atlu nang kakaluguran, gewa neng pasibayung mabandi ning Ginu. Dininan neng dobli king sadia nang bandi. 11Dinalo de ring kapatad nang lalaki at babai at ding sadia nang kakaluguran, at migpiesta lang kayabe na king pibalebale na. Pisiag da ing pamakirame ra kang Job at inaru de karing kasakitan a pepagpa na ning Ginu. Minie yang ditak a salapi at gintung singsing ing balang metung karela.
12Binendisyunan ne ning Dios ing tauling dake ning bie nang Job maygit king minuna. Meging bandi na la ding labing apat a libung tupa, anam a libung kamelyu, libung kaparis a baka, at libung gaindung asno. 13Atin yang pitung anak a lalaki at atlung anak a babai. 14Inaus neng Jemimah ing pangane karing babai, ing kadua Keziah, at ing bungsu Keren Hapuch.#42:14 E mu malagu ing buri dang sabian nune masanting la pang pakiramdaman king Hebreo ding binie nang lagyung Job karing anak na. Patipati ing buri nang sabian ning JEMIMAH; KEZIAH, metung yang klasing tanaman a cinnamon a gagamitan da keng pamangawang pabanglu; at ing buri nang sabian ning KEREN HAPUCH ing malating kahun a pilulanan pangulis ban lagu la ring mata. 15Ala nang babai pa king mabilug a yatu a kasing lagu da ring anak nang Job. Kalupa da ring anak nang lalaki, pepamanan na la ding babai.
16Mebie yang dinalan apat apulung banua i Job, at ikit na la ding apu na, ding apu na king tud, at ding apu na king talampakan. 17Tutu neng matua i Job inyang mate ya.
Currently Selected:
Job 42: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
