Job 1
1
Sibukan neng Satanas i Job
1Ating metung a lalaki king sakup ning Uz#1:1 UZ: metung yang lugal a alang makibalu. a milagyuan Job; ala yang kapintasan at makatuliran ya. Metung yang taung ating takut king Dios at mangilag king e ustu. 2Pitu la ding anak nang lalaki at atlu la ding babai. 3Atin yang pitung libung tupa, atlung libung kamelyu, limang dalan a paris a baka, limang dalan a gaindung asno ampon dakal a ipus. Ya ing mabanding dili karing tau king Aslagan.
4Meging kaugalian da ring anak nang lalaki ing liwas-liwas lang magtau karing karelang pibalebale king aldo a mitutuk karela, at parati da lang kukumbirahan ding atlu rang kapatad a babai ban mangan at minum kayabe ra. 5Itang abak a kayari ning karelang anda, maranun yang mibangun i Job at miyain yang ain-sakripisyu para karing balang metung karing anak na; pota ating karelang mikasala king e na sasarian at mekalapastangan ya king Dios. 6#Gen 6:2.Inyang datang ne ing aldo ban marap la king Dios ding lelangan ning banua,#1:6 King Hebreo: ding anak ning Dios. dinatang lang kayabe ra i Satanas.#1:6 King Hebreo: ing kalaban. 7Nganang kinutang ning Dios, Satanas, nukarin ka ibat?
Pekibat nang Satanas, Ibat ku keta at karin; lilibutan ke ing yatu. 8Ngana ning Ginu kang Satanas, Apansingan mu ne ing talasuyu kung i Job? Ala kang akit kalupa na king yatu. Tau yang alang kapintasan at makatuliran; atin yang takut king Dios at mangilag ya king nanumang e ustu.
9 # Kap 12:10. Pekibat nang Satanas, Samban na ka mo kayang Job nung alang sangkan king pamanyamba na? 10Manibat king ibat ingatan mu ne at ing pamilya na at ing sablang heganaganang pibandian na. Bibendisyunan mu ing heganaganang daraptan na at dininan meng baka a halus laganapan da ne ing mabilug a bansa. 11Subukan mung idayu ing heganaganang atyu kang Job at siguradung isumpa na ka.
12Ngana ning Ginu kang Satanas, Nung makanyan, bibili ku king kekang upaya ing heganaganang atyu kang Job; e mia mu panasakitan. Kaybat na nita meko ne king arapan na ning Ginu i Satanas.
Mete la ding Anak nang Job at Megisan ing Pibandian Na
13Misan a aldo inyang ding anak nang lalaki at babaing Job mamangan la at miminum alak king bale ning pangane, 14dinatang yang pupulayi ing magdalang balita kang Job. Ngana, Kasalukuyan mi ya pung sasarulan ing asikan karing baka at manyibsiban la ding asno king pipagpastulan, 15inyang bigla lang linusub ding Sabeo#1:15 SABEO: metung yang libut-libut a tribung manialake ibat king dane albugan. at dela da la ngan. Pete da la ngan ding ipus yu. Bukud mung aku pu ing mekatakas ban mamalita kekayu.
16Kabang magsalita ya pa, dinatang ne naman ing metung pang ipus at ngana, Mituran la pu king kildap ding tupa yu pati na ding pastul yu at mete la ngan. Bukud mung aku pu ing miligtas ban mamalita kekayu.
17Kabang magsalita ya pa, dinatang ne naman ing metung pang ipus at ngana, Selakayan da ke pu ding atlung grupung Caldeo;#1:17 CALDEO: metung yang libut-libut a tribung manialake ibat king dane norti. dela da la ring kamelyu at pete ding kekong ipus subali mu aku. Bukud mu pung aku ing mekatakas ban mamalita kekayu.
18Kabang magsalita ya pa, dinatang ne naman ing metung pang ipus at ngana, Ding anak yu pung lalaki at babai mamangan la at miminum alak king bale ning pangane, 19inyang dinatang ya ing masikan a angin a ibat king disyerto. Digsa ne ing bale; mibagsak ya karing anak yu at mete la ngan. Bukud mu pung aku ing miligtas ban mamalita kekayu.
20Kanita tinalakad ya i Job; ginabak na ing imalan na uli ning lungkut na. Sitsat ne ing buntuk na, migsakab ya king gabun, at sinamba ya king Dios. 21#Sir 40:1; 11:14.Ngana, Lubas ku inyang mibait ku at lubas ku naman keng mate ku. Ing Ginu ya ing minie at ya ing kinangua. Purian ya ing lagyu na ning Ginu!
22Makanyan man ing milyari, e ya mikasala i Job; e ne sinisian ing Ginu.
Currently Selected:
Job 1: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
